4 ᠥᠷᠭᠡᠷᠢᠭ ᠰᠡᠳᠬᠢᠬᠦᠢ ᠬᠢᠭᠡᠳ ᠴᠢᠯᠦᠭᠡᠲᠦ ᠠᠷᠠᠯᠵᠢᠶ᠎ᠠ .wps

ᠳᠥᠷᠪᠡ᠂ ᠥᠷᠭᠡᠷᠢᠭ ᠰᠡᠳᠬᠢᠬᠦᠢ ᠬᠢᠭᠡᠳ ᠴᠢᠯᠦᠭᠡᠲᠦ ᠠᠷᠠᠯᠵᠢᠶ᠎ᠠᠴᠢᠩᠭᠢᠰ ᠬᠠᠭᠠᠨ ᠤ ᠬᠦᠭᠵᠢᠩᠭᠦᠢ ᠠᠷᠭ᠎ᠠ ᠪᠤᠳᠤᠯᠭ᠎ᠠ ᠪᠠᠷ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠬᠢᠵᠤ ᠪᠠᠢᠭᠰᠠᠨ ᠨᠢ ᠮᠠᠰᠢ ᠭᠠᠢᠬᠠᠮᠰᠢᠭᠲᠠᠢ ᠰᠠᠨᠠᠭᠳᠠᠬᠤ ᠮᠦᠷᠲᠡᠭᠡᠨ᠂ ᠠᠷᠠᠯᠵᠢᠶ᠎ᠡ ᠬᠢᠬᠦ ᠳᠤ ᠴᠢᠯᠦᠭᠡᠲᠦ ᠲᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠬᠡᠷᠡᠭᠵᠢᠭᠦᠯᠵᠦ ᠪᠠᠢᠳᠠᠭ ᠨᠢ ᠨᠡᠭᠦᠳᠡᠯᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠴᠢᠯᠦᠭᠡᠲᠦ ᠰᠡᠳᠬᠢᠭᠦᠢ᠂ ᠠᠭᠤᠵᠢᠭᠤ ᠲᠠᠢᠪᠤᠭᠤ ᠰᠡᠳᠬᠢᠯ ᠰᠠᠨᠠᠭ᠎ᠠ ᠠᠴᠠ ᠰᠠᠭᠤᠷᠢᠯᠠᠭᠳᠠᠭᠰᠠᠨ ᠪᠠᠢᠬ᠎ᠠ ᠭᠡᠵᠦ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠲᠦᠷᠦᠭᠳᠡᠭᠦᠯᠦᠨ᠎ᠡ᠃ ᠲᠡᠭᠡᠪᠡᠯ ᠪᠢᠲᠡ ᠲᠤᠤᠷᠠᠬᠢ ᠪᠦᠯᠦᠭ ᠲᠤ ᠦᠷᠭᠡᠷᠢᠭ ᠰᠡᠳᠬᠢᠬᠦᠢ ᠬᠢᠭᠡᠳ ᠴᠢᠯᠦᠭᠡᠲᠦ ᠠᠷᠠᠯᠵᠢᠶᠠᠨ ᠤ ᠲᠤᠬᠠᠢ ᠪᠤᠲᠠᠲᠠᠢ ᠶᠠᠮᠠᠷᠬᠠᠨ ᠪᠠᠢᠳᠠᠯ ᠪᠠᠢᠭᠰᠠᠨ ᠢ ᠲᠤᠰ ᠪᠦᠯᠦᠭ ᠠᠴᠠ ᠤᠶᠢᠯᠠᠭᠠᠶ᠎ᠠ᠃ᠲᠡᠯᠡᠬᠡᠢ ᠶᠢᠨ ᠲᠣᠮᠣ ᠬᠦᠷᠦᠨ ᠨᠦᠭᠦᠳ ᠠᠴᠠ ᠲᠠᠩ ᠭᠠᠭᠴᠨ ᠦᠨᠳᠣᠰᠣᠳᠠᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠣᠯᠣᠰ ᠪᠠᠷᠤᠭ ᠯᠡ ᠪᠠᠢᠬᠤ ᠦᠬᠡᠢ ᠶᠤᠮ᠃ ᠬᠢᠲᠠᠳ ᠤᠯᠤᠰ ᠢᠶᠠᠷ ᠦᠵᠡᠬᠦ ᠳᠤ ᠮᠠᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠢ ᠪᠠᠭᠲᠠᠭᠠᠭᠰᠠᠨ 56 ᠦᠨᠳᠦᠰᠦᠲᠡᠨ ᠠᠴᠠ ᠪᠦᠷᠢᠯᠳᠦᠭᠰᠡᠨ ᠲᠣᠮᠣ ᠭᠡᠷ ᠪᠦᠯᠢ ᠪᠣᠯᠬᠤ ᠶᠤᠮᠰᠠᠨ᠃13 ᠵᠠᠭᠤᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠤ ᠪᠠᠢᠭᠤᠯᠤᠭᠰᠠᠨ ᠮᠣᠩᠭᠤᠯ ᠤᠨ ᠡᠵᠡᠨᠳᠣ ᠬᠦᠷᠣᠨ ᠴᠦ ᠣᠯᠠᠨ ᠦᠨᠳᠣᠰᠣᠳᠠᠨ ᠶᠠᠰᠣᠳᠠᠨ ᠠᠴᠠ ᠪᠦᠷᠢᠯᠳᠣᠨ ᠲᠣᠭᠳᠠᠭᠰᠠᠨ ᠣᠯᠣᠰ ᠪᠢᠯᠨ᠃ ᠡᠭᠦᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠦᠨᠣ ᠶᠢᠷᠲᠢᠨᠴᠦ ᠶᠢᠨ ᠲᠠᠶᠠᠭᠠᠷᠰᠢᠯ᠂ ᠴᠢᠯᠣᠭᠡᠳᠣ ᠠᠵᠣ ᠠᠬᠤᠢ ᠶᠢᠨ ᠦᠨᠳᠣᠰᠦᠯᠡᠭᠴᠢ ᠬᠡᠮᠡᠨ ᠬᠤᠵᠢᠮ ᠤᠨ ᠮᠠᠰᠢ ᠣᠯᠠᠨ ᠡᠷᠲᠡᠮᠲᠡᠳ ᠰᠠᠨᠠᠯ ᠨᠢᠭᠡᠲᠡᠢ ᠦᠵᠡᠳᠡᠭ ᠪᠠᠢᠨ᠎ᠠ᠃ᠦᠨᠳᠣᠰᠣᠳᠠᠨ ᠠᠢᠮᠠᠭ ᠤᠨ ᠢᠪᠴᠣᠣ ᠦᠵᠡᠯ᠂ ᠱᠠᠰᠢᠨ ᠰᠤᠷᠲᠠᠬᠤᠨ ᠤ ᠥᠷᠥᠭᠡᠰᠦᠭᠡᠯ ᠭᠠᠳᠠᠭᠤᠷᠴᠢᠯᠠᠯ ᠢᠶᠠᠷ ᠴᠡᠷᠢᠭᠯᠡᠭᠰᠡᠨ ᠳᠤ ᠬᠦᠷᠪᠠᠯ ᠴᠢᠩᠬᠢᠰ ᠬᠠᠭᠠᠨ ᠢᠯᠠᠭᠳᠠᠯ ᠠᠴᠠ ᠮᠤᠯᠲᠤᠷᠠᠵᠤ ᠳᠡᠢᠯᠬᠦ ᠦᠬᠡᠢ᠃ ᠶᠡᠭᠡ ᠬᠠᠭᠠᠨ ᠤ ᠣᠳᠬᠤᠨ ᠬᠦᠦ ᠲᠣᠯᠣᠢ ᠶᠢᠨ ᠡᠬᠡᠨᠡᠷ ᠨᠢ ᠰᠤᠷᠬᠠᠭᠲᠠᠨᠢ ᠨᠧᠰᠲ᠋ᠣᠷᠢᠰ ᠱᠠᠰᠢᠨ ᠢ ᠰᠢᠲᠦᠳᠡᠭ ᠬᠡᠷᠡᠢᠳ ᠠᠢᠮᠠᠭ ᠤᠨ ᠲᠣᠭᠤᠷᠢᠭᠤᠯ ᠸᠠᠩ ᠬᠠᠨ ᠤ ᠲᠦᠷᠦᠭᠰᠡᠨ ᠲᠡᠬᠦᠦ ᠵᠠᠬ᠎ᠠ ᠬᠠᠮᠪᠤ ᠶᠢᠨ ᠦᠬᠢᠨ ᠪᠣᠯᠬᠤ ᠶᠤᠮ᠃ ᠡᠬᠦᠨ ᠠᠴᠠ ᠶᠡᠭᠡ ᠬᠠᠭᠠᠨ ᠦᠨᠳᠣᠰᠣ ᠣᠭᠰᠠᠭ᠎ᠠ᠂ ᠱᠠᠰᠢᠨ ᠰᠢᠳᠣᠯᠭᠡ ᠶᠢ ᠠᠯᠠᠭᠴᠢᠯᠠᠨ ᠦᠵᠡᠳᠡᠭ ᠦᠬᠡᠢ ᠭᠡᠳᠡᠭ ᠢ ᠰᠢᠭᠤᠳ ᠦᠵᠡᠨ ᠭᠠᠷᠴᠤ ᠪᠣᠯᠣᠨ᠎ᠠ᠃1. ᠣᠷᠴᠢᠨ ᠠᠬᠤᠢᠠᠷᠪᠠᠨ ᠬᠤᠶᠠᠳᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡᠰ ᠲᠤ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠨᠡᠢᠭᠡᠮ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ ᠮᠠᠰᠢ ᠬᠤᠴᠤᠷᠤᠩᠭᠤᠢ ᠪᠠᠢᠭᠰᠠᠨ ᠪᠦᠭᠡᠳ ᠣᠯᠠᠩᠬᠢ ᠦᠨᠳᠦᠰᠦᠲᠡᠨ ᠨᠢ ᠹᠧᠣᠳᠠᠯ ᠤᠨ ᠪᠠᠢᠭᠤᠯᠤᠯ ᠳᠣᠣᠷ᠎ᠠ ᠲᠠᠷᠠᠬᠠᠢ ᠪᠣᠲᠠᠷᠬᠠᠢ᠂ ᠪᠠᠯᠠᠷ ᠪᠢᠲᠡᠭᠦᠯᠢᠭ ᠠᠮᠢᠳᠤᠷᠠᠵᠤ ᠪᠠᠢᠪᠠ᠃ ᠤᠯᠤᠰ ᠦᠨᠳᠦᠰᠦᠲᠡᠨ᠂ ᠠᠢᠮᠠᠭ ᠪᠦᠯᠦᠭ ᠤᠳ ᠤᠨ ᠬᠤᠭᠤᠷᠣᠨᠳᠤ ᠠᠯᠠᠯᠭ᠎ᠠ ᠬᠢᠳᠤᠯᠭ᠎ᠠ ᠳᠦᠭᠦᠷᠴᠦ ᠮᠠᠰᠢ ᠲᠠᠢᠪᠤᠩ ᠪᠤᠰᠤ ᠪᠠᠢᠵᠠᠢ᠃ᠠᠷᠪᠠᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠶᠢᠨ ᠦᠶ᠎ᠡ ︵1095 ᠣᠨ︶ ᠠᠴᠠ ᠡᠬᠢᠯᠡᠭᠰᠡᠨ ᠵᠠᠭᠠᠯᠮᠠᠢᠲᠠᠨ ᠤ ᠴᠡᠷᠢᠭ ᠤᠨ ᠳᠠᠢᠯᠠᠯᠳᠤᠭᠠᠨ ᠡᠸᠦ᠋ᠷᠦᠫᠡ ᠲᠢᠪ ᠢ ᠬᠠᠮᠤᠷᠴᠤ᠂ ᠾᠧᠷᠢᠰᠲ᠋ᠣᠰ ᠤᠨ ᠱᠠᠰᠢᠨ ᠪᠠ ᠢᠰᠯᠠᠮ ᠤᠨ ᠱᠠᠰᠢᠨ ᠵᠡᠷᠭᠡ ᠪᠠᠷ ᠬᠤᠬᠢᠷᠠᠭᠰᠠᠨ ᠪᠠᠢᠨ᠎ᠠ᠃ ᠳᠣᠷᠣᠨᠠᠲᠤ ᠷᠣᠮᠠ ᠬᠠᠭᠠᠨᠲᠤ ᠤᠯᠤᠰ ᠳᠣᠷᠦ᠋ᠢᠲᠠᠭᠰᠠᠨ ᠠᠴᠠ ᠡᠸᠦ᠋ᠷᠦᠫᠡ ᠶᠢᠨ ᠬᠦᠴᠦᠷᠬᠡᠭ ᠨᠢᠭᠡᠲᠦᠮᠡᠯ ᠤᠯᠤᠰ ᠬᠠᠷᠠᠬᠠᠨ ᠪᠤᠢ ᠪᠣᠯᠤᠭ᠎ᠠ ᠦᠭᠡᠢ ᠪᠠᠢᠵᠠᠢ᠃ ᠣᠷᠣᠰ ᠤᠨ ᠬᠢᠵᠠᠭᠠᠷ ᠲᠤ ᠦᠢ ᠤᠯᠠᠨ ᠤᠭᠰᠠᠭ᠎ᠠ ᠠᠢᠮᠠᠭ ᠲᠤᠰ ᠲᠤᠰ ᠤᠨ ᠢᠶᠠᠨ ᠤᠯᠤᠰ ᠭᠦᠷᠦᠨ ᠢ ᠪᠣᠰᠬᠠᠵᠤ᠂ ᠳᠠᠢᠨ ᠳᠠᠵᠢᠨ᠂ ᠳᠡᠭᠡᠷᠡᠮ ᠲᠣᠨᠤᠭ᠎ᠠ ᠪᠠᠷ ᠳᠦᠭᠦᠷᠴᠦ ᠪᠠᠢᠯ᠎ᠠ᠃ ᠳᠤᠮᠳᠠᠳᠤ ᠳᠣᠷᠣᠨᠠᠲᠤ ᠪᠠ ᠪᠠᠷᠠᠭᠤᠨ ᠠᠽᠢᠶ᠎ᠠ ᠳᠤ ᠮᠥᠨ ᠴᠤ ᠬᠠᠷᠢᠯᠴᠠᠨ ᠳᠠᠢᠰᠤᠩᠨᠠᠭᠰᠠᠨ ᠢᠰᠯᠠᠮ ᠤᠨ ᠱᠠᠰᠢᠨᠲᠠᠳ ᠲᠤᠰ ᠲᠤᠰ ᠲᠠᠭᠠᠨ ᠨᠣᠶᠠᠷᠬᠠᠵᠤ ᠪᠠᠢᠪᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠲᠦᠷᠺ ᠤᠨ ᠰᠧᠯᠵᠤᠺ ᠸᠠᠩᠲᠤ ᠲᠥᠷᠥ᠂ ᠭᠷᠧᠭ ᠲᠠᠢ ᠪᠠᠭ᠎ᠠ ᠠᠽᠢᠶ᠎ᠠ ᠶᠢ ᠪᠤᠯᠢᠶᠠᠯᠳᠤᠨ ᠳᠠᠢᠳᠤᠵᠤ ᠪᠠᠢᠪᠠ᠃ ᠳᠡᠯᠡᠬᠡᠢ ᠶᠢᠨ ᠡᠷᠲᠡᠨ ᠤ ᠪᠣᠯᠪᠠᠰᠤᠨ ᠳᠦᠷᠪᠡᠨ ᠤᠯᠤᠰ ᠤᠨ ᠨᠢᠭᠡᠨ ᠪᠣᠯᠬᠤ ᠶᠧᠵᠢᠫᠲ᠂ ᠰᠢᠷᠢᠶ᠎ᠠ ᠶᠢ ᠪᠠᠢᠯᠳᠤᠨ ᠳᠠᠭᠠᠭᠤᠯᠬᠤ ᠪᠠᠷ ᠴᠢᠰᠤ ᠤᠷᠤᠰᠬᠠᠵᠤ ᠪᠠᠢᠪᠠ᠃ ᠱᠠᠭᠢᠮᠤᠨᠢ ᠶᠢᠨ ᠮᠡᠨᠳᠦᠯᠡᠭᠰᠡᠨ ᠣᠷᠣᠨ ᠡᠨᠡᠳᠬᠡᠭ ᠲᠤ ᠱᠠᠰᠢᠨ ᠤ ᠮᠥᠷᠭᠦᠯᠳᠦᠭᠡᠨ ᠰᠢᠷᠦᠭᠦᠨ ᠶᠠᠪᠤᠭᠳᠠᠵᠤ ᠪᠠᠢᠪᠠ᠃ᠵᠥᠭᠯᠡᠭᠦᠷ᠂ ᠴᠠᠭᠠᠰᠤ ᠬᠢᠬᠦ ᠠᠷᠭ᠎ᠠ᠂ ᠬᠡᠪᠯᠡᠬᠦ ᠠᠷᠭ᠎ᠠ ᠪᠠ ᠳᠠᠷᠢ ᠵᠡᠷᠭᠡ ᠶᠢ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠲᠡᠦᠬᠡᠨ ᠳᠤ ᠠᠩᠬ᠎ᠠ ᠡᠭᠦᠳᠦᠨ ᠪᠦᠲᠦᠭᠡᠵᠦ᠂ ᠳᠡᠯᠡᠬᠡᠢ ᠶᠢᠨ ᠡᠷᠲᠡᠨ ᠤ ᠪᠣᠯᠪᠠᠰᠤᠨ ᠰᠣᠶᠣᠯᠲᠤ ᠤᠯᠤᠰ ᠤᠨ ᠨᠢᠭᠡ ᠨᠢ ᠪᠣᠯᠣᠭᠰᠠᠨ ᠳᠤᠮᠳᠠᠳᠤ ᠤᠯᠤᠰ ᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠳᠡᠭᠡᠷ᠎ᠡ ᠡᠮᠦᠨᠡᠲᠦ ᠰᠦᠩ᠂ ᠠᠯᠲᠠᠨ ᠤᠯᠤᠰ᠂ ᠲᠠᠩᠭᠤᠳ᠂ ᠬᠠᠷ᠎ᠠ ᠬᠢᠳᠠᠨ᠂ ᠲᠥᠪᠡᠳ᠂ ᠳ᠋ᠠᠯᠢ ᠵᠡᠷᠭᠡ ᠲᠥᠷᠥ ᠭᠦᠷᠦᠨ ᠬᠠᠷᠢᠯᠴᠠᠨ ᠳᠠᠢᠰᠤᠩᠨᠠᠯᠴᠠᠨ᠂ ᠪᠠᠭ᠎ᠠ ᠪᠠᠭᠤᠷᠠᠢ ᠦᠨᠳᠦᠰᠦᠲᠡᠨ ᠢ ᠳᠣᠷᠣᠮᠵᠢᠯᠠᠨ ᠲᠠᠯᠬᠢᠳᠠᠵᠤ᠂ ᠠᠷᠠᠳ ᠲᠦᠮᠡᠨ ᠭᠠᠰᠠᠯᠠᠩ ᠵᠣᠪᠠᠯᠠᠩ ᠤᠨ ᠳᠠᠯᠠᠢ ᠳᠤ ᠵᠢᠪᠴᠦ ᠪᠠᠢᠯ᠎ᠠ᠃ᠰᠣᠶᠣᠯ ᠪᠣᠯᠪᠠᠰᠤᠨ ᠢᠶᠠᠷ ᠪᠠᠯᠠᠷ ᠮᠣᠩᠬᠠᠭ ᠢ ᠢᠯᠠᠬᠤ᠂ ᠳᠠᠢᠨ ᠳᠠᠵᠢᠨ ᠢ ᠵᠣᠭᠰᠤᠭᠠᠵᠤ ᠠᠷᠠᠳ ᠲᠦᠮᠡᠨ ᠤ ᠡᠩᠬᠡ ᠲᠠᠢᠪᠤᠩ ᠠᠮᠢᠳᠤᠷᠠᠯ ᠢ ᠪᠠᠲᠤᠯᠠᠵᠤ᠂ ᠤᠯᠤᠰ ᠭᠦᠷᠦᠨ ᠨᠠᠢᠷᠠᠮᠳᠠᠵᠤ᠂ ᠰᠣᠶᠣᠯ ᠪᠣᠯᠪᠠᠰᠤᠨ ᠢᠶᠠᠨ ᠰᠣᠯᠢᠯᠴᠠᠬᠤ ᠶᠢ ᠠᠯᠢ ᠨᠢᠭᠡᠨ ᠤᠯᠤᠰ ᠦᠨᠳᠦᠰᠦᠲᠡᠨ ᠤ ᠠᠷᠠᠳ ᠲᠦᠮᠡᠨ ᠪᠦᠷ ᠬᠦᠰᠡᠵᠦ ᠪᠠᠢᠭᠰᠠᠨ ᠶᠤᠮ᠃ ᠡᠨᠡ ᠪᠣᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠨᠡᠢᠭᠡᠮ ᠤᠨ ᠳᠠᠪᠰᠢᠯᠲᠠ ᠶᠢᠨ ᠬᠠᠨᠳᠤᠰᠢ ᠪᠣᠯᠣᠨ᠎ᠠ᠃2. ᠨᠢᠭᠡᠲᠦᠯ ᠢ ᠪᠡᠶᠡᠯᠡᠭᠦᠯᠬᠦ ᠵᠠᠩᠭᠢᠯᠠᠭ᠎ᠠᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠡᠯ᠎ᠡ ᠲᠠᠷᠠᠬᠠᠢ ᠪᠣᠲᠠᠷᠬᠠᠢ ᠦᠨᠳᠦᠰᠦᠲᠡᠨ ᠤᠭᠰᠠᠭᠠᠲᠠᠨ ᠢ ᠨᠢᠭᠡᠳᠬᠡᠬᠦ ᠳᠤ ᠬᠦᠴᠦᠲᠦ ᠶᠡᠭᠡ ᠴᠡᠷᠢᠭ ᠤᠨ ᠬᠦᠴᠦᠨ ᠪᠠ ᠠᠵᠤ ᠠᠬᠤᠢ ᠶᠢᠨ ᠪᠣᠳᠠᠲᠣ ᠬᠦᠴᠦᠨ ᠪᠠᠢᠬᠤ ᠴᠢᠬᠤᠯᠠᠲᠠᠢ᠃ ᠴᠡᠷᠢᠭ ᠤᠨ ᠬᠦᠴᠦᠨ ᠤ ᠲᠠᠯ᠎ᠠ ᠪᠠᠷ ᠠᠳᠡ ᠤᠯᠠᠨ ᠶᠠᠷᠢᠬᠤ ᠴᠢᠬᠤᠯᠠ ᠦᠭᠡᠢ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠴᠡᠷᠢᠭ ᠳᠠᠢᠨ ᠤ ᠪᠣᠳᠣᠯᠭ᠎ᠠ ᠶᠢ ᠪᠦᠬᠦ ᠳᠡᠯᠡᠬᠡᠢ ᠪᠠᠷ ᠢᠶᠠᠨ ᠮᠡᠳᠡᠷᠡᠳᠡᠭ᠂ ᠲᠤᠬᠠᠢ ᠶᠢᠨ ᠳᠠᠢᠨ ᠪᠠᠢᠯᠳᠤᠭᠠᠨ ᠤ ᠲᠠᠯ᠎ᠠ ᠪᠠᠷ ᠮᠣᠩᠭᠤᠯᠴᠤᠳ ᠴᠠᠭ ᠦᠶ᠎ᠡ ᠠᠴᠠ ᠲᠠᠰᠤᠷᠬᠠᠢ ᠳᠠᠪᠠᠭᠤᠯᠢᠭ ᠲᠦᠪᠰᠢᠨ ᠳᠤ ᠪᠠᠢᠪᠠ᠃ᠠᠵᠤ ᠠᠬᠤᠢ ᠶᠢᠨ ᠪᠣᠳᠠᠲᠣ ᠬᠦᠴᠦᠨ ᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠳᠤ ᠶᠠᠭᠤᠨ ᠤ ᠡᠮᠦᠨ᠎ᠡ ᠠᠷᠠᠯᠵᠢᠶ᠎ᠠ ᠶᠢ ᠴᠢᠬᠤᠯᠠᠴᠢᠯᠠᠬᠤ ᠬᠡᠷᠡᠭᠲᠡᠢ᠃ ᠠᠷᠠᠯᠵᠢᠶ᠎ᠠ ᠨᠢ ᠨᠢᠭᠡᠨ ᠤᠯᠤᠰ ᠤᠨ ᠠᠵᠤ ᠠᠬᠤᠢ ᠲᠠᠢ ᠨᠢᠭᠲᠠ ᠬᠤᠯᠪᠣᠭᠳᠠᠵᠤ᠂ ᠠᠷᠠᠯᠵᠢᠶ᠎ᠠ ᠬᠥᠭᠵᠢᠪᠡᠯ ᠨᠡᠢᠭᠡᠮ ᠳᠤ ᠳᠠᠭᠠᠯᠳᠤᠨ ᠬᠥᠭᠵᠢᠵᠦ᠂ ᠤᠯᠤᠰ ᠤᠨ ᠬᠤᠭᠤᠷᠣᠨᠳᠤᠬᠢ ᠬᠠᠷᠢᠯᠴᠠᠭ᠎ᠠ ᠰᠣᠯᠢᠯᠴᠠᠭ᠎ᠠ ᠶᠢ ᠠᠬᠢᠭᠤᠯᠵᠤ᠂ ᠬᠠᠮᠲᠤᠪᠠᠷ ᠳᠠᠪᠰᠢᠳᠠᠭ᠃ᠴᠡᠷᠢᠭ ᠤᠨ ᠬᠦᠴᠦᠨ ᠪᠠ ᠠᠵᠤ ᠠᠬᠤᠢ ᠶᠢᠨ ᠪᠣᠳᠠᠲᠣ ᠬᠦᠴᠦᠨ ᠪᠣᠯ ᠨᠢᠭᠡᠲᠦᠯ ᠤᠨ ᠪᠣᠳᠠᠰ ᠤᠨ ᠰᠠᠭᠤᠷᠢ᠂ ᠬᠠᠷᠢᠨ ᠨᠢᠭᠡᠲᠦᠯ ᠢ ᠪᠡᠶᠡᠯᠡᠭᠦᠯᠬᠦ ᠶᠢᠨ ᠵᠠᠩᠭᠢᠯᠠᠭ᠎ᠠ ᠪᠣᠯ ᠪᠣᠰᠣᠳ ᠤᠯᠤᠰ ᠦᠨᠳᠦᠰᠦᠲᠡᠨ ᠤ ᠰᠢᠨ᠎ᠡ ᠵᠦᠢᠯ ᠢ ᠴᠢᠯᠦᠭᠡᠲᠡᠢ ᠨᠡᠭᠡᠭᠡᠮᠡᠬᠡᠢ ᠣᠪᠣᠷ ᠢᠶᠠᠷ ᠬᠦᠯᠢᠶᠡᠨ ᠠᠪᠬᠤ ᠪᠣᠯᠣᠨ᠎ᠠ᠃ ᠪᠣᠰᠣᠳ ᠤᠨ ᠳᠠᠪᠰᠢᠭᠰᠠᠨ ᠰᠣᠶᠣᠯ᠂ ᠳᠠᠪᠰᠢᠭᠰᠠᠨ ᠮᠡᠷᠭᠡᠵᠢᠯ᠂ ᠳᠠᠪᠰᠢᠭᠰᠠᠨ ᠦᠵᠡᠯ ᠤᠬᠠᠮᠰᠠᠷ ᠢ ᠬᠦᠯᠢᠶᠡᠨ ᠠᠪᠴᠤ ᠰᠢᠩᠭᠡᠭᠡᠬᠦ ᠨᠢ ᠨᠢᠭᠡᠨ ᠦᠨᠳᠦᠰᠦᠲᠡᠨ ᠤ ᠳᠠᠪᠰᠢᠯᠲᠠ ᠳᠤ ᠵᠠᠩᠭᠢᠯᠠᠭ᠎ᠠ ᠶᠢᠨ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ ᠶᠤᠮ᠃ᠴᠢᠩᠭᠢᠰ ᠬᠠᠭᠠᠨ ᠤᠯᠠᠨ ᠵᠢᠯ ᠤᠨ ᠡᠷᠡᠮᠡᠬᠡᠢ ᠳᠠᠢᠨ ᠢᠶᠠᠷ ᠳᠠᠮᠵᠢᠵᠤ᠂ ᠨᠡᠢᠲᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 1206 ᠣᠨ ᠳᠤ ᠢᠰᠡᠭᠡᠢ ᠲᠤᠭᠤᠷᠭᠠᠲᠤ ᠮᠣᠩᠭᠤᠯ ᠬᠡᠯᠡᠲᠡᠨ ᠢᠶᠠᠨ ᠬᠤᠷᠢᠶᠠᠨ ᠴᠤᠭᠯᠠᠭᠤᠯᠵᠤ᠂ ᠮᠣᠩᠭᠤᠯ ᠥᠨᠳᠥᠰᠦᠲᠡᠨ ᠤ ᠨᠢᠭᠡᠲᠦᠯ ᠢ ᠠᠩᠬ᠎ᠠ ᠪᠡᠶᠡᠯᠡᠭᠦᠯᠦᠭᠰᠡᠨ ᠶᠤᠮ ᠪᠠᠢᠨ᠎ᠠ ︵ᠠᠳᠡ ᠪᠢᠳᠡ ᠭᠤᠣᠯᠳᠠᠭᠤ ᠠᠵᠤ ᠠᠬᠤᠢ ᠠᠷᠠᠯᠵᠢᠶᠠᠨ ᠤ ᠲᠠᠯ᠎ᠠ ᠠᠴᠠ ᠴᠢᠩᠭᠢᠰ ᠬᠠᠭᠠᠨ ᠬᠡᠷᠬᠢᠨ ᠳᠡᠯᠡᠬᠡᠢᠴᠢᠯᠡᠯᠲᠡ ᠶᠢᠨ ᠰᠠᠭᠤᠷᠢ ᠲᠠᠯᠪᠢᠭᠰᠠᠨ ᠲᠤᠬᠠᠢ ᠶᠠᠷᠢᠬᠤ ᠠᠴᠠ ᠪᠢᠰᠢ᠂ ᠶᠡᠭᠡ ᠨᠢᠭᠡᠲᠦᠯ ᠢ ᠪᠡᠶᠡᠯᠡᠭᠦᠯᠬᠦ ᠳᠤ ᠭᠠᠷᠤᠭᠰᠠᠨ ᠬᠡᠴᠢᠨᠡᠭᠡᠨ ᠤᠯᠠᠨ ᠠᠯᠳᠠᠷᠲᠤ ᠳᠠᠢᠨ ᠪᠠᠢᠯᠳᠤᠭᠠᠨ ᠢ ᠶᠠᠷᠢᠬᠤ ᠦᠭᠡᠢ︶᠃ᠤᠮᠠᠷᠠᠲᠤ ᠣᠷᠣᠨ ᠤ ᠶᠡᠭᠡ ᠨᠢᠭᠡᠲᠦᠯ ᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠣᠯᠪᠠᠴᠤ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠨᠥᠭᠦᠴᠡᠯ ᠠᠴᠠ ᠪᠣᠯᠵᠤ ᠮᠣᠩᠭᠤᠯ ᠣᠷᠣᠨ ᠳᠤ ᠤᠯᠠᠨ ᠵᠦᠢᠯ ᠤᠨ ᠶᠠᠭᠤᠮ᠎ᠠ ᠳᠤᠲᠠᠭᠳᠠᠵᠤ ᠪᠠᠢᠪᠠ᠃ ᠡᠷᠬᠡᠪᠰᠢ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠪᠠᠷ ᠳᠠᠮᠵᠢᠭᠤᠯᠤᠨ᠂ ᠠᠮᠢᠳᠤᠷᠠᠯ ᠤᠨ ᠳᠤᠲᠠᠭᠳᠠᠵᠤ ᠪᠦᠬᠦᠢ ᠵᠦᠢᠯᠡᠰ ᠢᠶᠠᠨ ᠨᠥᠬᠦᠪᠦᠷᠢᠯᠡᠵᠦ᠂ ᠨᠡᠢᠭᠡᠮ ᠤᠨ ᠳᠠᠪᠰᠢᠯᠲᠠ ᠶᠢ ᠪᠡᠶᠡᠯᠡᠭᠦᠯᠬᠦ ᠴᠢᠬᠤᠯᠠ ᠲᠠᠢ ᠶᠢ ᠴᠢᠩᠭᠢᠰ ᠬᠠᠭᠠᠨ ᠣᠶᠢᠯᠠᠭᠠᠨ ᠲᠠᠨᠢᠭᠰᠠᠨ ᠪᠠᠢᠪᠠ᠃ ᠢᠩᠭᠢᠭᠡᠳ ᠤᠮᠠᠷᠠᠲᠤ ᠣᠷᠣᠨ ᠢ ᠲᠦᠪᠰᠢᠳᠬᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠴᠢᠩᠭᠢᠰ ᠬᠠᠭᠠᠨ ᠭᠠᠳᠠᠭᠰᠢ ᠳᠦᠷᠢᠬᠦ ᠳᠠᠢᠨ ᠢᠶᠠᠨ ᠡᠬᠢᠯᠡᠭᠦᠯᠵᠡᠢ᠂ ᠡᠭᠦᠨ ᠤ ᠠᠷᠤ ᠳᠠᠬᠢ ᠰᠢᠯᠲᠠᠭᠠᠨ ᠨᠢ ᠶᠠᠭᠤ ᠪᠣᠢ︖ ᠭᠡᠪᠡᠯ᠂ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠮᠣᠩᠭᠤᠯ ᠣᠷᠣᠨ ᠳᠤ ᠲᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯ ᠬᠤᠮᠰᠠ ᠤᠴᠢᠷ ᠠᠴᠠ ᠪᠣᠰᠣᠳ ᠦᠨᠳᠦᠰᠦᠲᠡᠨ ᠠᠴᠠ ᠲᠣᠷᠭ᠎ᠠ ᠳᠣᠷᠳᠣᠩ᠂ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠯᠡᠭᠡᠨ ᠢ ᠵᠦᠢᠯ ᠢ ᠣᠷᠣᠭᠤᠯᠬᠤ ᠬᠡᠷᠡᠭᠲᠡᠢ ᠪᠠᠢᠭᠰᠠᠨ ᠶᠤᠮ᠃ ᠡᠢᠮᠦᠷᠬᠦᠦ ᠪᠠᠢᠳᠠᠯ ᠳᠤ ᠡᠷᠭᠢᠯᠲᠡ ᠭᠠᠷᠭᠠᠬᠤ ᠶᠢᠨ ᠲᠥᠯᠥᠭᠡ ᠴᠢᠩᠭᠢᠰ ᠬᠠᠭᠠᠨ ᠭᠠᠳᠠᠭᠰᠢ ᠳᠦᠷᠢᠬᠦ ᠳᠠᠢᠨ ᠶᠠᠪᠤᠭᠳᠠᠭᠤᠯᠵᠠᠢ᠂ ᠥᠭᠡᠷ᠎ᠡ ᠪᠠᠷ ᠬᠡᠯᠡᠪᠡᠯ ᠡᠳ᠋ ᠤᠨ ᠵᠠᠰᠠᠭ ᠤᠨ ᠳᠠᠢᠨ ᠪᠣᠯᠣᠨ᠎ᠠ᠃ ᠡᠳ᠋ ᠤᠨ ᠵᠠᠰᠠᠭ ᠤᠨ ᠳᠠᠢᠨ ᠪᠣᠯ ᠠᠷᠠᠯᠵᠢᠶ᠎ᠠ ᠨᠡᠭᠡᠭᠡᠬᠦ ᠪᠠᠷ ᠰᠢᠵᠢᠮ ᠪᠣᠯᠭᠠᠵᠤ᠂ ᠳᠡᠯᠡᠬᠡᠢ ᠳ᠋ᠠᠬᠢᠨ ᠢ ᠬᠤᠯᠪᠣᠬᠤ ᠳᠠᠢᠨ ᠪᠣᠯᠣᠨ᠎ᠠ᠃3. ᠤᠷᠳᠤᠷᠢᠭ ᠰᠡᠳᠬᠢᠬᠦᠢ ᠬᠢᠭᠡᠳ ᠪᠤᠭᠤᠭᠳᠠᠮᠠᠯ ᠠᠵᠤ ᠠᠬᠤᠢ ᠶᠢᠨ ᠶᠠᠪᠤᠯᠴᠠᠭ᠎ᠠ︽ᠨᠡᠬᠦᠳᠡᠯᠴᠢᠳ ᠤᠨ ᠰᠡᠳᠬᠢᠬᠦᠢ︾ ᠨᠢ ᠭᠠᠵᠠᠷ ᠳᠠᠷᠢᠶᠠᠯᠠᠩ ᠡᠷᠬᠢᠯᠡᠭᠰᠡᠨ ᠰᠠᠭᠤᠷᠢᠨ ᠦᠨᠳᠦᠰᠦᠳᠡᠨ ᠤ ᠰᠡᠳᠬᠢᠬᠦᠢ ᠶᠢ ᠳᠠᠪᠠᠨ ᠴᠠᠭᠠᠨ᠎ᠠ ᠨᠢ ᠭᠠᠷᠤᠭᠰᠠᠨ ᠪᠠᠢᠳᠠᠭ᠃ ᠡᠢᠨ ᠬᠦ ᠮᠤᠩᠭᠤᠯᠴᠤᠳ ᠳᠠᠷᠤᠢ ᠲᠥᠷᠭᠡᠨ ᠮᠠᠯ ᠰᠦᠷᠦᠭ ᠢᠶᠠᠨ ᠳᠠᠭᠤᠵᠤ ᠭᠠᠵᠠᠷ ᠰᠡᠯᠬᠦᠨ ᠨᠡᠭᠦᠳᠡᠯᠯᠡᠳᠡᠭ᠃ ᠨᠡᠬᠦᠳᠡᠯᠴᠢᠳ ᠤᠰᠤ ᠪᠡᠯᠴᠢᠭᠡᠷ ᠰᠠᠢᠲᠠᠢ ᠭᠠᠵᠠᠷ ᠮᠠᠯ ᠰᠦᠷᠦᠭ ᠢᠶᠠᠨ ᠠᠳᠤᠭᠤᠯᠠᠨ ᠬᠠᠷᠢᠭᠤᠯᠬᠤ ᠵᠤᠷᠢᠯᠭ᠎ᠠ ᠪᠠᠷ ᠳᠤᠤᠷᠠᠳᠤ ᠵᠠᠬ᠎ᠠ ᠨᠢ ᠵᠢᠯ ᠪᠦᠷᠢ ᠳᠦᠷᠪᠡᠨ ᠤᠳᠠᠭ᠎ᠠ ᠶᠡᠭᠡ ᠨᠡᠬᠦᠳᠡᠯ ᠪᠠ ᠠᠩ ᠬᠦᠷᠦᠭᠡ ᠬᠢᠳᠡᠭ ᠦᠷᠬᠦᠯᠵᠢ ᠶᠢᠨ ᠬᠦᠳᠡᠯᠭᠡᠭᠡᠨ ᠲᠠᠢ ᠶᠤᠮ᠃ ᠦᠯᠦᠰᠴᠤ ᠥᠯᠪᠡᠷᠬᠦ ᠦᠭᠡᠢ ᠶᠢᠨ ᠳᠤᠯᠠᠳᠠ ᠦᠷᠬᠦᠯᠵᠢ ᠪᠠᠢᠷᠢ ᠪᠠᠨ ᠰᠡᠯᠭᠦᠵᠤ ᠪᠠᠢᠬᠤ ᠨᠢ ᠨᠡᠭᠦᠳᠡᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠤᠨ ᠬᠡᠪ ᠰᠢᠨᠵᠢ ᠪᠣᠯᠣᠨ᠎ᠠ᠃ᠰᠠᠭᠤᠷᠢᠨ ᠦᠨᠳᠦᠰᠦᠳᠡᠨ ᠨᠦᠭᠦᠳ ᠨᠢᠭᠡ ᠭᠠᠵᠠᠷ ᠠᠴᠠ ᠬᠦᠨᠡᠰᠦ ᠳᠡᠵᠢᠭᠡᠯ᠂ ᠬᠤᠪᠴᠠᠰᠤ ᠬᠤᠨᠠᠷ ᠤᠨ ᠠᠰᠠᠭᠤᠳᠠᠯ ᠢᠶᠠᠨ ᠰᠢᠢᠳᠪᠤᠷᠢᠯᠡᠨ᠎ᠡ᠃ ᠡᠨᠡ ᠨᠢ ᠨᠡᠬᠦᠳᠡᠯᠴᠢᠳ ᠢ ᠪᠤᠳᠤᠪᠠᠯ ᠬᠠᠷᠢᠴᠠᠩᠭᠤᠢ ᠳᠠᠢᠪᠤᠩ ᠠᠮᠢᠳᠤᠷᠠᠯ ᠲᠠᠢ ᠪᠠᠢᠨ᠎ᠠ᠃ ᠡᠢᠮᠦ ᠪᠤᠯᠬᠤᠷ ᠬᠦᠷᠰᠢ ᠠᠢᠯ᠂ ᠳᠤᠰᠬᠤᠨ᠂ ᠤᠯᠤᠰ ᠬᠦᠷᠦᠨ ᠲᠠᠢ ᠬᠠᠷᠢᠯᠴᠠᠨ ᠵᠤᠷᠴᠢᠬᠤ ᠱᠠᠭᠠᠷᠳᠠᠯᠭ᠎ᠠ ᠪᠠᠭ᠎ᠠ᠃ ᠡᠨᠡ ᠬᠦ ᠤᠳᠬ᠎ᠠ ᠠᠭᠤᠯᠭ᠎ᠠ ᠠᠴᠠ ᠦᠵᠡᠪᠡᠯ ᠲᠡᠳᠡᠨ ᠤ ᠰᠡᠳᠬᠢᠬᠦᠢ ᠬᠢᠵᠠᠭᠠᠷᠯᠠᠭᠳᠠᠮᠠᠯ᠂ ᠳᠡᠯᠡᠭᠡᠢ ᠶᠢᠨ ᠦᠷᠭᠡᠨ ᠠᠭᠤᠳᠠᠮ ᠭᠡᠳᠡᠭ ᠢ ᠦᠯᠦ ᠮᠡᠳᠡᠨ᠎ᠡ᠃ ᠳᠡᠳᠡᠨ ᠤ ᠭᠤᠤᠯ ᠠᠩᠬᠠᠷᠳᠠᠭ ᠵᠦᠢᠯ ᠨᠢ ᠠᠮᠢᠳᠤᠷᠠᠯ ᠢ ᠳᠡᠳᠬᠦᠭᠴᠢ ᠭᠠᠵᠠᠷ᠂ ᠪᠤᠷᠤᠭ᠎ᠠ ᠤᠷᠤᠭᠤᠯᠳᠠᠭ ᠳᠡᠭᠷᠢ ᠲᠡᠳᠦᠢ ᠯᠡ ᠶᠤᠮ᠃ ᠡᠢᠨ ᠬᠦ ᠬᠠᠵᠠᠭᠤ ᠳᠡᠢᠰᠢ ᠬᠠᠷᠠᠬᠤ ᠱᠠᠭᠠᠷᠳᠠᠯᠭ᠎ᠠ ᠹᠧᠣᠳᠠᠯ ᠨᠡᠢᠭᠡᠮ ᠳᠤ ᠪᠠᠢᠭ᠎ᠠ ᠦᠭᠡᠢ᠂ ᠳᠡᠭᠡᠭᠰᠢ ᠪᠠᠨ ᠳᠡᠭᠷᠢ᠂ ᠳᠤᠷᠤᠭᠰᠢ ᠪᠠᠨ ᠭᠠᠵᠠᠷ ᠢ ᠰᠢᠷᠲᠡᠨ ᠠᠮᠢᠳᠤᠷᠠᠳᠠᠭ᠃ᠭᠠᠵᠠᠷ ᠳᠠᠷᠢᠶᠠᠯᠠᠩ ᠡᠷᠬᠢᠯᠡᠭᠰᠡᠨ ᠰᠠᠭᠤᠷᠢᠨ ᠠᠮᠢᠳᠤᠷᠠᠯ ᠲᠠᠢ ᠨᠡᠢᠭᠡᠮ ᠨᠢ ᠪᠤᠰᠤᠭ᠎ᠠ ᠳᠡᠩᠭᠡᠯᠢᠭ ᠤᠨ ᠨᠡᠢᠭᠡᠮ ᠶᠤᠮ᠃ ᠡᠨᠡ ᠨᠡᠢᠭᠡᠮ ᠢ ᠵᠦᠪ ᠬᠦᠳᠦᠯᠵᠤ ᠴᠢᠳᠠᠪᠠᠯ ᠦᠨᠡᠭᠡᠷ ᠰᠠᠢᠬᠠᠨ ᠨᠡᠢᠭᠡᠮ᠂ ᠠᠮᠤᠭᠤᠯᠠᠩ ᠳᠠᠢᠪᠤᠩ᠂ ᠨᠠᠰᠤᠨ ᠳᠤᠷᠰᠢᠳᠡ ᠪᠠᠨ ᠪᠦᠭᠦ ᠳᠠᠯ᠎ᠠ ᠪᠠᠷ ᠬᠠᠩᠬᠤᠯᠤᠭᠤᠨ ᠪᠠᠢᠵᠤ ᠪᠤᠯᠬᠤ ᠨᠡᠢᠭᠡᠮ ᠶᠤᠮ᠃ ᠬᠡᠪᠡᠴᠤ ᠡᠨᠡ ᠨᠡᠢᠭᠡᠮ ᠨᠢ ᠦᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠬᠦᠴᠦ ᠪᠠᠨ ᠠᠯᠳᠠᠬᠤ ᠳᠤ ᠬᠦᠷᠪᠡᠯ ᠶᠠᠩᠵᠤ ᠪᠦᠷᠢ ᠶᠢᠨ ᠬᠤᠬᠢᠷᠠᠯ ᠠᠮᠰᠠᠵᠤ ᠨᠡᠢᠭᠡᠮ ᠤᠨ ᠪᠠᠢᠭᠤᠯᠤᠯ ᠴᠦ ᠰᠦᠢᠷᠡᠬᠦ ᠠᠶᠤᠯᠳᠠᠢ᠂ ᠬᠦᠮᠥᠨ ᠬᠦᠮᠥᠨ ᠳᠡᠭᠡᠨ ᠰᠠᠭᠠᠳ ᠪᠤᠯᠵᠤ᠂ ᠠᠩᠬᠢ ᠳᠠᠪᠬᠤᠷᠭ᠎ᠠ ᠶᠢᠨ ᠬᠤᠭᠤᠷᠤᠨᠳᠤ ᠪᠡᠶ᠎ᠡ ᠪᠡᠶ᠎ᠡ ᠪᠠᠨ ᠮᠥᠯᠵᠢᠬᠦ ᠭᠡᠰᠡᠨ ᠵᠦᠷᠢᠴᠡᠯ ᠡᠬᠦᠰᠦᠨ᠎ᠡ᠃ ᠳᠡᠭᠡᠳᠦ ᠬᠦᠮᠥᠰ ᠨᠢ ᠳᠤᠤᠷᠠᠳᠤ ᠬᠦᠮᠥᠰ ᠢᠶᠠᠨ ᠳᠠᠷᠤᠯᠠᠬᠤ ᠶᠢ ᠬᠢᠴᠢᠶᠡᠨ᠎ᠡ᠃ ᠳᠣᠣᠷᠠᠳᠤ ᠬᠦᠮᠥᠰ ᠨᠢ ᠳᠡᠭᠡᠳᠦ ᠬᠥᠮᠥᠰ ᠲᠡᠭᠡᠨ ᠳᠠᠯ᠎ᠠ ᠵᠠᠰᠠᠵᠤ ᠦᠪᠡᠷ ᠠᠴᠠ ᠪᠠᠨ ᠳᠤᠤᠷ᠎ᠠ ᠬᠦᠮᠥᠨ ᠢ ᠳᠠᠷᠤᠯᠠᠨ᠎ᠠ᠃ ᠡᠨᠡ ᠪᠦᠬᠦᠨ ᠠᠴᠠ ᠰᠢᠳᠤᠷᠭᠤ ᠪᠤᠰᠤ ᠶᠠᠪᠤᠳᠠᠯ᠂ ᠬᠡᠬᠡᠯᠢ ᠬᠠᠭ᠋ᠤᠤᠯᠢ ᠲᠦᠯᠬᠢᠬᠦ ᠶᠠᠪᠤᠳᠠᠯ ᠡᠬᠦᠰᠳᠡᠭ ᠪᠠᠢᠨ᠎ᠠ᠃ᠪᠤᠰᠤᠭ᠎ᠠ ᠳᠡᠩᠭᠡᠯᠢᠭ ᠤᠨ ᠰᠠᠭᠤᠷᠢᠨ ᠨᠡᠢᠭᠡᠮ ᠳᠤ ᠪᠦᠳᠦᠭᠡᠯᠴᠢ ᠵᠣᠷᠢᠭ ᠰᠠᠨᠠᠭ᠎ᠠ ᠬᠦᠴᠦ ᠦᠭᠡᠢ ᠪᠠᠢᠳᠠᠭ᠃ ᠰᠠᠭᠤᠷᠢᠨ ᠨᠡᠢᠭᠡᠮ ᠳᠤ ᠤᠷᠤᠭ ᠤᠨ ᠪᠢᠴᠢᠭ ᠪᠤᠢ ᠪᠤᠯᠤᠭᠰᠠᠨ᠂ ᠳᠡᠷᠡ ᠤᠷᠤᠭ ᠤᠨ ᠪᠢᠴᠢᠭ ᠢ ᠦᠵᠡᠬᠦ ᠠᠪᠠᠰᠤ ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠤᠳᠤᠮ ᠤᠭᠰᠠᠭ᠎ᠠ ᠶᠢ ᠮᠡᠳᠡᠵᠤ ᠪᠤᠯᠤᠨ᠎ᠠ᠃ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠶᠠᠮᠠᠷ ᠤᠳᠤᠮ ᠲᠠᠢ ᠪᠠᠢᠭᠰᠠᠨ ᠶᠠᠮᠠᠷ ᠠᠯᠪᠠ ᠠᠵᠢᠯ ᠲᠠᠢ ᠪᠠᠢᠭᠰᠠᠨ ᠵᠡᠷᠭᠡ ᠶᠢ ᠮᠡᠳᠡᠵᠤ ᠪᠠᠢᠬᠤ ᠨᠢ ᠴᠢᠬᠤᠯᠠ ᠶᠤᠮ᠃ ᠡᠢᠮᠦ ᠨᠡᠢᠭᠡᠮ ᠴᠠᠭ ᠤᠯᠠᠷᠢᠬᠤ ᠳᠤᠳᠤᠮ ᠠᠯᠳᠠᠵᠤ ᠤᠨᠤᠬᠤ ᠨᠢ ᠶᠡᠭᠡ᠂ ᠦᠪᠡᠷ ᠢᠶᠠᠨ ᠨᠠᠷᠠ ᠶᠢ ᠳᠤᠭᠤᠷᠢᠳᠠᠭ ᠳᠡᠯᠡᠭᠡᠢ ᠶᠢᠨ ᠪᠦᠮᠪᠦᠷᠴᠡᠭ ᠦᠪᠡᠷ ᠤᠨ ᠬᠢᠨᠢ ᠳᠦᠯᠦᠭᠡ ᠡᠷᠬᠢᠯᠳᠦᠵᠤ ᠪᠠᠢᠭ᠎ᠠ ᠶᠤᠮ ᠰᠢᠭ᠋ ᠳᠠᠰᠢᠶ᠎ᠠ ᠤᠶᠢᠯᠠᠭᠠᠳᠠᠭ᠃ᠠᠰᠤᠷᠢ ᠶᠡᠭᠡ ᠭᠠᠵᠠᠷ ᠨᠤᠳᠤᠭ ᠲᠠᠢ ᠬᠢᠳᠠᠳ ᠨᠢ ᠦᠪᠡᠷ ᠤᠨ ᠣᠰᠣᠯ ᠠᠳᠡᠭᠦᠦ ᠪᠠᠨ ᠨᠢᠭᠤᠵᠤ᠂ ᠬᠦᠭᠵᠢᠯ ᠳᠠᠪᠰᠢᠯ ᠬᠢᠬᠦ ᠶᠢ ᠨᠢᠭᠡ ᠪᠤᠰᠤ ᠤᠳᠠᠭ᠎ᠠ ᠤᠷᠤᠯᠳᠤᠵᠤ ᠪᠠᠢᠪᠠ᠃ ᠳᠡᠳᠡ ᠦᠭᠡᠷᠡᠴᠢᠯᠡᠯᠳᠡ ᠳᠤ ᠰᠠᠭᠠᠳ ᠬᠢᠬᠦ ᠬᠡᠰᠡᠨ ᠤᠷᠤᠯᠳᠤᠯᠭ᠎ᠠ᠂ ᠦᠶ᠎ᠡ ᠵᠠᠯᠭᠠᠮᠵᠢᠯᠠᠬᠤ ᠳᠤᠭᠳᠠᠯᠴᠠᠭ᠎ᠠ ᠶᠢ ᠬᠠᠭᠠᠬᠤ ᠶᠢ ᠤᠷᠤᠯᠳᠤᠵᠤ ᠪᠠᠢᠪᠠ᠃ ᠬᠡᠰᠡᠨ ᠴᠦ ᠳᠡᠳᠡᠨ ᠤ ᠦᠭᠡᠷᠡᠴᠢᠯᠡᠯᠳᠡ ᠡᠴᠦᠰ ᠤᠨ ᠡᠴᠦᠰ ᠲᠤ ᠨᠤᠷᠠᠭᠰᠠᠨ᠃ ᠳᠡᠭᠡᠭᠡᠳ ᠡᠴᠤᠰ ᠲᠤᠨᠢ ᠠᠶᠠᠨᠳᠠᠭᠠᠨ ᠦᠪᠡᠷᠰᠡᠳ ᠢᠶᠠᠨ ᠬᠤᠭᠤᠯᠠᠢ ᠪᠠᠨ ᠪᠤᠭᠤᠮᠢᠯᠠᠭᠰᠠᠨ ᠬᠠᠭᠠᠯᠳᠠᠳᠠᠢ ᠪᠢᠲᠡᠭᠦᠦ ᠨᠡᠢᠭᠡᠮ ᠢ ᠪᠤᠢ ᠪᠤᠯᠭᠠᠭᠰᠠᠨ᠃ᠡᠨᠡ ᠳᠤᠭᠳᠠᠯᠴᠠᠭ᠎ᠠ ᠨᠢ ᠳᠤᠬᠠᠢ ᠶᠢᠨ ᠤᠯᠤᠰ ᠤᠷᠤᠨ᠂ ᠨᠡᠢᠭᠡᠮ ᠳᠤ ᠤᠷᠤᠰᠢᠨ ᠰᠠᠭᠤᠭᠴᠢᠳ ᠤᠨ ᠰᠡᠳᠬᠢᠬᠦᠢ ᠶᠢ ᠡᠯ᠎ᠡ ᠳᠠᠯ᠎ᠠ ᠪᠠᠷ ᠬᠦᠯᠢᠶᠡᠰᠦᠯᠡᠵᠤ᠂ ᠨᠡᠩ ᠢᠯᠠᠩᠭᠤᠶ᠎ᠠ ᠠᠵᠤ ᠠᠬᠤᠢ ᠶᠢᠨ ᠬᠦᠭᠵᠢᠯᠳᠡ ᠳᠤ ᠮᠠᠰᠢ ᠶᠡᠭᠡ ᠬᠦᠯᠢᠶᠡᠰᠦᠯᠡᠯ ᠠᠪᠴᠢᠷᠠᠵᠤ ᠦᠭᠬᠦᠨ᠎ᠡ᠃4. ᠨᠡᠬᠦᠳᠡᠯᠴᠢᠨ ᠰᠤᠶᠤᠯ ᠢᠷᠭᠡᠨᠰᠢᠯ ᠪᠤᠶᠤ ᠥᠷᠭᠡᠷᠢᠭ ᠰᠡᠳᠬᠢᠬᠦᠢᠨᠡᠬᠦᠳᠡᠯᠴᠢᠳ ᠦᠷᠬᠦᠯᠵᠢ ᠬᠠᠵᠠᠭᠤ ᠳᠡᠢᠰᠢ᠂ ᠤᠷᠴᠢᠨ ᠳᠤᠭᠤᠷᠢᠨ ᠢᠶᠠᠨ ᠬᠠᠷᠠᠵᠤ ᠠᠮᠢᠳᠤᠷᠠᠳᠠᠭ᠃ ᠳᠡᠳᠡ ᠠᠮᠢᠳᠤᠷᠠᠬᠤ ᠶᠢᠨ ᠳᠤᠯᠠᠳᠠ ᠤᠰᠤ ᠪᠡᠯᠴᠢᠭᠡᠷ ᠰᠠᠢᠲᠠᠢ ᠦᠷᠭᠡᠨ ᠠᠭᠤᠳᠠᠮ ᠳᠠᠯ᠎ᠠ ᠨᠤᠳᠤᠭ ᠢᠶᠠᠷ ᠡᠷᠭᠢᠨ ᠬᠡᠰᠦᠬᠦᠴᠢᠯᠡᠬᠦ ᠬᠡᠷᠡᠭᠳᠡᠢ ᠪᠤᠯᠳᠠᠭ᠃ ᠳᠡᠬᠦᠨ ᠤ ᠳᠦᠯᠦᠭᠡ ᠨᠡᠬᠦᠳᠡᠯᠴᠢᠨ ᠤ ᠰᠢᠨ᠎ᠡ ᠲᠧᠭᠨᠤᠯᠤᠬᠢ ᠶᠢ ᠨᠡᠭᠡᠭᠡᠨ ᠬᠦᠭᠵᠢᠬᠦᠯᠵᠤ᠂ ᠰᠠᠢᠨ ᠵᠠᠪᠰᠡᠭ ᠢᠶᠠᠷ ᠵᠡᠪᠰᠡᠭᠯᠡᠬᠦ ᠬᠡᠷᠡᠭᠳᠡᠢ ᠪᠠᠢᠳᠠᠭ᠃ ᠳᠡᠳᠡᠨ ᠳᠤ ᠳᠦᠷᠦᠭᠰᠡᠨ ᠨᠤᠳᠤᠭ ᠭᠡᠵᠤ ᠪᠠᠢᠬᠤ ᠦᠭᠡᠢ᠂ ᠨᠢᠭᠡ ᠤᠳᠠᠭ᠎ᠠ ᠨᠡᠬᠦᠪᠡᠯ ᠬᠦᠢᠴᠡᠨ᠎ᠡ᠃ ᠪᠤᠯᠠᠰᠢᠨ ᠤ ᠤᠯᠠ ᠮᠥᠷ ᠢᠶᠠᠨ ᠴᠦ ᠦᠯᠡᠳᠡᠭᠡᠬᠦ ᠦᠭᠡᠢ᠂ ᠳᠠᠯ᠎ᠠ ᠨᠤᠳᠤᠭ ᠲᠤ ᠡᠵᠡᠨ ᠭᠡᠵᠤ ᠪᠠᠢᠬᠤ ᠦᠭᠡᠢ᠂ ᠬᠦᠴᠦ ᠴᠢᠳᠠᠯ ᠨᠢ ᠡᠵᠡᠨ ᠪᠤᠯᠤᠨ᠎ᠠ᠃ ᠢᠯᠠᠭᠳᠠᠪᠠᠯ ᠡᠳ᠋ ᠬᠦᠷᠦᠩᠭᠡ ᠪᠠᠨ ᠠᠯᠳᠠᠵᠤ᠂ ᠢᠯᠠᠪᠠᠯ ᠡᠳ᠋ ᠬᠦᠷᠦᠩᠭᠡ ᠨᠢ ᠠᠷᠪᠢᠵᠢᠵᠤ᠂ ᠪᠤᠭᠤᠯ ᠴᠦ ᠪᠠᠶᠠᠵᠢᠵᠤ ᠪᠤᠯᠤᠨ᠎ᠠ᠃ ᠪᠤᠭᠤᠯ ᠪᠤᠯᠤᠭᠰᠠᠨ ᠬᠦᠮᠥᠨ ᠡᠵᠡᠨ ᠪᠤᠯᠬᠤ ᠶᠢᠨ ᠳᠦᠯᠦᠭᠡ ᠢᠳᠡᠪᠬᠢᠳᠡᠢ ᠳᠡᠮᠡᠴᠡᠵᠤ ᠰᠢᠨ᠎ᠡ ᠪᠠᠷ ᠠᠮᠢᠳᠤᠷᠠᠵᠤ ᠪᠤᠯᠤᠨ᠎ᠠ᠃ ᠪᠤᠯᠤᠮᠵᠢ ᠬᠡᠳᠦᠢ ᠳᠤ ᠴᠦ ᠨᠡᠬᠡᠬᠡᠯᠳᠡᠳᠡᠢ ᠪᠠᠢᠨ᠎ᠠ᠃ ᠳᠡᠳᠡ ᠡᠢᠨ ᠬᠦ ᠰᠢᠨ᠎ᠡ ᠠᠮᠢᠳᠤᠷᠠᠯ ᠤᠨ ᠳᠦᠯᠦᠭᠡ ᠢᠳᠡᠪᠬᠢᠳᠡᠢ ᠬᠦᠳᠡᠯᠮᠤᠷᠢᠯᠡᠨ᠎ᠡ᠃ ᠨᠡᠬᠦᠳᠡᠯᠴᠢᠳ ᠤᠨ ᠨᠡᠢᠭᠡᠮ ᠭᠡᠳᠡᠭ ᠪᠤᠯ ᠠᠮᠢᠳᠤᠷᠠᠬᠤ ᠶᠢᠨ ᠳᠦᠯᠦᠭᠡ ᠳᠡᠭᠡᠭᠰᠢ ᠪᠢᠰᠢ᠂ ᠬᠠᠵᠠᠭᠤ ᠳᠡᠢᠰᠢ ᠬᠠᠷᠠᠳᠠᠭ ᠦᠷᠭᠡᠷᠢᠭ ᠰᠡᠳᠬᠢᠬᠦᠢ ᠨᠡᠢᠭᠡᠮ ᠶᠤᠮ᠃ ᠳᠡᠳᠡ ᠨᠢᠭᠡ ᠡᠳᠦᠷ ᠴᠦ ᠠᠯᠮᠠᠢᠷᠠᠵᠤ ᠰᠠᠭᠤᠬᠤ ᠦᠭᠡᠢ᠂ ᠡᠴᠤᠰ ᠲᠤ ᠨᠢ ᠬᠦᠷᠳᠡᠯ᠎ᠡ ᠳᠤᠪᠳᠤᠯᠬᠤ ᠬᠡᠷᠡᠭᠳᠡᠢ᠃ ᠳᠡᠳᠡ ︽ᠦᠪᠡᠷ ᠢ ᠪᠠᠨ ᠪᠤᠯᠤᠨ ᠪᠤᠰᠤᠳ ᠬᠦᠮᠥᠨ︾ ᠢ ᠬᠦᠨᠳᠦᠳᠭᠡᠨ᠎ᠡ᠃ ᠦᠨᠳᠦᠰᠦ ᠤᠭᠰᠠᠭ᠎ᠠ᠂ ᠱᠠᠰᠢᠨ ᠦᠬᠡᠷ᠎ᠡ ᠭᠡᠳᠡᠭ ᠢ ᠦᠯᠦ ᠢᠯᠭᠠᠨ᠎ᠠ᠃ ᠬᠠᠷᠢᠨ ᠴᠦ ᠳᠡᠢᠮᠤ ᠬᠦᠮᠥᠰ ᠢ ᠦᠪᠡᠷ ᠲᠤ ᠪᠠᠨ ᠤᠶᠢᠷᠠᠳᠤᠭᠤᠯᠤᠨ ᠬᠠᠮᠳᠤᠷᠠᠨ ᠠᠵᠢᠯᠯᠠᠵᠤ᠂ ᠴᠢᠯᠤᠭᠡᠳᠡᠢ ᠠᠮᠢᠳᠤᠷᠠᠬᠤ ᠪᠤᠯᠤᠮᠵᠢ ᠶᠢ ᠪᠦᠲᠦᠭᠡᠨ᠎ᠡ᠃ᠡᠨᠡ ᠨᠦᠬᠦᠴᠡᠯ ᠳᠤ ᠮᠡᠳᠡᠭᠡᠯᠡᠯ ᠮᠠᠰᠢ ᠴᠢᠬᠤᠯᠠ᠃ ᠨᠡᠬᠦᠳᠡᠯ᠂ ᠮᠡᠳᠡᠭᠡᠯᠡᠯ ᠤᠨ ᠳᠤᠬᠠᠢ ᠤᠶᠢᠯᠠᠭᠠᠯᠳᠠ ᠳᠤ ᠳᠤᠯᠭᠠᠭᠤᠷᠢᠯᠠᠨ ᠬᠠᠷᠢᠯᠴᠠᠭᠠᠨ ᠤ ᠰᠢᠨ᠎ᠡ ᠰᠢᠰᠲ᠋ᠧᠮ ᠪᠤᠢ ᠪᠤᠯᠤᠨ᠎ᠠ᠃ ᠠᠯᠪᠠᠨ ᠳᠤᠰᠢᠶᠠᠯ ᠨᠢ ᠳᠠᠷᠤᠯᠠᠯ ᠮᠥᠯᠵᠢᠯ ᠤᠨ ᠬᠡᠷᠡᠭᠰᠡᠯ ᠪᠢᠰᠢ᠂ ᠳᠤᠬᠠᠢ ᠶᠢᠨ ᠬᠦᠮᠥᠨ ᠤ ᠡᠬᠦᠷᠭᠡ ᠵᠤᠷᠢᠯᠭ᠎ᠠ ᠶᠢ ᠳᠤᠳᠤᠷᠬᠠᠶᠢᠯᠠᠵᠤ ᠦᠭᠬᠦᠨ᠎ᠡ᠃ ᠦᠨᠳᠦᠷ ᠰᠠᠨᠳᠠᠯᠢ ᠳᠤ ᠰᠠᠭᠠᠲᠠᠭᠰᠠᠳ ᠪᠤᠯ ᠳᠠᠷᠤᠩᠭᠤᠶᠢᠯᠠᠭᠴᠢ ᠪᠢᠰᠢ᠂ ᠤᠳᠤᠷᠢᠳᠤᠭᠴᠢ ᠶᠤᠮ᠃ ᠳᠡᠷᠡ ᠰᠠᠨᠳᠠᠯᠢ ᠳᠤ ᠬᠡᠨ ᠰᠠᠭᠤᠬᠤ ᠨᠢ ᠤᠭ ᠦᠨᠳᠦᠰᠦᠳᠡᠨ ᠶᠠᠰᠤᠳᠠᠨ ᠤ ᠬᠤᠪᠢ ᠵᠠᠶᠠᠭ᠎ᠠ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠶᠤᠮ᠃ ᠡᠢᠮᠦ ᠠᠴᠠ ᠮᠠᠰᠢ ᠬᠠᠳᠠᠭᠤ ᠬᠢᠨᠠᠯᠳᠠ ᠶᠢᠨ ᠳᠤᠤᠷ᠎ᠠ ᠤᠳᠤᠷᠢᠳᠤᠭᠴᠢ ᠶᠢ ᠰᠣᠩᠭᠤᠳᠠᠭ᠃ ᠰᠤᠩᠭᠤᠭᠳᠠᠭᠰᠠᠨ ᠤᠳᠤᠷᠢᠳᠤᠭᠴᠢ ᠳᠤ ᠪᠠᠨ ᠤᠨᠴᠠᠭᠠᠢ ᠡᠷᠭᠡ ᠦᠭᠴᠤ ᠳᠡᠬᠦᠨ ᠤ ᠵᠠᠷᠯᠢᠭ ᠢ ᠦᠭᠡ ᠳᠠᠭᠤ ᠦᠭᠡᠢ ᠳᠠᠭᠠᠨ᠎ᠠ᠃ ᠨᠡᠬᠦᠳᠡᠯᠴᠢᠨ ᠦᠨᠳᠦᠰᠦᠳᠡᠨ ᠪᠤᠯᠤᠨ ᠰᠠᠭᠤᠷᠢᠨ ᠦᠨᠳᠦᠰᠦᠳᠡᠨ ᠤ ᠰᠡᠳᠬᠢᠬᠦᠢ ᠶᠢᠨ ᠢᠯᠭᠠᠭ᠎ᠠ ᠶᠢ ᠳᠤᠤᠷ᠎ᠠ ᠳᠤᠷᠠᠳᠬᠤ ᠵᠦᠢᠯ ᠢᠶᠠᠷ ᠬᠠᠷᠢᠴᠠᠭᠤᠯᠤᠨ ᠦᠵᠡᠵᠤ ᠪᠤᠯᠬᠤ ᠶᠤᠮ᠃ᠨᠡᠬᠦᠳᠡᠯᠴᠢᠨ ᠦᠨᠳᠦᠰᠦᠳᠡᠨ ᠪᠤᠯᠤᠨ ᠰᠠᠭᠤᠷᠢᠨ ᠦᠨᠳᠦᠰᠦᠳᠡᠨ ᠤ ᠰᠡᠳᠬᠢᠬᠦᠢ ᠨᠢ ᠦᠰᠦᠳ ᠦᠭᠡᠷ᠎ᠡ ᠢᠯᠠᠭᠠᠭ᠎ᠠ ᠲᠠᠢ ᠪᠣᠯᠬᠤᠷ ᠳᠡᠳᠡᠨ ᠤ ᠠᠵᠤ ᠠᠬᠤᠢ ᠶᠢᠨ ᠠᠷᠭ᠎ᠠ ᠬᠡᠯᠪᠡᠷᠢ ᠨᠢ ᠴᠦ ᠪᠠᠰᠠ ᠦᠭᠡᠷ᠎ᠡ ᠦᠭᠡᠷ᠎ᠡ ᠪᠠᠢᠳᠠᠭ ᠶᠤᠮ᠃ᠤᠷᠤᠰᠢᠨ ᠰᠠᠭᠤᠬᠤ ᠠᠷᠭ᠎ᠠ ᠬᠡᠯᠪᠡᠷᠢ ᠶᠢᠨ ᠳᠠᠯ᠎ᠠ ᠪᠠᠷ ᠨᠡᠬᠦᠳᠡᠯᠴᠢᠨ ᠦᠨᠳᠦᠰᠦᠳᠡᠨ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠠᠮᠢᠳᠤᠷᠠᠯ ᠡᠷᠬᠢᠯᠡᠵᠤ ᠨᠡᠬᠦᠵᠤ ᠠᠮᠢᠳᠤᠷᠠᠳᠠᠭ ᠪᠤᠯ ᠰᠠᠭᠤᠷᠢᠨ ᠦᠨᠳᠦᠰᠦᠳᠡᠨ ᠨᠢ ᠮᠡᠳᠡᠭᠡᠵᠢ ᠪᠠᠢᠩᠭᠤ ᠶᠢᠨ ᠰᠠᠭᠤᠷᠢᠰᠢᠮᠠᠯ ᠠᠮᠢᠳᠤᠷᠠᠯ ᠬᠢᠵᠤ ᠪᠠᠢᠳᠠᠭ᠃ ᠨᠡᠬᠦᠳᠡᠯᠴᠢᠳ ᠤᠨ ᠦᠢᠯᠡᠳᠪᠤᠷᠢᠯᠠᠯ ᠨᠢ ᠮᠠᠯ ᠠᠵᠤ ᠠᠬᠤᠢ ᠪᠠᠢᠳᠠᠭ ᠪᠤᠯ ᠰᠠᠭᠤᠷᠢᠨ ᠢᠷᠭᠡᠳ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠨᠢ ᠭᠠᠵᠠᠷ ᠲᠠᠷᠢᠶᠠᠯᠠᠩ ᠪᠤᠯᠬᠤ ᠶᠤᠮ᠃ ᠨᠡᠬᠦᠳᠡᠯᠴᠢᠳ ᠭᠠᠵᠠᠷ ᠨᠤᠳᠤᠭ ᠢᠶᠠᠨ ᠬᠠᠮᠳᠤᠷᠠᠨ ᠠᠰᠢᠭᠯᠠᠵᠤ ᠪᠠᠢᠬᠤ ᠳᠤ ᠳᠠᠷᠢᠶᠠᠴᠢᠳ ᠪᠤᠯ ᠬᠤᠪᠢ ᠶᠢᠨ ᠦᠮᠴᠢ ᠪᠠᠨ ᠪᠤᠯᠭᠠᠭᠰᠠᠨ ᠪᠠᠢᠳᠠᠭ᠃ ᠬᠤᠳᠠᠯᠳᠤᠭᠠᠨ ᠤ ᠳᠠᠯ᠎ᠠ ᠪᠠᠷ ᠨᠡᠬᠦᠳᠡᠯᠴᠢᠳ ᠬᠦᠨᠳᠦᠳᠭᠡᠬᠦ ᠪᠠᠢᠳᠠᠯ ᠢᠶᠠᠷ ᠬᠠᠨᠳᠤᠵᠤ ᠪᠠᠢᠳᠠᠭ ᠪᠤᠯ ᠰᠠᠭᠤᠷᠢᠰᠢᠮᠡᠯ ᠠᠷᠠᠳ ᠪᠤᠯ ᠬᠠᠷᠢᠨ ᠬᠤᠳᠠᠯᠳᠤᠭ᠎ᠠ ᠶᠢ ᠳᠣᠣᠷᠠᠰᠢᠶᠠᠨ ᠦᠬᠡᠢᠰᠭᠡᠬᠦ ᠪᠠᠢᠳᠠᠯ ᠢᠶᠠᠷ ᠬᠠᠨᠳᠤᠵᠤ ᠪᠠᠢᠭᠰᠠᠨ ᠪᠠᠢᠨ᠎ᠠ᠃ ᠬᠠᠮᠳᠤᠴᠢ ᠦᠵᠡᠯ ᠪᠤᠳᠤᠯ ᠤᠨ ᠳᠠᠯ᠎ᠠ ᠪᠠᠷ ᠨᠡᠬᠦᠳᠡᠯᠴᠢᠳ ᠪᠤᠯ ᠬᠤᠷᠰᠢᠬᠤ᠂ ᠬᠠᠮᠳᠤᠷᠠᠬᠤ ᠰᠤᠨᠢᠷᠬᠠᠯᠳᠠᠢ᠂ ᠬᠠᠮᠳᠤᠷᠠᠨ ᠳᠠᠢᠳᠤᠬᠤ᠂ ᠠᠩ ᠠᠪᠠ ᠬᠢᠬᠦ᠂ ᠨᠡᠬᠦᠳᠡᠯᠯᠡᠬᠦ ᠵᠡᠷᠭᠡ ᠶᠢ ᠰᠡᠳᠬᠢᠵᠦ ᠦᠢᠯᠡᠳᠳᠡᠭ ᠪᠠᠢᠬᠤ ᠳᠤ᠂ ᠰᠠᠭᠤᠷᠢᠰᠢᠮᠠᠯ ᠠᠷᠠᠳ ᠪᠤᠯ ᠭᠠᠷᠤᠯ ᠡᠬᠦᠰᠦᠯ᠂ ᠨᠤᠳᠤᠭ᠂ ᠰᠤᠷᠭᠠᠭᠤᠯᠢ ᠶᠢ ᠭᠤᠤᠯᠯᠠᠨ ᠬᠠᠮᠳᠤᠷᠠᠬᠤ ᠠᠴᠠ ᠵᠠᠢᠯᠠᠰᠬᠢᠳᠠᠭ ᠬᠤᠪᠢ ᠪᠠᠨ ᠪᠤᠳᠤᠭᠰᠠᠨ ᠤᠨᠴᠠᠯᠢᠭ ᠲᠠᠢ ᠪᠠᠢᠳᠠᠭ᠃ ᠱᠠᠰᠢᠨ ᠰᠢᠲᠦᠯᠭᠡ ᠶᠢᠨ ᠳᠠᠯ᠎ᠠ ᠪᠠᠷ ᠨᠡᠭᠦᠳᠡᠯᠴᠢᠳ ᠨᠠᠢᠷᠰᠠᠭ ᠤᠪᠤᠷ ᠢᠶᠠᠷ ᠬᠠᠨᠳᠤᠳᠠᠭ ᠪᠤᠯ ᠰᠠᠭᠤᠷᠢᠰᠢᠮᠠᠯ ᠠᠷᠠᠳ ᠨᠢ ᠬᠠᠷᠢᠨ ᠨᠠᠢᠷᠰᠠᠭ ᠪᠤᠰᠤ ᠤᠪᠤᠷ ᠢᠶᠠᠷ ᠬᠠᠨᠳᠤᠳᠠᠭ ᠪᠠᠢᠨ᠎ᠠ᠃ᠡᠳᠡᠭᠡᠷ ᠤᠨᠴᠠᠯᠢᠭ ᠨᠢ ᠨᠡᠬᠦᠳᠡᠯᠴᠢᠳ ᠪᠤᠯᠤᠨ ᠰᠠᠭᠤᠷᠢᠨ ᠢᠷᠭᠡᠳ ᠤᠨ ᠠᠵᠤ ᠠᠬᠤᠢ ᠶᠢᠨ ᠳᠠᠯ᠎ᠠ ᠪᠠᠷ ᠬᠢ ᠤᠪᠤᠷ ᠬᠠᠨᠳᠤᠯᠭ᠎ᠠ ᠪᠤᠯᠤᠨ ᠠᠷᠭ᠎ᠠ ᠠᠪᠴᠠᠯ ᠢ ᠳᠤᠭᠳᠠᠭᠠᠳᠠᠭ᠃ ᠨᠡᠬᠦᠳᠡᠯᠴᠢᠳ ᠳᠡᠭᠡᠷᠡᠬᠢ ᠤᠨᠴᠠᠯᠢᠭ ᠠᠴᠠ ᠪᠠᠨ ᠪᠤᠯᠤᠭᠠᠳ ᠠᠵᠤ ᠠᠬᠤᠢ ᠶᠢᠨ ᠳᠠᠯ᠎ᠠ ᠪᠠᠷ ᠴᠢᠯᠦᠭᠡᠳᠡᠢ ᠳᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠠᠪᠴᠤ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠶᠢ ᠶᠡᠬᠡᠪᠡᠷ ᠳᠡᠮᠵᠢᠳᠡᠭ᠃ ᠮᠤᠩᠭᠤᠯᠴᠤᠳ ᠤᠨ ᠡᠷᠳᠡᠨ ᠤ ᠳᠡᠥᠭᠡᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠬᠤᠷᠧᠽᠮ ᠳᠤ ᠡᠯᠴᠢᠨ ᠪᠠ ᠬᠤᠳᠠᠯᠳᠤᠭᠠᠴᠢᠨ ᠳᠤᠮᠢᠯᠠᠵᠤ ᠪᠠᠢᠭᠰᠠᠨ ᠳᠡᠥᠭᠡᠨ ᠪᠠᠷᠢᠮᠳᠠ ᠲᠠᠢ᠃ ︽ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ︾ ᠳᠤ ᠡᠨᠡ ᠳᠤᠬᠠᠢ ᠢᠩᠬᠢᠵᠤ ᠳᠡᠮᠳᠡᠭᠯᠡᠭᠰᠡᠨ ᠪᠠᠢᠳᠠᠭ᠃᠁ ᠨᠢᠭᠡᠨᠳᠡ ᠮᠤᠩᠭᠤᠯ ᠨᠤᠳᠤᠭ ᠤᠨ ᠬᠢᠨ ᠪᠤᠯ ᠨᠡᠬᠦᠳᠡᠯᠴᠢᠳ ᠪᠦᠭᠡᠳ ᠬᠤᠳᠠ ᠰᠠᠭᠤᠷᠢᠨ ᠭᠠᠵᠠᠷ ᠠᠴᠠ ᠠᠯᠤᠰᠯᠠᠭᠳᠠᠭᠰᠠᠨ ᠪᠤᠯᠬᠤᠷ ᠶᠠᠩᠵᠤ ᠪᠦᠷᠢ ᠶᠢᠨ ᠴᠢᠨᠠᠷ ᠤᠨ ᠡᠮᠤᠰᠴᠤ ᠵᠡᠬᠦᠬᠦ᠂ ᠳᠡᠪᠢᠰᠬᠦ ᠪᠦᠰ ᠪᠠᠷᠠᠭ᠎ᠠ ᠶᠢ ᠶᠡᠬᠡᠬᠡᠨ ᠦᠨ᠎ᠡ ᠦᠷᠳᠡᠭ ᠪᠤᠯᠤᠨ ᠳᠡᠳᠡᠨ ᠲᠠᠢ ᠬᠤᠳᠠᠯᠳᠤᠭ᠎ᠠ ᠬᠢᠬᠦ ᠨᠢ ᠠᠰᠢᠭ ᠲᠠᠢ ᠪᠤᠯᠬᠤ ᠳᠤᠬᠠᠢ ᠰᠤᠷᠠᠭ ᠶᠡᠬᠡᠳᠡ ᠳᠠᠷᠬᠠᠬᠤ ᠪᠤᠯᠤᠭᠰᠠᠨ᠃ ᠡᠬᠦᠨ ᠢ ᠳᠤᠭᠤᠯᠤᠭᠰᠠᠨ ᠪᠤᠬᠠᠷᠠ ᠶᠢᠨ ᠭᠤᠷᠪᠠᠨ ᠬᠤᠳᠠᠯᠳᠤᠭᠠᠴᠢᠨ ᠬᠤᠷᠭᠤᠢ᠂ ᠬᠦᠪᠦᠩ ᠴᠠᠭᠠᠰᠤᠨ ᠪᠦᠰ ᠪᠠᠷᠠᠭ᠎ᠠ᠂ ᠴᠠᠭᠠᠨ ᠶᠠᠩᠪᠤᠤ ᠪᠤᠯᠤᠨ ᠪᠤᠰᠤᠳ ᠳᠦᠷᠦᠯ ᠪᠦᠷᠢ ᠶᠢᠨ ᠳᠡᠷᠡ ᠤᠯᠤᠰ ᠳᠦᠮᠡᠨ ᠳᠤ ᠬᠡᠷᠡᠭᠳᠡᠢ ᠪᠦᠭᠡᠳ ᠳᠤᠬᠢᠷᠠᠬᠤ ᠪᠠᠷᠠᠭ᠎ᠠ ᠭᠡᠵᠤ ᠦᠵᠡᠭᠰᠡᠨ ᠳᠠᠸᠠᠷ ᠢ ᠠᠴᠢᠨ ᠳᠡᠷᠡ ᠵᠦᠭ ᠬᠦᠳᠡᠯᠵᠡᠢ᠃ ᠳᠡᠷᠡ ᠦᠶ᠎ᠡ ᠳᠤ ᠴᠢᠩᠭᠢᠰ ᠬᠠᠭᠠᠨ ᠬᠢᠳᠠᠳ ᠪᠠ ᠳᠦᠷᠦᠭᠰᠲ᠋ᠠᠨ ᠤ ᠤᠷᠤᠨ ᠤ ᠶᠡᠬᠡᠩᠭᠢ ᠬᠡᠰᠡᠭ ᠢ ᠳᠡᠷᠰᠯᠡᠭᠴᠢᠳ ᠤᠨ ᠪᠤᠯᠤᠨ ᠵᠦᠷᠢᠴᠡᠭᠰᠡᠳ ᠠᠴᠠ ᠴᠢᠯᠦᠭᠡᠯᠡᠭᠡᠳ᠂ ᠬᠤᠳᠠᠯᠳᠤᠭᠠᠴᠢᠳ ᠢ ᠠᠶᠤᠯ ᠦᠭᠡᠢ ᠶᠠᠪᠤᠭᠤᠯᠬᠤ ᠶᠢᠨ ᠳᠤᠯᠠᠳᠠ ᠵᠠᠮ ᠤᠨ ᠳᠠᠭᠠᠤ ᠬᠠᠷᠠᠭᠤᠯ ᠰᠠᠬᠢᠭᠤᠯ ᠳᠠᠯᠪᠢᠭᠠᠳ ᠪᠠᠢᠵᠠᠢ᠃5. ᠠᠷᠠᠯᠵᠢᠶ᠎ᠠ ᠬᠢᠪᠡᠯ ᠡᠪᠰᠡᠵᠦ᠂ ᠲᠡᠪᠴᠢᠪᠡᠯ ᠲᠠᠢᠳᠤᠨ᠎ᠠ᠃ᠲᠣᠷᠭᠠᠨ ᠵᠠᠮ ᠳᠠᠭᠠᠤ ᠣᠷᠣᠰᠢᠬᠤ ᠣᠶᠢᠭᠤᠷ ᠬᠠᠭᠠᠨᠲᠤ ᠤᠯᠤᠰ ᠨᠢ ᠬᠢᠲᠠᠳ᠂ ᠢᠷᠡᠨ᠂ ᠡᠸᠦ᠋ᠷᠦᠫᠡ ᠶᠢ ᠬᠤᠯᠪᠣᠭᠰᠠᠨ ᠠᠭᠤᠯᠵᠠᠷ ᠲᠤ ᠪᠠᠢᠵᠤ᠂ ᠵᠢᠮᠢᠰ᠂ ᠨᠣᠭᠤᠭ᠎ᠠ ᠲᠠᠷᠢᠵᠤ᠂ ᠭᠤᠯᠢᠷ᠂ ᠡᠷᠳᠡᠨᠢ ᠶᠢᠨ ᠰᠢᠰᠢ᠂ ᠤᠰᠤᠨ ᠦᠵᠦᠮ ᠤᠨ ᠭᠠᠷᠤᠯᠲᠠ ᠡᠯᠪᠡᠭ ᠪᠠᠢᠳᠠᠭ᠃ 1211 ᠣᠨ ᠳᠤ ᠪᠠᠷᠽᠣᠺ ᠬᠠᠭᠠᠨ ᠪᠡᠶ᠎ᠡ ᠪᠠᠷ ᠢᠶᠠᠨ ᠴᠢᠩᠭᠢᠰ ᠬᠠᠭᠠᠨ ᠳᠤ ᠪᠠᠷᠠᠳᠠᠨ ᠪᠠᠷᠢᠴᠠ ᠡᠷᠭᠦᠵᠦ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠬᠢᠬᠦ ᠶᠢ ᠭᠤᠶᠣᠴᠢᠯᠠᠪᠠ᠃ ᠡᠭᠦᠨ ᠳᠤ ᠤᠶᠢᠭᠤᠷ ᠬᠠᠭᠠᠨᠲᠤ ᠤᠯᠤᠰ ᠪᠠ ᠮᠣᠩᠭᠤᠯ ᠲᠣᠳᠤᠨᠤ ᠬᠠᠷᠢᠴᠠᠭ᠎ᠠ ᠪᠠᠢᠭᠤᠯᠵᠤ᠂ ᠤᠶᠢᠭᠤᠷ ᠬᠠᠭᠠᠨᠲᠤ ᠤᠯᠤᠰ ᠢ ᠠᠷᠠᠯᠵᠢᠶᠠᠨ ᠤ ᠲᠥᠪ ᠪᠣᠯᠭᠠᠵᠠᠢ᠃ ᠡᠭᠦᠨ ᠤ ᠡᠰᠡᠷᠭᠦ ᠪᠠᠷ ᠲᠠᠩᠭᠤᠳ ᠨᠢ ᠮᠥᠨᠴᠦ ᠬᠢᠲᠠᠳ ᠢᠷᠡᠨ ᠢ ᠬᠤᠯᠪᠣᠭᠰᠠᠨ ᠶᠡᠭᠡ ᠭᠠᠵᠠᠷ᠂ ᠳᠠᠯᠠᠢ ᠶᠢᠨ ᠵᠠᠭᠠᠭ ᠳᠡᠭᠡᠷ᠎ᠡ ᠣᠷᠣᠰᠢᠵᠤ ᠠᠷᠠᠯᠵᠢᠶ᠎ᠠ ᠶᠡᠬᠡᠪᠡᠷ ᠬᠢᠵᠦ ᠪᠠᠢᠵᠠᠢ᠃ ᠲᠠᠩᠭᠤᠳ ᠲᠤ ᠴᠢᠨᠠᠷ ᠰᠠᠢᠲᠠᠢ ᠲᠣᠷᠭ᠎ᠠ᠂ ᠳᠠᠪᠤᠤ ᠵᠡᠷᠭᠡ ᠡᠯᠪᠡᠭ ᠭᠠᠷᠳᠠᠭ᠂ ᠠᠷᠠᠯᠵᠢᠶᠠᠨ ᠤ ᠵᠠᠮ ᠤᠨ ᠠᠭᠤᠯᠵᠠᠷ ᠪᠠᠢᠭᠰᠠᠨ ᠠᠴᠠ ᠮᠣᠩᠭᠤᠯ ᠤᠷᠤᠭᠤ ᠣᠷᠤᠬᠤ ᠠᠷᠠᠯᠵᠢᠶᠠᠴᠢᠨ ᠵᠣᠷᠴᠢᠭᠰᠠᠳ ᠠᠴᠠ ᠥᠨᠳᠥᠷ ᠳᠠᠲᠠᠪᠤᠷᠢ ᠬᠤᠷᠢᠶᠠᠳᠠᠭ᠃ ᠠᠷᠠᠯᠵᠢᠶ᠎ᠠ ᠶᠢ ᠬᠠᠷᠰᠢᠯᠠᠵᠤ᠂ ᠮᠣᠩᠭᠤᠯ ᠭᠦᠷᠦᠨ ᠤ ᠠᠰᠢᠭ ᠲᠤᠰᠠ ᠶᠢ ᠬᠦᠨᠳᠡᠭᠰᠡᠨ ᠠᠴᠠ ᠴᠢᠩᠭᠢᠰ ᠬᠠᠭᠠᠨ ᠲᠠᠩᠭᠤᠳ ᠢ ᠰᠢᠭᠤᠳ ᠳᠠᠭᠠᠷᠢᠭᠰᠠᠨ ᠶᠤᠮ᠃ ᠲᠠᠩᠭᠤᠳᠴᠤᠳ ᠴᠡᠷᠢᠭ ᠤᠨ ᠬᠦᠴᠦᠨ ᠳᠤ ᠠᠷᠭ᠎ᠠ ᠪᠤᠰᠤ ᠪᠠᠷᠢᠴᠠ ᠡᠷᠭᠦᠵᠦ᠂ ᠠᠷᠠᠯᠵᠢᠶᠠᠨ ᠤ ᠵᠠᠮ ᠢ ᠨᠡᠭᠡᠭᠡᠵᠡᠢ᠃ ᠡᠨᠡ ᠨᠢ ᠮᠣᠩᠭᠤᠯ ᠭᠦᠷᠦᠨ ᠤ ᠬᠤᠵᠢᠮ ᠤᠨ ᠡᠸᠦ᠋ᠷᠦᠫᠡ ᠲᠠᠢ ᠠᠷᠠᠯᠵᠢᠶ᠎ᠠ ᠨᠡᠪᠲᠡᠷᠡᠬᠦ ᠳᠤ ᠮᠠᠰᠢ ᠶᠡᠭᠡ ᠠᠴᠢ ᠬᠤᠯᠪᠣᠭᠳᠠᠯ ᠲᠠᠢ ᠶᠤᠮ᠃6. ᠴᠢᠯᠦᠭᠡᠲᠦ ᠬᠤᠳᠠᠯᠳᠤᠭᠠᠨ ᠤ ᠪᠦᠰᠡᠮᠢᠩᠭᠠᠨ ᠵᠢᠯ ᠤᠨ ᠲᠡᠷᠲᠡᠭᠡ ᠪᠦᠬᠦ ᠳᠡᠯᠡᠬᠡᠢ ᠳᠤ ᠭᠤᠷᠪᠠᠨ ᠵᠠᠭᠤᠨ ᠰᠠᠶ᠎ᠠ ᠣᠷᠴᠢᠮ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠲᠠᠢ ᠪᠠᠢᠪᠠ᠃ ᠥᠪᠡᠷ ᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠤ ᠪᠠᠨ ᠰᠣᠶᠣᠯ ᠪᠣᠯᠪᠠᠰᠤᠨ ᠲᠠᠢ ᠪᠠᠢᠭᠰᠠᠨ ᠴᠤ ᠠᠯᠢ ᠣᠷᠣᠨ ᠢᠶᠠᠷ ᠠᠮᠢᠳᠤᠷᠠᠵᠤ ᠪᠠᠢᠭᠰᠠᠨ ᠢᠶᠠᠨ ᠴᠤ ᠰᠠᠢᠲᠤᠷ ᠣᠶᠢᠯᠠᠭᠠᠬᠤ ᠦᠭᠡᠢ ᠪᠠᠢᠵᠠᠢ᠃ ᠡᠸᠦ᠋ᠷᠦᠫᠡ ᠶᠢᠨ ᠬᠢᠨ ᠤ ᠬᠢᠭᠰᠡᠨ ᠭᠠᠵᠠᠷ ᠤᠨ ᠵᠢᠷᠤᠭ ᠲᠤ ᠡᠸᠦ᠋ᠷᠦᠫᠡ ᠠᠴᠠ ᠪᠣᠰᠣᠳ ᠭᠠᠵᠠᠷ ᠢ ᠥᠭᠡᠷ᠎ᠡ ᠪᠣᠯᠪᠠᠰᠤᠨ ᠦᠭᠡᠢ ᠭᠡᠵᠦ ᠵᠢᠷᠤᠭᠯᠠᠵᠤ ᠪᠠᠢᠪᠠ᠃ ᠳᠡᠯᠡᠬᠡᠢ ᠶᠢᠨ ᠡᠯ᠎ᠡ ᠭᠠᠵᠠᠷ ᠤᠨ ᠬᠥᠮᠥᠰ ᠬᠠᠷᠢᠯᠴᠠᠨ ᠠᠭᠤᠯᠵᠠᠵᠤ ᠬᠠᠷᠢᠯᠴᠠᠬᠤ ᠲᠠᠨᠢᠵᠤ ᠮᠡᠳᠡᠬᠦ ᠪᠣᠯᠣᠮᠵᠢ ᠲᠤᠩ ᠬᠢᠵᠠᠭᠠᠷ ᠲᠠᠢ ᠪᠠᠢᠵᠠᠢ᠃ᠴᠢᠩᠭᠢᠰ ᠬᠠᠭᠠᠨ ᠤ ᠡᠳ᠋ ᠤᠨ ᠵᠠᠰᠠᠭ ᠤᠨ ᠳᠠᠢᠨ ᠪᠠ ᠤᠯᠠᠭ᠎ᠠ ᠥᠷᠲᠡᠭᠡᠨ ᠤ ᠰᠢᠰᠲ᠋ᠧᠮ ᠢᠶᠠᠷ ᠰᠠᠭᠤᠷᠢ ᠪᠣᠯᠭᠠᠵᠤ᠂ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠬᠠᠮᠤᠭ ᠥᠷᠭᠡᠨ ᠬᠡᠪᠴᠢᠶᠡᠨ ᠤ ᠬᠤᠳᠠᠯᠳᠤᠭᠠᠨ ᠤ ᠪᠦᠰᠡ ᠶᠢ ᠪᠦᠲᠦᠭᠡᠪᠡ᠃ ᠡᠨᠡ ᠨᠢ ᠳᠡᠯᠡᠬᠡᠢ ᠳ᠋ᠠᠬᠢᠨ ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠣᠶᠢᠷᠠᠲᠤᠭᠤᠯᠵᠤ᠂ ᠳᠡᠯᠡᠬᠡᠢᠴᠢᠯᠡᠯᠲᠡ ᠶᠢᠨ ᠠᠩᠬᠠᠨ ᠤ ᠠᠯᠬᠤᠮ ᠢ ᠰᠠᠭᠤᠷᠢᠯᠠᠪᠠ᠃ᠲᠠᠯ᠎ᠠ ᠨᠤᠲᠤᠭ ᠰᠢᠭ᠋ ᠬᠢᠵᠠᠭᠠᠷ ᠦᠭᠡᠢ ᠴᠡᠭᠡᠵᠢ ᠪᠠᠭᠲᠠᠭᠠᠮᠵᠢ ᠪᠠ ᠰᠢᠨ᠎ᠡ ᠶᠢ ᠬᠦᠯᠢᠶᠡᠨ ᠠᠪᠬᠤ ᠬᠤᠯᠠ ᠶᠢᠨ ᠬᠠᠷᠠᠯᠲᠠ ᠪᠠᠷ ᠪᠣᠰᠣᠳ ᠤᠯᠤᠰ ᠥᠨᠳᠥᠰᠦᠲᠡᠨ ᠤ ᠳᠠᠪᠰᠢᠭᠰᠠᠨ ᠵᠦᠢᠯ ᠢ ᠪᠦᠲᠦᠮᠵᠢᠲᠡᠢ ᠠᠰᠢᠭᠯᠠᠬᠤ ᠨᠢᠭᠡᠲᠦᠭᠰᠡᠨ ᠮᠥᠩᠭᠦᠨ ᠲᠡᠮᠳᠡᠭᠲᠦ ᠪᠦᠲᠦᠭᠡᠵᠦ᠂ ᠳᠡᠯᠡᠬᠡᠢ ᠶᠢ ᠬᠤᠯᠪᠣᠨ ᠠᠷᠠᠯᠵᠢᠶ᠎ᠠ ᠶᠢ ᠠᠬᠢᠭᠤᠯᠵᠠᠢ᠃ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠤᠨ ᠰᠣᠶᠣᠯ ᠢᠷᠭᠡᠨᠰᠢᠯ ᠳᠤ ᠪᠠᠨ ᠲᠦᠰᠢᠭᠯᠡᠵᠦ᠂ ᠤᠯᠠᠭ᠎ᠠ ᠥᠷᠲᠡᠭᠡ ᠶᠢ ᠪᠦᠲᠦᠭᠡᠵᠦ᠂ ᠥᠷᠭᠡᠨ ᠠᠭᠤᠳᠠᠮ ᠬᠤᠳᠠᠯᠳᠤᠭᠠᠨ ᠤ ᠪᠦᠰᠡ ᠶᠢᠨ ᠨᠥᠭᠦᠴᠡᠯ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠢᠨ᠎ᠠ᠃ᠲᠤᠰ ᠪᠦᠯᠦᠭ ᠤᠨ ᠠᠭᠤᠯᠭ᠎ᠠ ᠠᠴᠠ ᠦᠵᠡᠬᠦ ᠳᠤ ᠮᠤᠩᠭᠤᠯᠴᠤᠳ ᠡᠷᠳᠡ ᠳᠡᠭᠡᠷ᠎ᠡ ᠴᠢᠩᠬᠢᠰ ᠬᠠᠭᠠᠨ ᠤ ᠦᠶ᠎ᠡ ᠠᠴᠠ ᠡᠬᠢᠯᠡᠭᠡᠳ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠶᠢ ᠶᠡᠬᠡᠳᠡ ᠬᠦᠨᠳᠦᠳᠭᠡᠨ ᠦᠵᠡᠵᠤ ᠪᠠᠢᠭᠰᠠᠨ ᠮᠥᠷᠳᠡᠭᠡᠨ ᠮᠤᠩᠭᠤᠯ ᠤᠷᠤᠨ ᠠᠴᠠ ᠦᠬᠡᠷ᠎ᠡ ᠭᠠᠵᠠᠷ ᠲᠤ᠂ ᠳᠠᠷᠤᠢ ᠭᠠᠳᠠᠭᠰᠢ ᠪᠠᠨ ᠠᠷᠠᠯᠵᠢᠶ᠎ᠠ ᠶᠢ ᠶᠡᠬᠡᠪᠡᠷ ᠳᠡᠯᠭᠡᠷᠡᠬᠦᠯᠵᠤ ᠪᠠᠢᠭᠰᠠᠨ ᠪᠠᠢᠨ᠎ᠠ᠃ ᠮᠤᠩᠭᠤᠯᠴᠤᠳ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭᠠᠨ ᠤ ᠳᠠᠯ᠎ᠠ ᠪᠠᠷ ᠴᠢᠯᠦᠭᠡᠳᠡᠢ ᠳᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠠᠪᠴᠤ᠂ ᠪᠤᠰᠤᠳ ᠤᠯᠤᠰ ᠤᠷᠤᠨ᠂ ᠳᠢᠪ ᠰᠤᠨᠳᠠᠯᠠᠭᠰᠠᠨ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠶᠢ ᠤᠯᠠᠨ ᠬᠢᠵᠤ ᠪᠠᠢᠵᠠᠢ᠃ ᠡᠨᠡ ᠨᠢ ᠳᠠᠷᠤᠢ ᠨᠡᠬᠦᠳᠡᠯᠴᠢᠨ ᠰᠤᠶᠤᠯ ᠢᠷᠬᠡᠨᠰᠢᠯ ᠪᠤᠶᠤ ᠦᠷᠭᠡᠷᠢᠭ ᠤᠨ ᠰᠡᠳᠬᠢᠬᠦᠢ ᠶᠢᠨ ᠢᠯᠡᠷᠡᠯ ᠪᠤᠯᠤᠨ᠎ᠠ᠃