1 ᠴᠢᠩᠭᠢᠰ ᠤᠨ ᠬᠤᠶᠠᠷ ᠡᠷᠳᠡᠨᠢ - ᠢᠲᠡᠭᠡᠯ᠂ ᠦᠨᠡᠨᠴᠢ .wps

ᠨᠢᠭᠡ᠂ ᠴᠢᠩᠭᠢᠰ ᠤᠨ ᠬᠤᠶᠠᠷ ᠡᠷᠳᠡᠨᠢ — ᠢᠲᠡᠭᠡᠯ᠂ ᠦᠨᠡᠨᠴᠢᠢᠳᠡᠭᠡᠯ ᠪᠤᠯ ᠬᠦᠮᠦᠰ ᠤᠨ ᠬᠤᠭᠤᠷᠤᠨᠳᠤᠬᠢ ᠶᠠᠪᠤᠯᠴᠠᠭ᠎ᠠ᠂ ᠨᠡᠢᠭᠡᠮ ᠤᠨ ᠬᠠᠷᠢᠯᠴᠠᠭ᠎ᠠ ᠵᠡᠷᠭᠡ ᠳᠤ ᠰᠠᠭᠤᠷᠢᠯᠠᠬᠤ ᠴᠢᠨᠠᠷᠲᠠᠢ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ ᠡᠷᠬᠢᠮ ᠴᠢᠨᠠᠷ ᠪᠤᠶᠤ᠃ ᠬᠦᠮᠦᠰ ᠤᠨ ᠬᠤᠭᠤᠷᠤᠨᠳᠤᠬᠢ ᠢᠳᠡᠭᠡᠯ ᠠᠯᠳᠠᠭᠳᠠᠪᠠᠯ ᠶᠠᠮᠠᠷ ᠴᠦ ᠠᠵᠢᠯ ᠦᠢᠯᠡᠰ ᠦᠷ᠎ᠡ ᠪᠦᠲᠦᠮᠵᠢᠲᠡᠢ᠂ ᠲᠦᠪ ᠭᠤᠤᠯᠴᠢ ᠪᠠᠷ ᠶᠠᠪᠤᠭᠳᠠᠵᠤ ᠲᠡᠢᠯᠬᠦ ᠦᠭᠡᠢ ᠪᠤᠯᠤᠨ᠎ᠠ᠃ ᠢᠳᠡᠭᠡᠯ ᠲᠠᠢ ᠶᠠᠪᠤᠬᠤ ᠳᠤ ᠦᠨᠡᠨᠴᠢ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠦᠨᠡᠨᠴᠢ ᠶᠠᠪᠤᠪᠠᠯ ᠬᠦᠮᠦᠨ ᠤ ᠢᠳᠡᠭᠡᠯ ᠢ ᠬᠦᠷᠳᠡᠨ᠎ᠡ᠃ ᠡᠨᠡ ᠲᠤᠬᠠᠢ ᠪᠢᠳᠡᠨ ᠤ ᠡᠪᠦᠭᠡ ᠲᠡᠭᠡᠳᠦᠰ ᠴᠢᠩᠭᠢᠰ ᠬᠠᠭᠠᠨ᠂ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠢᠳᠡᠭᠡᠯ ᠦᠨᠡᠨᠴᠢ ᠬᠤᠶᠠᠷ ᠢ ᠦᠪᠡᠷ ᠤᠨ ᠡᠷᠬᠢᠮ ᠨᠠᠨᠳᠢᠨ ᠵᠠᠩ ᠴᠢᠨᠠᠷ ᠢᠶᠠᠨ ᠪᠤᠯᠭᠠᠵᠤ ᠪᠠᠢᠭᠰᠠᠨ ᠨᠢ ᠭᠠᠢᠬᠠᠨ ᠪᠢᠰᠢᠷᠡᠭᠦᠰᠢᠲᠡᠢ ᠮᠦᠷᠳᠡᠭᠡᠨ ᠬᠦᠨᠳᠦᠳᠬᠡᠨ ᠰᠤᠷᠤᠯᠴᠠᠭᠤᠰᠢᠲᠠᠢ ᠶᠤᠮ᠃ᠢᠳᠡᠭᠡᠯ ᠨᠠᠢᠳᠠᠪᠤᠷᠢ ᠪᠤᠯ ᠨᠡᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠳᠤ ᠳᠤᠳᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠡᠬᠢ ᠪᠠᠶᠠᠯᠢᠭ ᠪᠤᠯᠬᠤ ᠶᠤᠮ᠃ ᠢᠲᠡᠭᠡᠮᠵᠢ ᠶᠢᠨ ᠺᠠᠷᠲ᠂ ᠨᠡᠢᠲᠡ ᠶᠢᠨ ᠬᠤᠷᠠᠮᠳᠤᠯ ᠤᠨ ᠰᠠᠭᠤᠷᠢ ᠮᠥᠩᠭᠦ᠂ ᠮᠠᠰᠢᠨ ᠤ ᠢᠲᠡᠭᠡᠮᠵᠢᠲᠦ ᠵᠢᠭᠡᠯᠡᠯᠭᠡ᠂ ᠪᠠᠩᠬᠢ ᠶᠢᠨ ᠪᠣᠢ ᠪᠦᠬᠦᠢ ᠢᠲᠡᠭᠡᠮᠵᠢᠲᠦ ᠵᠢᠭᠡᠯᠡᠯᠭᠡ ᠵᠡᠷᠭᠡ ᠨᠢ ᠪᠦᠷ ᠲᠠᠨ ᠤ ᠬᠤᠪᠢ ᠶᠢᠨ ᠢᠲᠡᠭᠡᠮᠵᠢ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ᠃ ᠢᠲᠡᠭᠡᠯ ᠦᠭᠡᠢ ᠪᠣᠯᠬᠤ ᠪᠠᠷ ᠠᠳᠠᠭ ᠲᠤ ᠪᠠᠨ ᠨᠠᠢᠵᠠ ᠠᠴᠠ ᠪᠠᠨ ᠬᠦᠷᠲᠡᠯ᠎ᠡ ᠮᠥᠩᠭᠦ ᠵᠢᠭᠡᠯᠡᠵᠦ ᠣᠯᠬᠤ ᠦᠭᠡᠢ ᠨᠡᠢᠭᠡᠮ ᠪᠤᠢ ᠪᠣᠯᠣᠭᠰᠠᠨ ᠭᠡᠳᠡᠭ ᠢ ᠬᠥᠮᠥᠨ ᠪᠦᠬᠦᠨ ᠰᠠᠢᠨ ᠮᠡᠳᠡᠨ᠎ᠡ᠃ ᠭᠡᠬᠦ ᠳᠤ ᠪᠠᠨ ᠡᠨᠡ ᠪᠣᠯ ᠭᠠᠭᠴᠠ ᠮᠥᠩᠬᠦᠨ ᠤ ᠲᠠᠯ᠎ᠠ ᠶᠢᠨ ᠵᠢᠱᠢᠶ᠎ᠡ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠮᠠᠰᠢ ᠤᠯᠠᠨ ᠢᠲᠡᠭᠡᠮᠵᠢ ᠪᠠᠷ ᠪᠡᠶᠡᠯᠡᠭᠦᠯᠬᠦ ᠵᠦᠢᠯ ᠤᠳ ᠢ ᠵᠢᠱᠢᠶ᠎ᠡ ᠲᠠᠲᠠᠪᠠᠯ᠂ ᠮᠠ ᠶᠦᠨ ᠤ ᠬᠢᠵᠦ ᠪᠠᠢᠭ᠎ᠠ ᡁᠢ ᠹᠦ᠋ ᠪᠣᠣ ︵支付宝︶ ᠳᠤ ᠰᠢᠷᠭᠤᠯᠵᠢ ᠶᠢᠨ ᠵᠢᠭᠡᠯᠡᠯᠭᠡ ︵蚂蚁借呗︶ ᠭᠡᠵᠦ ᠪᠠᠢᠳᠠᠭ᠂ ᠡᠳᠡᠭᠡᠷ ᠨᠢ ᠢᠲᠡᠭᠡᠮᠵᠢ ︵芝麻信用︶ ᠪᠠᠷ ᠪᠠᠷᠢᠮᠵᠢᠶᠠᠯᠠᠳᠠᠭ᠃ ᠡᠨᠡ ᠢᠲᠡᠭᠡᠮᠵᠢ ᠨᠢ ᠳᠡᠭᠡᠭᠰᠢᠯᠡᠵᠦ ᠢᠷᠡᠬᠦ ᠪᠠᠷ ᠨᠢ ᠪᠣᠷᠣᠭᠠᠨ ᠤ ᠰᠢᠬᠦᠷ᠂ ᠺᠣᠮᠫᠢᠦ᠋ᠲ᠋ᠧᠷ᠂ ᠰᠡᠭᠦᠳᠡᠷᠯᠡᠬᠦ ᠮᠠᠰᠢᠨ᠂ ᠨᠣᠮ᠂ ᠭᠠᠷ ᠤᠲᠠᠰᠤ ᠁ ᠵᠡᠷᠭᠡ ᠮᠠᠰᠢ ᠤᠯᠠᠨ ᠵᠦᠢᠯ ᠢ ᠲᠦᠷᠢᠶᠡᠰᠦᠯᠡᠵᠦ ᠪᠣᠯᠬᠤ ᠪᠣᠯᠳᠠᠭ᠃ ᠡᠭᠦᠨ ᠲᠠᠢ ᠠᠳᠠᠯᠢᠬᠠᠨ ᠵᠢᠩ ᠳ᠋ᠦᠩ ︵京东︶᠂ ᠰᠦ᠋ ᠨᠢᠩ ︵苏宁︶ ᠵᠡᠷᠭᠡ ᠰᠦᠯᠵᠢᠶᠡᠨ ᠤ ᠬᠤᠳᠠᠯᠳᠤᠭ᠎ᠠ ᠨᠢ ᠪᠦᠷ ᠥᠪᠡᠷ ᠥᠪᠡᠷ ᠤᠨ ᠬᠤᠪᠢ ᠬᠥᠮᠥᠨ ᠤ ᠢᠲᠡᠭᠡᠮᠵᠢ ᠶᠢ ᠰᠢᠯᠭᠠᠬᠤ ᠰᠢᠯᠭᠠᠭᠤᠷ ᠤᠨ ᠦᠨᠳᠦᠰᠦᠯᠡᠯ ᠲᠠᠢ ᠪᠠᠢᠳᠠᠭ ᠢ ᠪᠢᠳᠡ ᠪᠦᠷ ᠮᠡᠳᠡᠨ᠎ᠡ᠃ᠢᠲᠡᠭᠡᠮᠵᠢ ᠪᠠᠨ ᠠᠯᠳᠠᠪᠠᠯ ᠶᠠᠭᠠᠬᠢᠬᠤ ᠪᠤᠢ︖ᠥᠨᠥᠳᠥᠷ ᠤᠨ ᠠᠳᠠᠯᠢ ᠥᠩᠭᠡ ᠮᠥᠩᠭᠦᠨ ᠤ ᠶᠢᠷᠲᠢᠨᠴᠦ ᠳᠤ ᠢᠲᠡᠭᠡᠯ᠂ ᠢᠲᠡᠭᠡᠮᠵᠢ ᠪᠠᠨ ᠠᠯᠳᠠᠪᠠᠯ ᠳᠠᠭᠤᠰᠤᠯ᠎ᠠ ᠯᠡ ᠭᠡᠰᠡᠨ ᠦᠭᠡ᠃ ᠲᠤᠬᠠᠶᠢᠯᠠᠪᠠᠯ᠂ ᠬᠥᠮᠥᠰ ᠲᠠᠷᠢᠶᠠᠯᠠᠩ ᠤᠨ ᠪᠠᠩᠬᠢ ᠳᠤ ᠢᠲᠡᠭᠡᠮᠵᠢ ᠪᠠᠨ ᠠᠯᠳᠠᠪᠠᠯ ᠠᠷᠠᠳ ᠤᠨ ᠪᠠᠩᠬᠢ ᠶᠢᠨ ᠬᠠᠷ᠎ᠠ ᠳᠠᠩᠰᠠ ᠳᠤ ᠣᠷᠣᠨ᠎ᠠ᠂ ᠡᠨᠡ ᠨᠢ ᠪᠦᠬᠦ ᠪᠠᠩᠬᠢ ᠨᠤᠭᠤᠳ ᠲᠤ ᠳᠣᠳᠣᠭᠠᠳᠤ ᠰᠢᠰᠲ᠋ᠧᠮ ᠢᠶᠠᠷ ᠲᠠᠷᠬᠠᠭᠳᠠᠨ᠎ᠠ᠃ ᠲᠡᠭᠡᠬᠦ ᠪᠠᠷ ᠠᠯᠢ ᠪᠠᠩᠬᠢ ᠳᠤ ᠴᠦ ᠪᠦᠷ ᠲᠡᠭᠦᠨ ᠤ ᠬᠠᠷ᠎ᠠ ᠳᠠᠩᠰᠠ ᠢᠯᠡᠴᠢᠯᠡᠭᠳᠡᠨ᠎ᠡ᠃ ᠢᠩᠭᠢᠭᠡᠳ ᠵᠢᠭᠡᠯᠡᠯᠭᠡ᠂ ᠢᠲᠡᠭᠡᠮᠵᠢ ᠶᠢᠨ ᠺᠠᠷᠲ ᠶᠢ ᠪᠦᠷ ᠣᠯᠵᠤ ᠳᠡᠢᠯᠬᠦ ᠦᠭᠡᠢ ᠪᠣᠯᠣᠨ᠎ᠠ᠂ ᠪᠠᠰᠠ ᠲᠡᠭᠡᠭᠡᠳ ᠤᠤᠯ ᠤᠨ ᠠᠪᠤᠭᠰᠠᠨ ᠠᠰᠠᠷ ᠤᠨ ᠬᠤᠳᠠᠯᠳᠤᠭᠠᠨ ᠤ ᠵᠢᠭᠡᠯᠡᠯᠭᠡ ᠶᠢᠨ ᠬᠢᠨᠢ ᠬᠦᠦ ᠮᠥᠩᠭᠦ ᠨᠢ ᠴᠦ ᠳᠠᠭᠠᠯᠳᠤᠨ ᠥᠰᠥᠨ᠎ᠡ᠃ ᠡᠢᠮᠦ ᠵᠢᠱᠢᠶ᠎ᠡ ᠮᠠᠰᠢ ᠤᠯᠠᠨ ᠭᠠᠷᠤᠭᠰᠠᠨ ᠢ ᠠᠳᠡ ᠨᠢᠭᠡᠳ ᠨᠢᠭᠡ ᠪᠠᠷ ᠦᠭᠦᠯᠡᠬᠦ ᠶᠢ ᠪᠤᠯᠢᠶ᠎ᠡ᠃ᠪᠠᠰᠠ ᠵᠢᠱᠢᠶᠡᠯᠡᠪᠡᠯ᠂ ᠰᠦᠯᠵᠢᠶᠡᠨ ᠤ ᠬᠤᠳᠠᠯᠳᠤᠭᠠᠨ ᠤ ᠢᠲᠡᠭᠡᠮᠵᠢ ᠶᠢᠨ ᠪᠠᠷᠢᠮᠵᠢᠶ᠎ᠠ ᠶᠢ ᠡᠪᠳᠡᠪᠡᠯ ᠮᠥᠨ ᠴᠦ ᠠᠳᠠᠯᠢᠬᠠᠨ ᠢᠶᠠᠷ ᠰᠢᠢᠳᠬᠡᠯ ᠣᠯᠳᠠᠭ᠃ ᠤᠤᠯ ᠤᠨ ᠪᠠᠢᠭᠰᠠᠨ ᠰᠦᠯᠵᠢᠶᠡᠨ ᠤ ᠵᠢᠭᠡᠯᠡᠯᠭᠡ ᠶᠢ ᠴᠢᠨᠢ ᠬᠠᠰᠤᠵᠤ ᠬᠠᠶᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠥᠭᠡᠷ᠎ᠡ ᠰᠦᠯᠵᠢᠶᠡᠨ ᠬᠤᠳᠠᠯᠳᠤᠭ᠎ᠠ ᠳᠤ ᠴᠦ ᠣᠷᠣᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠭᠠᠵᠤ ᠣᠷᠬᠢᠳᠠᠭ᠃ ᠵᠢᠭᠡᠯᠡᠯᠭᠡ᠂ ᠲᠦᠷᠢᠶᠡᠰᠦᠯᠡᠯ᠂ ᠬᠤᠳᠠᠯᠳᠤᠭ᠎ᠠ ᠪᠦᠬᠦ ᠶᠠᠭᠤᠮ᠎ᠠ ᠪᠦᠷ ᠲᠠᠭᠠᠯᠳᠤᠨ ᠨᠥᠯᠥᠭᠡᠯᠡᠭᠳᠡᠳᠡᠭ᠃ᠬᠤᠪᠢ ᠬᠥᠮᠥᠨ ᠳᠤ ᠢᠲᠡᠭᠡᠯ ᠢᠶᠠᠨ ᠠᠯᠳᠠᠪᠠᠯ ᠨᠠᠢᠵᠠ ᠴᠦ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠢᠰᠢᠦ︖ᠢᠲᠡᠭᠡᠯ ᠢ ᠬᠠᠮᠤᠭ ᠴᠢᠬᠤᠯᠠᠴᠢᠯᠠᠳᠠᠭ ᠬᠥᠮᠥᠨ ᠤ ᠨᠢᠭᠡ ᠨᠢ ᠴᠢᠩᠭᠢᠰ ᠬᠠᠭᠠᠨ — ᠲᠡᠮᠦᠵᠢᠨ ᠪᠢᠯᠡ᠃ ᠲᠡᠷᠡ ᠪᠠᠷ ᠬᠠᠭᠠᠨ ᠪᠣᠯᠬᠤ ᠠᠴᠠ ᠪᠠᠨ ᠡᠮᠦᠨ᠎ᠡ ᠪᠠ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠤ ᠳᠠᠷᠠᠭ᠎ᠠ ᠴᠦ ᠮᠦᠨ ᠠᠳᠠᠯᠢᠬᠠᠨ ᠢᠶᠠᠷ ᠢᠲᠡᠭᠡᠯ ᠢ ᠤᠨᠴᠠ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠦ ᠪᠠᠢᠭᠰᠠᠨ ᠨᠢ ᠦᠶ᠎ᠡ ᠦᠶ᠎ᠡ ᠶᠢᠨ ᠦᠷ᠎ᠡ ᠬᠤᠢᠴᠢᠰ ᠲᠤ ᠪᠠᠨ ᠰᠤᠷᠭᠠᠮᠵᠢ ᠪᠤᠯᠤᠨ ᠦᠯᠡᠳᠡᠵᠡᠢ᠃ ᠣᠯᠠᠨ ᠰᠠᠢᠨ ᠨᠥᠬᠦᠳ ᠲᠠᠢ᠂ ᠰᠡᠳᠬᠢᠯ ᠤᠨ ᠦᠭᠡ ᠪᠠᠨ ᠣᠯᠣᠯᠴᠠᠳᠠᠭ ᠲᠣᠳᠣᠨᠣ ᠶᠢᠨ ᠠᠨᠳᠠ ᠤᠯᠠᠨ ᠪᠤᠯ ᠪᠠᠶᠠᠷ ᠵᠢᠷᠭᠠᠯ ᠢᠶᠠᠷ ᠪᠠᠶᠠᠨ ᠳᠤ ᠲᠤᠭᠠᠴᠠᠭᠳᠠᠬᠤ ᠨᠢ ᠲᠡᠷᠡ ᠪᠢᠯᠡ᠃ ᠠᠮᠢᠳᠤᠷᠠᠯ ᠥᠪᠡᠷ ᠢᠶᠠᠨ ᠵᠣᠪᠠᠯᠠᠩ ᠤᠨ ᠳᠠᠯᠠᠢ ᠪᠤᠯᠵᠤ ᠪᠠᠢᠭᠰᠠᠨ 12 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶ᠎ᠡ ᠶᠢᠨ ᠮᠣᠩᠭᠤᠯ ᠤᠨ ᠲᠠᠯ᠎ᠠ ᠨᠤᠲᠤᠭ ᠲᠤ᠂ ᠢᠯᠡᠭᠦᠦ ᠭᠠᠷᠬᠤ ᠶᠠᠭᠤᠮ᠎ᠠ ᠦᠭᠡᠢ ᠲᠠᠷᠳᠠᠭ ᠲᠤ ᠪᠠᠨ ᠲᠤᠯᠤᠭᠰᠠᠨ ᠲᠤᠬᠠᠢ ᠶᠢᠨ ᠴᠠᠭ ᠲᠤ ᠨᠢᠭᠡᠨ ᠰᠠᠢᠬᠠᠨ ᠤᠴᠠᠷᠠᠯᠲᠤ ᠠᠨᠳᠠ ᠶᠢᠨ ᠦᠶᠡᠷᠬᠡᠯ ᠡᠬᠢᠯᠡᠭᠰᠡᠨ ᠪᠠᠢᠭᠰᠠᠨ ᠶᠤᠮ᠃ ᠦᠵᠡᠭᠳᠡᠯᠲᠦ ᠵᠦᠴᠦᠭᠡ ᠭᠡᠮᠡᠷ ᠡᠨᠡ ᠦᠢᠯᠡ ᠶᠠᠪᠤᠳᠠᠯ ᠪᠣᠯ ᠲᠡᠮᠦᠵᠢᠨ᠂ ᠪᠤᠭᠤᠷᠴᠦ ᠬᠤᠶᠠᠷ ᠤᠨ ᠢᠷᠦᠭᠡᠯᠲᠦ ᠤᠴᠠᠷᠠᠯ ᠪᠤᠯᠠᠢ᠃ ᠡᠨᠡ ᠬᠤᠶᠠᠷ ᠤᠨ ᠨᠠᠨᠳᠢᠨ ᠤᠴᠠᠷᠠᠯ᠂ ᠠᠨᠳᠠ ᠶᠢᠨ ᠪᠠᠷᠢᠯᠳᠤᠯᠭ᠎ᠠ ᠨᠢ ᠮᠣᠩᠭᠤᠯ ᠤᠨ ᠲᠠᠯ᠎ᠠ ᠨᠤᠲᠤᠭ ᠲᠠᠬᠢ ᠭᠠᠰᠠᠯᠠᠩ ᠵᠣᠪᠠᠯᠠᠩᠲᠤ ᠬᠤᠷᠸ᠎ᠠ ᠶᠢ ᠬᠠᠯᠠᠵᠤ᠂ ᠳᠡᠯᠡᠬᠡᠢ ᠶᠢᠨ ᠲᠡᠦᠬᠡᠨ ᠳᠤ ᠶᠡᠭᠡ ᠥᠭᠡᠷᠡᠴᠢᠯᠡᠯᠲᠡ ᠠᠪᠴᠢᠷᠠᠬᠤ ᠶᠢᠨ ᠣᠷᠣᠰᠢᠯ ᠡᠬᠢᠯᠡᠯ ᠪᠣᠯᠣᠭᠰᠠᠨ ᠭᠡᠯᠲᠡᠢ᠃︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠲᠡᠮᠦᠵᠢᠨ ᠤ ᠦᠢᠯᠡ ᠶᠠᠪᠤᠳᠠᠯ ᠠᠮᠢᠳᠤᠷᠠᠯ ᠢ ᠮᠠᠭᠲᠠᠨ ᠳᠠᠭᠤᠯᠠᠭᠰᠠᠨ ᠶᠡᠭᠡ ᠲᠡᠦᠬᠡᠲᠦ ᠲᠤᠤᠯᠢᠰ ᠮᠥᠨ ᠪᠣᠯᠬᠤ ᠪᠣᠯᠪᠠᠴᠤ ᠨᠥᠭᠦᠭᠡ ᠲᠠᠯ᠎ᠠ ᠪᠠᠷ ᠪᠠᠰᠠ ᠲᠡᠭᠦᠨ ᠲᠠᠢ ᠬᠠᠮᠲᠤᠷᠠᠨ ᠵᠢᠳᠬᠦᠭᠴᠢ ᠢᠲᠡᠭᠡᠯᠲᠦ ᠲᠣᠳᠣᠨᠤ ᠰᠢᠳᠠᠷ ᠤᠳ ᠤᠨ ᠬᠢᠨᠢ ᠲᠤᠬᠠᠢ ᠬᠦᠦᠷᠨᠢᠭᠰᠡᠨ ᠲᠤᠭᠤᠵᠢ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠨ᠎ᠠ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠢᠲᠡᠭᠡᠯᠲᠦ ᠰᠢᠳᠠᠷ ᠤᠳ ᠳᠤᠳᠤᠷ᠎ᠠ ᠠᠴᠠ ᠳᠦᠷᠪᠡᠨ ᠬᠥᠯᠥᠭ ᠤᠨ ᠠᠬᠠᠯᠠᠭᠴᠢ ᠭᠡᠭᠳᠡᠭᠰᠡᠨ ᠪᠤᠭᠤᠷᠴᠦ ᠶᠢᠨ ᠲᠤᠬᠠᠢ ᠮᠠᠭᠲᠠᠭᠠᠯ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠤ ᠮᠡᠩᠯᠢᠭ᠂ ᠰᠤᠷᠬᠠᠨ ᠰᠢᠷ᠎ᠠ ᠬᠤᠶᠠᠷ ᠤᠨ ᠳᠠᠷᠠᠭᠠᠬᠢ ᠭᠤᠷᠪᠠᠳᠤᠭᠠᠷ ᠬᠡᠰᠡᠭ ᠨᠢ ᠪᠣᠯᠳᠠᠭ᠃ ᠡᠮᠦᠨᠡᠬᠢ ᠬᠤᠶᠠᠷ ᠬᠥᠮᠥᠨ ᠨᠢ ᠲᠡᠮᠦᠵᠢᠨ ᠢ ᠪᠠᠯᠴᠢᠷ ᠪᠠᠭ᠎ᠠ ᠪᠠᠢᠬᠤ ᠳᠤ ᠠᠮᠢ ᠶᠢ ᠨᠢ ᠠᠪᠤᠷᠠᠭᠰᠠᠨ ᠠᠴᠢᠲᠠᠨ ᠭᠡᠵᠦ ᠦᠵᠡᠪᠡᠯ ᠪᠣᠭᠤᠷᠴᠤ ᠪᠣᠯ ᠲᠡᠮᠦᠵᠢᠨ ᠳᠤ ᠢᠯᠡᠭᠡᠭᠰᠡᠨ ︽ᠬᠥᠬᠡ ᠲᠡᠭᠷᠢ︾ ᠶᠢᠨ ᠠᠩᠬᠠᠨ ᠤ ᠬᠢᠨᠢ ᠪᠠᠭᠠᠲᠤᠷ ᠡᠷ᠎ᠡ ᠴᠡᠷᠢᠭ — ᠠᠨᠳᠠ ᠨᠢ ᠪᠠᠢᠭᠰᠠᠨ ᠶᠤᠮ᠃ ᠳᠡᠭᠡᠷᠡᠮᠳᠡᠭᠦᠯᠦᠭᠰᠡᠨ ᠨᠠᠢᠮᠠᠨ ᠰᠢᠷᠭ᠎ᠠ ᠠᠭᠲᠠ ᠪᠠᠨ ᠲᠡᠮᠦᠵᠢᠨ ᠡᠷᠢᠵᠦ ᠶᠠᠪᠤᠬᠤ ᠦᠶᠡᠰ ᠲᠤ ᠲᠡᠷᠡ ᠬᠤᠶᠠᠷ ᠤᠨ ᠠᠨᠳᠠ ᠶᠢᠨ ᠤᠴᠠᠷᠠᠯ ᠡᠬᠢᠯᠡᠭᠰᠡᠨ ᠢᠶᠠᠷ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠤ ᠲᠦᠷᠰᠦᠯᠡᠭᠳᠡᠳᠡᠭ᠃ ᠡᠴᠢᠭᠡ ᠶᠢᠰᠦᠭᠡᠢ ᠶᠢᠨ ᠬᠢᠨᠢ ᠬᠤᠯᠪᠣᠭᠠᠲᠠᠨ᠂ ᠠᠯᠪᠠᠲᠤ ᠠᠷᠠᠳ ᠤᠳ ᠨᠢ ᠬᠠᠯᠠᠭᠤᠨ ᠭᠠᠷ ᠰᠤᠩᠭᠠᠬᠤ ᠬᠥᠮᠥᠨ ᠦᠭᠡᠢ ᠪᠦᠷ ᠨᠢᠭᠤᠷ ᠪᠤᠷᠤᠭᠤᠯᠠᠨ ᠵᠠᠢᠳᠠᠵᠤ᠂ ᠥᠨᠥᠴᠢᠷᠡᠨ ᠭᠠᠭᠴᠠᠭᠠᠷᠳᠠᠭᠰᠠᠨ ᠭᠡᠴᠡᠭᠦᠦ ᠪᠡᠷᠬᠡ ᠠᠮᠢᠳᠤᠷᠠᠯ ᠤᠨ ᠮᠥᠷ ᠢ ᠬᠥᠭᠡᠭᠡᠵᠦ ᠪᠠᠢᠬᠤ ᠳᠤ ᠪᠠᠨ ᠲᠡᠮᠦᠵᠢᠨ ᠪᠤᠭᠤᠷᠴᠤ ᠲᠠᠢ ᠤᠴᠠᠷᠠᠵᠠᠢ᠃ ᠲᠡᠷᠡ ᠪᠠᠷ ᠬᠤᠯᠠᠭᠠᠢ ᠳᠡᠭᠡᠷᠡᠮ ᠳᠤ ᠠᠯᠳᠠᠭᠰᠠᠨ ᠨᠠᠢᠮᠠᠨ ᠰᠢᠷᠭ᠎ᠠ ᠠᠭᠲᠠ ᠪᠠᠨ ᠮᠥᠰᠬᠢᠨ ᠬᠠᠢᠵᠤ ᠶᠠᠪᠤᠬᠤ ᠳᠤ ᠪᠠᠨ ᠭᠡᠭᠦᠦ ᠰᠠᠭᠠᠵᠤ ᠪᠠᠢᠭᠰᠠᠨ ᠪᠤᠭᠤᠷᠴᠦ ᠲᠠᠢ ᠠᠩᠬᠠᠯᠠᠨ ᠠᠭᠤᠯᠵᠠᠭᠰᠠᠨ ᠪᠢᠯᠡ᠃ᠠᠷᠤᠯᠤᠨ ᠠᠢᠮᠠᠭ ᠤᠨ ᠪᠣᠭᠤᠷᠴᠤ ᠲᠡᠮᠦᠵᠢᠨ ᠳᠤ᠄ ︽ᠨᠥᠬᠦᠷ ᠮᠢᠨᠢ ᠴᠢ ᠮᠤᠩᠭᠠᠨᠢᠵᠤ ᠶᠠᠪᠤᠭ᠎ᠠ ᠠᠵᠢ᠃ ᠡᠷ᠎ᠡ ᠶᠢᠨ ᠮᠤᠩ ︵ᠪᠡᠷᠬᠡᠰᠢᠶᠡᠯ︶ ᠨᠢᠭᠡᠨ ᠠᠳᠠᠯᠢ ᠪᠤᠢ᠂ ᠪᠢ ᠴᠢᠮ᠎ᠠ ᠳᠤ ᠨᠥᠬᠦᠷ ᠪᠣᠯᠣᠶ᠎ᠠ᠃ ᠮᠢᠨᠤ ᠡᠴᠢᠭᠡ ᠨᠠᠬᠤ ᠪᠠᠶᠠᠨ ᠭᠡᠳᠡᠭ᠃ ᠪᠢ ᠲᠡᠭᠦᠨ ᠤ ᠭᠠᠭᠴᠠ ᠬᠦᠪᠡᠭᠦᠨ᠂ ᠮᠢᠨᠤ ᠨᠡᠷ᠎ᠡ ᠪᠤᠭᠤᠷᠴᠤ︾ ᠭᠡᠵᠦ ᠥᠪᠡᠷ ᠢ ᠪᠠᠨ ᠲᠠᠨᠢᠯᠴᠠᠭᠤᠯᠵᠠᠢ᠃ᠲᠡᠮᠦᠵᠢᠨ᠂ ᠪᠤᠭᠤᠷᠴᠤ ᠬᠤᠶᠠᠷ ᠭᠤᠷᠪᠠᠨ ᠬᠤᠨᠤᠭ ᠮᠦᠷ ᠢᠶᠠᠷ ᠨᠢ ᠮᠦᠰᠭᠢᠵᠦ ᠠᠯᠳᠠᠭᠳᠠᠭᠰᠠᠨ ᠮᠣᠷᠢᠳ ᠢᠶᠠᠨ ᠣᠯᠵᠤ ᠠᠪᠤᠭᠠᠳ ᠪᠤᠴᠠᠬᠤ ᠵᠠᠮ ᠳᠤ ᠪᠠᠨ ᠮᠣᠷᠢᠳ ᠤᠨ ᠢᠶᠠᠨ ᠬᠠᠭᠠᠰ ᠢ ᠪᠤᠭᠤᠷᠴᠦ ᠶᠢ ᠠᠪ ᠭᠡᠬᠦ ᠳᠤ ᠪᠤᠭᠤᠷᠴᠤ᠄ ︽ᠪᠢ ᠰᠠᠢᠨ ᠨᠥᠬᠦᠷ ᠴᠢᠮ᠎ᠠ ᠶᠢ ᠮᠤᠩᠭᠠᠨᠢᠵᠤ ᠶᠠᠪᠤᠨ᠎ᠠ ᠭᠡᠵᠦ ᠲᠤᠰᠠ ᠪᠣᠯᠬᠤ ᠪᠠᠷ ᠬᠠᠨᠢᠯᠠᠵᠤ ᠶᠠᠪᠤᠭᠰᠠᠨ ᠪᠢᠯᠡ᠃ ᠪᠢ ᠣᠯᠵᠠ ᠡᠷᠢᠭᠰᠡᠨ ᠦᠭᠡᠢ︾ ᠬᠡᠮᠡᠨ ᠡᠰᠡ ᠠᠪᠤᠪᠠ᠃ᠲᠡᠮᠦᠵᠢᠨ ᠪᠤᠭᠤᠷᠴᠤ ᠬᠤᠶᠠᠷ ᠤᠨ ᠠᠨᠳᠠ ᠶᠢᠨ ᠤᠴᠠᠷᠠᠯ ᠡᠳ᠋ ᠣᠯᠵᠠ ᠶᠢᠨ ᠲᠥᠯᠥᠭᠡ ᠬᠢ ᠤᠴᠠᠷᠠᠯ ᠪᠠᠢᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠦᠨᠡᠨ ᠰᠡᠳᠬᠢᠯ ᠤᠨ ᠪᠠᠷᠢᠯᠳᠤᠯᠭ᠎ᠠ ᠪᠠᠢᠭᠰᠠᠨ ᠶᠤᠮ᠃ ᠤᠷᠪᠠᠵᠤ ᠳᠡᠷᠰᠡᠯᠡᠬᠦ᠂ ᠬᠤᠳᠠᠯ ᠬᠠᠭᠤᠷᠮᠠᠭ ᠵᠠᠩ ᠭᠠᠷᠭᠠᠬᠤ ᠶᠠᠪᠤᠳᠠᠯ ᠭᠠᠵᠠᠷ ᠠᠪᠤᠭᠰᠠᠨ ᠡᠨᠡ ᠨᠤᠲᠤᠭ ᠲᠤ ᠢᠲᠡᠭᠡᠯ ᠤᠨ ᠠᠩᠬᠠᠨ ᠤ ᠦᠷ᠎ᠡ ᠬᠦᠪᠦᠷᠡᠯ ᠢ ᠲᠡᠷᠡ ᠬᠤᠶᠠᠷ ᠰᠠᠴᠤᠭᠰᠠᠨ ᠪᠠᠢᠵᠠᠢ᠃ ᠨᠢᠭᠡᠲᠦᠭᠰᠡᠨ ᠮᠣᠩᠭᠤᠯ ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨ 1206 ᠣᠨ ᠳᠤ ᠮᠡᠩᠯᠢᠭ ᠤᠨ ᠳᠠᠷᠠᠭ᠎ᠠ ᠪᠠᠷ ᠮᠢᠩᠭᠠᠲᠤ ᠶᠢᠨ ᠨᠣᠶᠠᠨ ᠢᠶᠠᠷ ᠲᠣᠮᠢᠯᠠᠭᠳᠠᠭᠰᠠᠨ ᠤ ᠤᠯᠠᠮ ᠢᠶᠠᠷ ᠡᠵᠡᠨᠲᠦ ᠭᠦᠷᠦᠨ ᠤ ᠵᠡᠭᠦᠨ ᠭᠠᠷ ᠤᠨ ᠲᠦᠮᠡᠲᠦ ᠶᠢᠨ ᠵᠠᠬᠢᠷᠤᠭᠴᠢ ᠶᠢ ᠬᠦᠷᠲᠡᠭᠰᠡᠨ ᠬᠥᠮᠥᠨ ᠪᠣᠯ ᠪᠤᠭᠤᠷᠴᠦ ᠪᠠᠢᠪᠠ᠃ ᠢᠷᠡᠭᠡᠲᠦᠢ ᠶᠢᠨ ᠶᠡᠭᠡ ᠡᠵᠡᠨ ᠬᠠᠭᠠᠨ ᠢᠶᠠᠨ ᠲᠠᠨᠢᠭᠰᠠᠨ ᠠᠩᠬᠠᠨ ᠤ ᠰᠢᠳᠠᠷ ᠲᠡᠷᠡ ᠪᠠᠢᠭᠰᠠᠨ ᠤ ᠠᠳᠠᠯᠢ ᠢᠲᠡᠭᠡᠯ ᠤᠨ ᠲᠦᠯᠦ ᠳᠦᠷᠡᠯᠵᠡᠬᠦ ᠭᠠᠯ ᠤᠨ ᠪᠤᠷᠬᠠᠨ ᠤ ᠣᠴᠢ ᠨᠢᠳᠦᠨ ᠳᠤ ᠨᠢ ᠭᠡᠷᠡᠯᠲᠦᠬᠦ ᠪᠤᠭᠤᠷᠴᠤ ᠶᠢ ᠬᠠᠷᠠᠴᠠ ᠠᠴᠠ ᠨᠢ ᠣᠯᠵᠤ ᠮᠡᠳᠡᠭᠰᠡᠨ ᠠᠩᠬᠠᠨ ᠤ ᠬᠥᠮᠥᠨ ᠨᠢ ᠲᠡᠮᠦᠵᠢᠨ ᠪᠠᠢᠪᠠ᠃ᠨᠠᠢᠮᠠᠨ ᠰᠢᠷᠭ᠎ᠠ ᠪᠠᠨ ᠬᠥᠭᠡᠭᠡᠵᠦ ᠬᠥᠬᠡ ᠨᠠᠭᠤᠷ ᠤᠨ ᠬᠥᠪᠡᠭᠡᠨ ᠳᠠᠬᠢ ᠭᠡᠷ ᠲᠡᠭᠡᠨ ᠢᠷᠡᠭᠰᠡᠨ ᠲᠡᠮᠦᠵᠢᠨ ᠤᠷᠢᠳᠤ ᠰᠦᠢ ᠲᠠᠯᠪᠢᠭᠰᠠᠨ ᠪᠦᠷᠳᠡ ᠦᠵᠢᠨ ᠢ ᠠᠪᠴᠢᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠪᠤᠭᠤᠷᠴᠤ ᠶᠢ ᠨᠥᠬᠦᠷᠯᠡᠶ᠎ᠡ ᠬᠡᠮᠡᠨ ᠬᠥᠮᠥᠨ ᠵᠠᠷᠤᠵᠤ ᠠᠪᠴᠢᠷᠠᠪᠠ᠃ ᠠᠷᠠᠢ ᠤᠷᠤᠭᠰᠢᠯᠠᠭᠤᠯᠵᠤ ᠦᠭᠦᠯᠡᠪᠡᠯ᠂ ᠬᠤᠩᠬᠢᠷᠠᠳ ᠣᠪᠣᠭ ᠤᠨ ᠲᠡᠷᠢᠭᠦᠨ ᠤ ᠥᠬᠢᠨ ᠪᠦᠷᠳᠡ ᠲᠠᠢ ᠭᠡᠷᠯᠡᠭᠰᠡᠨ ᠨᠢ ᠶᠢᠰᠦᠨ ᠨᠠᠰᠤᠨ ᠳᠠᠭᠠᠨ ᠰᠦᠢ ᠲᠠᠯᠪᠢᠭᠰᠠᠨ ᠠᠮᠠᠯᠠᠯᠲᠠ ᠪᠠᠨ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠰᠠ ᠨᠢᠭᠡᠨ ᠢᠲᠡᠭᠡᠯ ᠤᠨ ᠬᠢᠨᠢ ᠢᠯᠡᠷᠡᠯ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠮᠠᠷ᠃ ᠢᠲᠡᠭᠡᠯ ᠬᠤᠪᠣᠷᠳᠠᠨ ᠲᠠᠷᠳᠠᠭ ᠲᠤ ᠪᠠᠨ ᠲᠤᠯᠤᠭᠰᠠᠨ ᠲᠡᠷᠡ ᠦᠶ᠎ᠡ ᠳᠤ ᠬᠠᠷᠢᠨ ᠲᠡᠮᠦᠵᠢᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠶᠤᠰᠤᠲᠠᠢ ᠲᠡᠭᠷᠢ ᠶᠡᠭᠡ ᠠᠤᠭ᠎ᠠ ᠬᠠᠷᠢᠭᠤᠴᠠᠯᠭ᠎ᠠ ᠪᠣᠯᠬᠤ ᠶᠤᠮ᠃ ᠤᠷᠪᠠᠨ ᠲᠡᠷᠰᠯᠡᠬᠦ ᠮᠠᠭᠤ ᠵᠠᠩ ᠠᠷᠠᠨᠰᠢᠨ ᠳᠤ ᠢᠳᠡᠭᠳᠡᠭᠰᠡᠨ ᠮᠣᠩᠭᠤᠯ ᠤᠨ ᠠᠭᠤᠳᠠᠮ ᠲᠠᠯ᠎ᠠ ᠨᠤᠲᠤᠭ ᠲᠤ ᠢᠲᠡᠭᠡᠯ ᠤᠨ ᠭᠡᠷᠡᠯ ᠭᠡᠭᠡ ᠠᠭᠠᠵᠢᠮ ᠢᠶᠠᠷ ᠲᠤᠰᠪᠠ᠃ᠠᠵᠤ ᠠᠬᠤᠢ ᠶᠢ ᠬᠦᠭᠵᠢᠬᠦᠯᠬᠦ ᠳᠤ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠶᠢ ᠵᠠᠪᠠᠯ ᠳᠡᠷᠢᠬᠦᠨ ᠪᠠᠢᠷᠢᠨ ᠳᠤ ᠳᠠᠯᠪᠢᠬᠤ ᠬᠡᠷᠡᠭᠳᠡᠢ᠂ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠨᠢ ᠢᠳᠡᠭᠡᠯ ᠬᠦᠨᠳᠦ ᠶᠢ ᠳᠡᠷᠢᠬᠦᠨ ᠪᠠᠢᠷᠢᠨ ᠳᠤ ᠳᠠᠯᠪᠢᠬᠤ ᠬᠡᠷᠡᠭᠳᠡᠢ ᠪᠠᠢᠳᠠᠭ᠃ ᠳᠡᠭᠡᠷ᠎ᠡ ᠦᠶ᠎ᠡ ᠶᠢᠨ ᠮᠤᠩᠭᠤᠯᠴᠤᠳ ᠴᠡᠷᠢᠭ ᠠᠩᠬᠢ ᠪᠠᠨ ᠵᠤᠬᠢᠶᠠᠨ ᠪᠠᠢᠭᠤᠯᠬᠤ ᠳᠤ ᠴᠦ ᠢᠳᠡᠭᠡᠯ ᠬᠦᠨᠳᠦ ᠶᠢ ᠮᠠᠰᠢᠳᠠ ᠬᠦᠨᠳᠦᠳᠭᠡᠵᠤ ᠦᠵᠡᠳᠡᠭ ᠪᠠᠢᠭᠰᠠᠨ ᠶᠤᠮ᠃ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠨᠢ ᠠᠷᠠᠯᠵᠢᠶ᠎ᠠ ᠬᠢᠵᠤ ᠪᠠᠢᠭ᠎ᠠ ᠬᠤᠶᠠᠷ ᠳᠠᠯ᠎ᠠ ᠪᠠᠷ ᠢᠶᠠᠨ ᠬᠠᠷᠢᠯᠴᠠᠨ ᠢᠳᠡᠭᠡᠯ ᠢ ᠪᠠᠷᠢᠵᠤ ᠠᠵᠢᠯᠯᠠᠪᠠᠯ ᠰᠠᠶ᠋ᠢ ᠠᠮᠵᠢᠯᠳᠠ ᠤᠯᠵᠤ᠂ ᠡᠬᠦᠨ ᠤ ᠤᠯᠠᠮ ᠠᠴᠠ ᠠᠵᠤ ᠠᠬᠤᠢ ᠬᠦᠭᠵᠢᠬᠦ ᠪᠤᠯᠤᠮᠵᠢ ᠲᠠᠢ ᠪᠤᠯᠳᠠᠭ᠃ᠦᠨᠡᠨᠴᠢ ᠪᠠᠢᠬᠤ ᠪᠣᠯ ᠬᠥᠮᠥᠨ ᠪᠤᠶᠤ ᠨᠡᠢᠭᠡᠮ ᠳᠤ ᠬᠠᠨᠳᠤᠬᠤ ᠨᠢᠭᠡᠨ ᠵᠦᠢᠯ ᠤᠨ ᠣᠪᠣᠷ᠂ ᠡᠭᠦᠨ ᠢ ᠦᠨᠡᠨᠴᠢ ᠰᠢᠳᠤᠷᠭᠤ᠂ ᠦᠨᠡᠨᠴᠢ ᠵᠠᠩ᠂ ᠴᠢᠩ ᠦᠨᠡᠨᠴᠢ ᠭᠡᠬᠦ ᠵᠡᠷᠭᠡ ᠦᠭᠡ ᠪᠠᠷ ᠬᠤᠯᠪᠣᠵᠣ ᠬᠡᠯᠡᠳᠡᠭ᠃ ᠦᠨᠡᠨᠴᠢ ᠭᠡᠳᠡᠭ ᠪᠣᠯ ᠦᠭᠡ ᠶᠠᠷᠢᠶ᠎ᠠ ᠪᠠ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠢᠭᠡᠳᠦᠯ ᠲᠠᠢ᠂ ᠲᠤᠳᠤᠨ᠎ᠠ ᠭᠠᠳᠠᠨ᠎ᠠ ᠨᠢ ᠢᠵᠢᠯ ᠶᠣᠰᠣ ᠰᠤᠷᠲᠠᠬᠤᠨ ᠤ ᠮᠥᠰᠥ ᠴᠢᠨᠠᠷ᠃ ︽ᠬᠠᠭᠤᠷᠮᠠᠴᠢ︾ ᠲᠠᠢ ᠡᠰᠡᠷᠭᠦᠴᠡᠭᠰᠡᠨ ᠣᠪᠣᠷ ᠰᠤᠷᠲᠠᠯ᠃ ᠢᠯᠡᠷᠡᠯ ᠨᠢ ᠴᠢᠩ ᠦᠨᠡᠨᠴᠢ ᠨᠣᠮᠣᠬᠠᠨ ᠰᠢᠳᠤᠷᠭᠤ᠂ ᠠᠰᠪᠤᠷ ᠴᠠᠭᠠᠪᠤᠷ ᠰᠢᠭᠤᠳ ᠰᠢᠯᠤᠭᠤᠨ᠂ ᠬᠤᠳᠠᠯ ᠦᠭᠡ ᠶᠠᠷᠢᠬᠤ ᠦᠭᠡᠢ᠂ ᠬᠠᠭᠤᠷᠮᠠᠴᠢ ᠵᠠᠩ ᠭᠠᠷᠭᠠᠬᠤ ᠦᠭᠡᠢ᠂ ᠥᠩᠭᠡᠪᠴᠢ ᠵᠠᠩ ᠦᠵᠡᠭᠦᠯᠳᠡᠭ ᠦᠭᠡᠢ᠂ ᠬᠠᠵᠠᠭᠠᠢ ᠪᠤᠷᠤᠭᠤ ᠭᠢᠰᠬᠢᠳᠡᠭ ᠦᠭᠡᠢ ᠪᠠᠢᠬᠤ ᠶᠠᠪᠤᠳᠠᠯ᠃ᠦᠨᠡᠨᠴᠢ ᠢᠲᠡᠭᠡᠯ ᠬᠤᠶᠠᠷ ᠨᠢ ᠵᠤᠯᠠᠢ ᠵᠤᠯᠠᠢ ᠪᠠᠨ ᠭᠢᠰᠬᠢᠵᠦ ᠲᠥᠷᠥᠭᠰᠡᠨ ᠵᠦᠢᠷᠡᠢ ᠬᠤᠶᠠᠷ ᠰᠢᠭ᠋ ᠶᠤᠮ᠂ ᠦᠨᠡᠨᠴᠢ ᠨᠢ ᠠᠬ᠎ᠠ᠂ ᠢᠲᠡᠭᠡᠯ ᠨᠢ ᠳᠡᠭᠦᠦ ᠭᠡᠵᠦ ᠲᠦᠷᠰᠦᠯᠡᠵᠦ ᠪᠤᠯᠬᠤ ᠶᠤᠮ᠃ ᠳᠠᠷᠤᠢ ᠦᠨᠡᠨᠴᠢ ᠳᠤ ᠰᠠᠭᠤᠷᠢᠯᠠᠨ ᠢᠲᠡᠭᠡᠯ ᠬᠥᠪᠥᠷᠡᠳᠡᠭ᠃ ᠮᠣᠩᠭᠤᠯᠴᠤᠳ ᠤᠨ ᠠᠢᠯ ᠭᠡᠷ ᠤᠨ ᠣᠳᠬᠤᠨ ᠬᠦᠦ ᠨᠢ ᠭᠠᠯ ᠢᠶᠠᠨ ᠮᠠᠨᠠᠳᠠᠭ ᠰᠢᠭ᠋ ᠢᠲᠡᠭᠡᠯ ᠨᠢ ᠢᠯᠡᠭᠦᠦ ᠬᠠᠷᠢᠭᠤᠴᠠᠯᠭ᠎ᠠ ᠡᠭᠦᠷᠭᠡᠯᠡᠳᠡᠭ᠃ ᠦᠨᠡᠨᠴᠢ ᠨᠢ ᠤᠤᠭᠠᠨ ᠬᠦᠦ ᠡᠴᠢᠭᠡ ᠡᠬᠡ ᠳᠤ ᠪᠠᠨ ᠡᠭᠦᠷᠢᠳᠡ ᠠᠴᠢᠯᠠᠯ ᠲᠠᠢ ᠪᠠᠢᠳᠠᠭ ᠰᠢᠭ᠋ ᠴᠢᠩ ᠰᠡᠳᠬᠢᠯ ᠢ ᠡᠭᠦᠷᠢᠳᠡ ᠪᠠᠷᠢᠬᠤ ᠶᠠᠪᠤᠳᠠᠯ ᠪᠣᠯᠣᠨ᠎ᠠ᠃ᠮᠣᠩᠭᠤᠯ ᠤᠨ ︽ᠮᠥᠩᠬᠡ ᠲᠡᠭᠷᠢ︾ ᠲᠡᠮᠦᠵᠢᠨ ᠳᠤ ᠭᠡᠷᠭᠡᠢ ᠪᠠᠨ ᠶᠣᠰᠣᠴᠢᠯᠠᠨ ᠠᠪᠴᠢᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠪᠠᠰᠠ ᠨᠢᠭᠡᠨ ᠡᠷᠳᠡᠨᠢ ᠬᠠᠢᠷᠠᠯᠠᠭᠰᠠᠨ ᠪᠠᠢᠯ᠎ᠠ᠃ ᠲᠡᠷᠡ ᠪᠣᠯ ᠦᠨᠡᠨᠴᠢ ᠰᠡᠳᠬᠢᠯ ᠤᠨ ᠡᠯᠴᠢ ᠵᠡᠯᠮ᠎ᠡ᠃ ᠡᠳᠦᠭᠡ ᠬᠦᠷᠲᠡᠯ᠎ᠡ ᠮᠣᠩᠭᠤᠯ ᠬᠥᠮᠥᠰ ᠤᠨ ᠰᠡᠳᠬᠢᠯ ᠢ ᠡᠵᠡᠮᠳᠡᠵᠦ ᠢᠷᠡᠭᠰᠡᠨ ᠮᠦᠷᠲᠡᠭᠡᠨ ᠡᠵᠡᠮᠳᠡᠭᠰᠡᠭᠡᠷ ᠪᠠᠢᠭ᠎ᠠ ᠦᠨᠡᠨᠴᠢ ᠰᠡᠳᠬᠢᠯ ᠤᠨ ᠪᠡᠯᠭᠡ ᠲᠡᠮᠳᠡᠭ ᠪᠤᠯ ᠵᠠᠯᠮ᠎ᠠ ᠪᠤᠯᠬᠤ ᠪᠢᠯᠡ᠃ ᠪᠤᠭᠤᠷᠴᠦ ᠶᠢ ᠢᠲᠡᠭᠡᠯ ᠤᠨ ᠡᠷᠳᠡᠨᠢ ᠭᠡᠪᠡᠯ ᠵᠠᠯᠮ᠎ᠠ ᠶᠢ ᠦᠨᠡᠨᠴᠢ ᠰᠡᠳᠬᠢᠯ ᠤᠨ ᠡᠷᠳᠡᠨᠢ ᠭᠡᠬᠦ ᠳᠤ ᠪᠣᠯᠣᠨ᠎ᠠ᠃ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠤ ᠲᠡᠮᠦᠵᠢᠨ᠂ ᠵᠠᠯᠮ᠎ᠠ ᠬᠤᠶᠠᠷ ᠤᠴᠠᠷᠠᠭᠰᠠᠨ ᠢ ᠡᠳᠦᠷ ᠤᠨ ᠣᠳᠣ ᠮᠡᠲᠦ ᠡᠷᠬᠢᠮᠯᠡᠨ ᠦᠭᠦᠯᠡᠬᠦ ᠳᠡᠭᠡᠨ᠄ ︽ᠤᠷᠢᠶᠠᠩᠬᠠᠢ ᠵᠠᠷᠴᠢᠭᠤᠳᠠᠢ ᠡᠪᠦᠭᠡᠨ ᠬᠥᠭᠡᠷᠭᠡ ︵ᠲᠡᠮᠦᠷ ᠤᠨ ᠳᠠᠷᠬᠠᠨ ᠤ ᠦᠯᠢᠶᠡᠬᠦ ᠲᠣᠯᠣᠮ︶ ᠪᠠᠨ ᠡᠭᠦᠷᠴᠦ ᠵᠠᠯᠮ᠎ᠠ ᠨᠡᠷᠡᠲᠦ ᠬᠥᠪᠡᠭᠦᠨ ᠢᠶᠠᠨ ᠳᠠᠭᠠᠭᠤᠯᠵᠤ ᠢᠷᠡᠭᠡᠳ᠄ ︿ᠲᠡᠷᠢᠭᠦᠨ ᠤᠨᠤᠨ ᠤ ᠳᠡᠯᠢᠭᠦᠨ ᠪᠣᠯᠳᠤᠭ ᠲᠤ ᠲᠡᠮᠦᠵᠢᠨ ᠴᠢᠮ᠎ᠠ ᠶᠢ ᠲᠥᠷᠥᠬᠦ ᠳᠤ ᠪᠣᠯᠠᠭᠠᠨ ᠥᠯᠥᠭᠡᠢ ᠥᠭᠭᠦᠭᠰᠡᠨ ᠪᠠ ᠪᠢ ᠡᠨᠡ ᠬᠥᠪᠡᠭᠦᠨ ᠵᠠᠯᠮ᠎ᠠ ᠪᠠᠨ ᠴᠢᠮ᠎ᠠ ᠳᠤ ᠥᠭᠭᠦᠭᠰᠡᠨ ᠪᠣᠯᠪᠠᠴᠤ᠂ ᠪᠠᠯᠴᠢᠷ ᠤᠴᠢᠷ ᠠᠴᠠ ᠭᠡᠷ ᠲᠤ ᠠᠪᠠᠴᠢᠭᠰᠠᠨ ᠪᠢᠯᠡ᠃ ᠣᠳᠣ ᠴᠢ ᠮᠢᠨᠤ ᠬᠥᠪᠡᠭᠦᠨ ᠵᠠᠯᠮ᠎ᠠ ᠪᠠᠷ ᠡᠮᠡᠭᠡᠯ ᠢᠶᠠᠨ ᠲᠣᠬᠤᠭᠤᠯ᠂ ᠡᠭᠦᠳᠡ ᠪᠠᠨ ᠰᠡᠬᠦᠬᠦᠯ﹀ ᠭᠡᠵᠦ ᠥᠭᠪᠡ︾ ᠭᠡᠵᠡᠢ᠃ᠵᠠᠯᠮ᠎ᠠ ᠪᠣᠯ ᠭᠠᠷᠤᠯ ᠤᠳᠤᠮ ᠢᠶᠠᠷ ᠢᠶᠠᠨ ᠪᠣᠭᠤᠷᠴᠤ ᠲᠠᠢ ᠵᠦᠢᠷᠯᠡᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ ᠬᠠᠷᠠᠴᠤ ᠶᠠᠳᠠᠭᠤ ᠭᠠᠷᠤᠯᠲᠠᠢ ᠬᠥᠮᠥᠨ᠂ ᠭᠡᠪᠡᠴᠦ ᠲᠡᠷᠡ ᠤᠷᠪᠠᠨ ᠲᠡᠷᠰᠯᠡᠳᠡᠭ ᠲᠠᠯ᠎ᠠ ᠨᠤᠲᠤᠭ ᠤᠨ ᠠᠷᠠᠨᠰᠢᠨ ᠢ ᠦᠨᠡᠨᠴᠢ ᠰᠡᠳᠬᠢᠯ ᠤᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠤᠨ ᠬᠤᠷᠸ᠎ᠠ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠭᠰᠡᠨ ᠬᠥᠪᠥᠷᠡᠯ ᠨᠠᠬᠢᠶ᠎ᠠ ᠨᠢ ᠪᠠᠢᠯ᠎ᠠ᠃ ᠡᠵᠡᠨ ᠬᠠᠭᠠᠨ ᠤ ᠪᠠᠨ ᠰᠢᠷᠬᠠᠨ ᠤ ᠴᠢᠰᠤ ᠶᠢ ᠰᠢᠮᠡᠨ ᠠᠰᠬᠠᠵᠤ ᠠᠮᠢ ᠶᠢ ᠨᠢ ᠠᠪᠤᠷᠠᠵᠤ ᠶᠠᠪᠤᠭᠰᠠᠨ ᠲᠡᠷᠡ ᠪᠠᠷ ᠨᠢᠭᠡᠳᠦᠭᠰᠡᠨ ᠮᠣᠩᠭᠤᠯ ᠤᠯᠤᠰ ᠢ ᠲᠤᠩᠬᠠᠭᠯᠠᠨ ᠵᠠᠷᠯᠠᠭᠰᠠᠨ ᠡᠳᠦᠷ ᠠᠴᠠ ᠡᠬᠢᠯᠡᠨ ᠠᠯᠢᠪᠠ ᠶᠠᠯ᠎ᠠ ᠬᠡᠯᠲᠦᠷᠢᠭᠦᠯᠬᠦ ᠳᠠᠷᠬᠠᠨ ᠴᠣᠯᠠ ᠶᠢ ᠮᠢᠩᠭᠠᠲᠤ ᠶᠢᠨ ᠨᠣᠶᠠᠨ ᠤ ᠮᠢᠨᠳᠠᠭ ᠤᠨ ᠬᠠᠮᠲᠤ ᠬᠦᠷᠲᠡᠵᠦ᠂ ᠵᠥᠪᠬᠡᠨ ᠬᠠᠭᠠᠨ ᠡᠵᠡᠨ ᠤ ᠪᠠᠨ ᠲᠥᠯᠥᠭᠡ ᠪᠡᠶ᠎ᠡ ᠰᠡᠳᠬᠢᠯ ᠶᠦᠭᠡᠨ ᠵᠣᠷᠢᠭᠤᠯᠵᠤ ᠦᠨᠡᠨᠴᠢ ᠰᠡᠳᠬᠢᠯ ᠳᠡᠭᠡᠨ ᠬᠦᠲᠦᠯᠦᠭᠳᠡᠨ ᠲᠤᠯᠤᠯᠳᠤᠭᠠᠨ ᠪᠦᠷᠢ ᠶᠢᠨ ᠲᠦᠷᠦᠭᠦᠨ ᠡᠩᠨᠡᠭᠡᠨ ᠳᠤ ᠠᠮᠢ ᠬᠠᠢᠷ᠎ᠠ ᠦᠭᠡᠢ ᠮᠠᠩᠯᠠᠢᠯᠠᠨ ᠣᠷᠣᠵᠤ ᠶᠠᠪᠤᠭᠰᠠᠨ ᠴᠡᠷᠢᠭ ᠡᠷ᠎ᠡ ᠶᠢᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠣᠭᠰᠠᠨ ᠪᠠᠢᠪᠠ᠃ᠦᠨᠡᠨᠴᠢ ᠰᠢᠳᠤᠷᠭᠤ ᠶᠢᠨ ᠨᠥᠭᠦᠭᠡ ᠨᠢᠭᠡ ᠬᠥᠮᠥᠨ ᠪᠣᠯ ᠵᠡᠪᠡ ᠪᠠᠢᠯ᠎ᠠ᠃ ᠲᠡᠦᠬᠡᠨ ᠳᠤ ᠠᠯᠳᠠᠷᠳᠠᠢ ᠬᠦᠢᠲᠡᠨ ᠤ ᠳᠠᠢᠨ ᠴᠢᠩᠭᠢᠰ ᠤᠨ ᠢᠯᠠᠯᠲᠠ ᠪᠠᠷ ᠳᠠᠭᠤᠰᠤᠭᠠᠳ ᠣᠯᠵᠠᠯᠠᠭᠰᠠᠳ ᠢ ᠰᠥᠭᠦᠳᠬᠡᠨ ᠴᠢᠩᠬᠢᠰ ᠬᠠᠭᠠᠨ᠄ ︽ᠬᠦᠢᠳᠡᠨ ᠭᠡᠬᠦ ᠭᠠᠵᠠᠷ ᠲᠤ ᠣᠷᠣᠭᠰᠢᠯᠠᠬᠤ ᠣᠬᠤᠷᠢᠬᠤ ᠵᠡᠷᠭᠡ ᠪᠠᠷ ᠪᠠᠢᠯᠳᠣᠵᠦ ᠪᠠᠢᠬᠤ ᠳᠤ ᠠᠭᠤᠯᠠᠨ ᠲᠡᠭᠡᠷ᠎ᠡ ᠠᠴᠠ ᠬᠠᠷᠪᠣᠵᠦ᠂ ᠮᠢᠨᠣ ᠪᠠᠢᠯᠳᠣᠭᠠᠨ ᠤ ᠠᠮᠨ ᠴᠠᠭᠠᠨ ᠬᠤᠯᠨ ᠮᠣᠷᠢᠨ ᠤ ᠠᠮᠠᠨ ᠬᠦᠵᠦᠬᠦᠦ ᠶᠢ ᠬᠡᠨ ᠰᠢᠷᠠᠭᠳᠣᠭᠤᠯᠣᠭᠰᠠᠨ ᠪᠣᠢ︖︾ ᠭᠡᠰᠡᠨ ᠳᠤ ᠲᠡᠷᠨ ᠦᠭᠡ ᠶᠢ ᠰᠣᠨᠣᠰᠤᠭᠠᠳ ᠵᠡᠪᠡ᠄ ︽ᠠᠭᠤᠯᠨᠨ ᠲᠡᠭᠡᠷ᠎ᠡ ᠠᠴᠠ ᠬᠠᠷᠪᠣᠭᠰᠠᠨ ᠬᠦᠮᠦᠨ ᠪᠢ ᠪᠢᠯᠨ᠃ ᠣᠳᠣ ᠬᠠᠭᠠᠨ ᠨᠡᠮ᠎ᠡ ᠶᠢ ᠠᠯᠠᠶ᠎ᠠ ᠭᠡᠪᠡᠯ ᠠᠯᠨ᠃ ᠠᠯᠠᠭᠠᠨ ᠤ ᠲᠡᠳᠣᠢ ᠭᠠᠵᠠᠷ ᠢ ᠠᠯᠠᠭ ᠪᠣᠯᠭᠠᠵᠦ ᠦᠮᠡᠬᠡᠢᠷᠡᠬᠦ ᠠᠯᠳᠠ ᠪᠠᠶ᠎ᠠ ᠪᠠᠢᠮᠣᠢ᠃ ᠠᠪᠣᠷᠠᠶ᠎ᠠ ᠭᠡᠵᠦ ᠰᠠᠨᠠᠭᠠᠳ ᠠᠮᠢ ᠶᠢ ᠮᠢᠨᠢ ᠰᠣᠶᠣᠷᠬᠠᠪᠠᠰᠣ ᠬᠠᠯᠳᠠ ᠭᠡᠰᠡᠨ ᠭᠠᠵᠠᠷ ᠲᠤ ᠴᠢᠨᠢ ᠬᠠᠷᠠᠢᠵᠦ ᠣᠴᠢᠭᠠᠳ ᠪᠢ ᠬᠠᠷ᠎ᠡ ᠣᠰᠣ ᠶᠢ ᠴᠠᠯᠬᠢᠳᠠᠯ᠎ᠡ ᠬᠠᠳᠠ ᠴᠢᠯᠠᠭᠤ ᠶᠢ ᠬᠡᠮᠬᠡᠷᠡᠳᠡᠯ᠎ᠡ ᠬᠠᠷᠢ ᠶᠢᠨ ᠲᠠᠢᠰᠣᠨ ᠢ ᠲᠣᠪᠳᠣᠯᠵᠦ ᠬᠠᠭᠠᠨ ᠴᠢᠮᠡᠳᠣ ᠲᠣᠰᠠᠯᠠᠶ᠎ᠠ ᠁︾ ᠭᠡᠪᠡ᠃ ᠴᠢᠩᠬᠢᠰ ᠬᠠᠭᠠᠨ᠄ ︽ᠲᠠᠢᠰᠦᠨ ᠤ ᠬᠦᠮᠦᠨ ᠲᠠᠢᠰᠣᠩᠨᠠᠵᠦ ᠬᠤᠣᠷᠯᠠᠵᠦ ᠶᠠᠪᠣᠭᠰᠠᠨ ᠢᠶᠠᠨ ᠨᠢᠭᠤᠵᠦ ᠬᠤᠳᠠᠯ ᠬᠡᠯᠡᠳᠡᠭ᠃ ᠭᠡᠳᠡᠯ᠎ᠡ ᠴᠢ ᠲᠠᠢᠰᠦᠩᠨᠠᠵᠦ ᠬᠤᠣᠷᠯᠠᠭᠰᠠᠨ ᠢᠶᠠᠨ ᠨᠢᠭᠤᠬᠤ ᠦᠬᠡᠢ ᠰᠢᠳᠣᠷᠭᠤ ᠬᠡᠯᠡᠵᠦ ᠪᠠᠢᠨ᠎ᠡ᠃ ᠡᠢᠮᠦ ᠬᠦᠮᠦᠨ ᠲᠠᠢ ᠨᠦᠬᠦᠷᠯᠡᠵᠦ ᠪᠣᠯᠣᠨ᠎ᠡ᠃ ᠁ ︿ᠵᠡᠪᠡ﹀ ᠭᠡᠵᠦ ᠨᠡᠷ᠎ᠡ ᠦᠭᠬᠦᠶ᠎ᠡ᠃ ᠮᠢᠨᠣ ᠲᠡᠷᠭᠡᠳᠠ ᠵᠡᠪᠡ ᠮᠡᠳᠣ ᠬᠠᠮᠠᠭᠠᠯᠠᠵᠦ ᠶᠠᠪᠤ︾ ᠭᠡᠵᠦ ᠵᠠᠷᠯᠢᠭ ᠪᠣᠯᠪᠠ ︵ᠴᠡᠩᠳᠣ ᠶᠢᠨ ᠲᠠᠮᠳᠢᠨᠰᠦ᠋ᠷᠦᠩ ᠤᠨ ᠮᠣᠩᠭᠤᠯ ᠤᠨ ᠨᠢᠭᠤᠴᠨ ᠲᠤᠪᠴᠢᠶᠠᠨ᠂ ᠵᠠᠯᠠᠭᠤᠴᠣᠳ ᠪᠠᠭᠠᠴᠣᠳ ᠤᠨ ᠪᠠᠷ︶᠃ ᠬᠤᠵᠢᠮ ᠨᠢ ᠵᠡᠪᠡ ᠰᠦᠪᠡᠭᠡᠳᠠᠢ ᠬᠤᠶᠠᠭᠤᠯᠨ ᠬᠤᠶᠠᠷᠬᠠᠨ ᠲᠦᠮᠡᠨ ᠴᠡᠷᠢᠭ ᠢᠶᠠᠷ ᠠᠽᠢᠶ᠎ᠡ ᠡᠸᠦ᠋ᠷᠦᠫᠡ ᠢ ᠬᠦᠨᠳᠠᠯᠠᠨ ᠲᠣᠭᠤᠯᠵᠦ᠂ ᠦᠪᠡᠷ ᠠᠴᠠ ᠣᠯᠠᠨ ᠲᠠᠬᠢᠨ ᠲᠤᠭ᠎ᠠ ᠪᠦᠬᠦᠢ ᠠᠷᠮᠢ ᠲᠠᠢ ᠣᠷᠣᠰ ᠤᠨ ᠣᠯᠠᠨ ᠬᠦᠡᠭ ᠤᠨ ᠬᠤᠯᠪᠣᠭᠠᠳᠣ ᠴᠡᠷᠢᠭ ᠢ ᠪᠣᠳᠠ ᠴᠣᠬᠢᠵᠤ᠂ ᠴᠡᠷᠢᠭ ᠲᠠᠢᠨ ᠤ ᠲᠡᠣᠬᠡᠨ ᠳᠤ ᠬᠢ ᠭᠠᠢᠬᠠᠮᠰᠢᠭ ᠢ ᠪᠢᠴᠢᠭᠯᠡᠭᠰᠡᠨ ᠪᠢᠯᠡ᠃ ᠲᠡᠷᠨ ᠪᠠᠷ ᠮᠣᠩᠭᠤᠯ ᠤᠨ ᠡᠵᠡᠨᠳᠣ ᠬᠦᠷᠦᠨ ᠤ ᠦᠷᠭᠡᠵᠢᠨ ᠪᠤᠵᠠᠭᠠᠶᠢᠷᠠᠬᠤ ᠳᠤ ᠴᠢᠬᠤᠯᠨ ᠬᠦᠴᠦᠨ ᠵᠢᠳᠬᠦᠯ ᠢ ᠭᠠᠷᠭᠠᠭᠰᠠᠨ ᠶᠤᠮ᠃ᠲᠡᠮᠦᠵᠢᠨ ᠡᠢᠨ ᠬᠦ ᠢᠲᠡᠭᠡᠯ᠂ ᠦᠨᠡᠨᠴᠢ ᠰᠡᠳᠬᠢᠯ ᠤᠨ ᠡᠢᠮᠦ ᠬᠤᠶᠠᠷ ᠡᠷᠳᠡᠨᠢ ᠶᠢ ᠣᠯᠵᠤ ᠲᠡᠳᠡᠨ ᠲᠠᠢ ᠪᠠᠨ ᠬᠠᠮᠲᠤ ᠠᠶᠠᠨ ᠲᠠᠢᠨ ᠤ ᠠᠯᠤᠰ ᠤᠨ ᠵᠠᠮ ᠳᠤ ᠪᠠᠨ ᠨᠡᠩ ᠢᠯᠭᠤᠮ ᠤᠷᠤᠭᠰᠢᠯᠠᠭᠰᠠᠨ ᠪᠠᠢᠳᠠᠭ᠃ ᠭᠡᠬᠦ ᠳᠤ ᠪᠠᠨ ᠴᠢᠩᠭᠢᠰ ᠬᠠᠭᠠᠨ ᠤ ᠡᠴᠢᠭᠡ ᠶᠢᠰᠦᠭᠡᠢ ᠪᠠᠭᠠᠲᠤᠷ ᠤᠨ ᠪᠠᠢᠭᠤᠯᠤᠭᠰᠠᠨ ᠬᠠᠷᠢᠴᠠᠭ᠎ᠠ ᠬᠤᠯᠪᠣᠭ᠎ᠠ ᠨᠢ ᠮᠠᠰᠢ ᠥᠩᠭᠡᠨ ᠲᠠᠯ᠎ᠠ ᠶᠢᠨ᠂ ᠬᠡᠪᠡᠷᠡᠭ ᠪᠥᠭᠡᠳ ᠢᠲᠡᠭᠡᠯ᠂ ᠦᠨᠡᠨᠴᠢ ᠰᠡᠳᠬᠢᠯ ᠤᠨ ᠰᠠᠭᠤᠷᠢᠨ ᠳᠡᠭᠡᠷ᠎ᠡ ᠪᠠᠢᠭᠤᠯᠤᠭᠰᠠᠨ ᠲᠦᠷᠢᠮᠵᠢᠯ ᠬᠠᠮᠢᠶᠠᠷᠤᠯᠲᠠ ᠪᠢᠰᠢ ᠪᠠᠢᠵᠠᠢ ᠭᠡᠰᠡᠨ ᠢ ᠲᠡᠭᠦᠨ ᠤ ᠲᠡᠭᠷᠢ ᠳᠤ ᠬᠠᠯᠢᠭᠰᠠᠨ ᠤ ᠳᠠᠷᠠᠭ᠎ᠠ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠤ᠄ᠴᠡᠭᠡᠯ ᠤᠨ ᠤᠰᠤᠨ ᠰᠢᠷᠭᠢᠪᠡᠴᠡᠭᠡᠨ ᠴᠢᠯᠠᠭᠤ ᠬᠠᠭᠠᠷᠠᠪᠠᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠲᠡᠭᠦᠨ ᠤ ᠬᠠᠷᠢᠶᠠᠯᠠᠯ ᠳᠤ ᠪᠠᠢᠭᠰᠠᠨ ᠡᠯ᠎ᠡ ᠣᠪᠣᠭ ᠠᠢᠮᠠᠭ ᠤᠨ ᠰᠠᠯᠤᠨ ᠶᠠᠪᠤᠭᠰᠠᠨ ᠢᠶᠠᠷ ᠭᠡᠷᠡᠴᠢᠯᠡᠭᠰᠡᠨ ᠪᠠᠢᠳᠠᠭ ᠪᠢᠯᠡ᠃ᠶᠢᠰᠦᠭᠡᠢ ᠪᠠᠭᠠᠲᠤᠷ ᠤᠨ ᠪᠠᠢᠭᠤᠯᠤᠭᠰᠠᠨ ᠬᠡᠯᠬᠢᠶ᠎ᠡ ᠬᠤᠯᠪᠣᠭ᠎ᠠ ᠶᠢᠨ ᠳᠤᠳᠤᠷ᠎ᠠ ᠭᠠᠭᠴᠠ ᠴᠠᠷᠬ᠎ᠠ ᠡᠪᠦᠭᠡᠨ ᠪᠠ ᠲᠡᠭᠦᠨ ᠤ ᠬᠦᠦ ᠮᠡᠩᠯᠢᠭ ᠬᠤᠶᠠᠷ ᠪᠣᠯ ᠨᠢᠯᠬ᠎ᠠ ᠪᠠᠯᠴᠢᠷ ᠲᠡᠮᠦᠵᠢᠨ ᠳᠤ ᠦᠯᠡᠳᠡᠭᠡᠭᠰᠡᠨ ᠡᠴᠢᠭᠡ ᠶᠢᠨ ᠬᠢᠨᠢ ᠬᠤᠪᠢ ᠳᠤ ᠬᠢ ᠦᠨᠡᠨᠴᠢ ᠬᠥᠮᠥᠰ ᠪᠠᠢᠭᠰᠠᠨ᠃ ᠡᠢᠮᠦ ᠠᠴᠠ ᠨᠢᠭᠡᠳᠦᠭᠰᠡᠨ ᠮᠣᠩᠭᠤᠯ ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨ 1206 ᠣᠨ ᠳᠤ ᠲᠦᠮᠡᠨ ᠤ ᠲᠡᠷᠢᠭᠦᠨ ᠳᠤ ᠮᠡᠩᠯᠢᠭ ᠶᠢ ᠨᠢᠭᠡᠳᠦᠭᠡᠷ ᠮᠢᠩᠭᠠᠲᠤ ᠶᠢᠨ ᠨᠣᠶᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠵᠦ ᠠᠯᠢᠪᠠ ᠶᠠᠯ᠎ᠠ ᠠᠴᠠ ᠬᠡᠯᠲᠦᠷᠢᠭᠦᠯᠬᠦ ᠳᠠᠷᠬᠠᠨ ᠴᠣᠯᠠ ᠣᠯᠭᠤᠵᠠᠢ᠃ᠪᠠᠰᠠ ᠨᠢᠭᠡᠨ ᠰᠣᠨᠢᠷᠬᠠᠯᠲᠠᠢ ᠵᠢᠱᠢᠶ᠎ᠡ ᠨᠢ ᠭᠡᠪᠡᠯ ︽ᠫᠯᠡᠨ · ᠺᠠᠷᠫᠢᠨ ᠤ ᠮᠣᠩᠭᠤᠯ ᠳᠤ ᠠᠶᠠᠯᠠᠭᠰᠠᠨ ᠲᠡᠮᠳᠡᠭᠯᠡᠯ︾ ᠳᠠᠬᠢ 1245 ᠣᠨ ᠳᠤ ᠪᠣᠯᠣᠭᠰᠠᠨ ᠰᠡᠷᠠᠢ ᠬᠤᠲᠠ ᠶᠢ ᠬᠠᠮᠠᠭᠠᠯᠠᠬᠤ ᠰᠦᠨᠢ ᠶᠢᠨ ᠬᠠᠷᠠᠭᠤᠯ ᠳᠤ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠨᠢᠭᠡ ᠴᠡᠷᠢᠭ ᠤᠨᠲᠠᠭᠰᠠᠨ ᠢᠶᠠᠨ ᠳᠠᠷᠤᠭ᠎ᠠ ᠳᠠᠭᠠᠨ ᠢᠯᠡᠴᠢᠯᠡᠭᠡᠳ ᠳᠠᠷᠤᠭ᠎ᠠ ᠨᠢ ᠴᠡᠭᠡᠷᠯᠡᠭᠦᠯᠦᠭᠰᠡᠨ ᠶᠠᠪᠤᠳᠠᠯ ᠪᠣᠯᠣᠨ᠎ᠠ᠃ᠡᠭᠦᠨ ᠳᠤ ᠬᠤᠶᠠᠷ ᠵᠦᠢᠯ ᠪᠣᠢ᠃ ᠨᠢᠭᠡ ᠨᠢ ᠬᠡᠨ ᠴᠦ ᠮᠡᠳᠡᠭᠡ ᠦᠭᠡᠢ ᠪᠠᠢᠬᠤ ᠳᠤ ᠥᠪᠡᠷ ᠢ ᠪᠠᠨ ᠢᠯᠡᠴᠢᠯᠡᠭᠰᠡᠨ ᠪᠦᠭᠡᠳ ︽ᠨᠠᠮ᠎ᠠ ᠶᠢ ᠤᠨᠲᠠᠵᠤ ᠪᠠᠢᠬᠤ ᠳᠤ ᠳᠠᠢᠰᠤᠨ ᠣᠷᠣᠵᠤ ᠢᠷᠡᠭᠰᠡᠨ ᠪᠣᠯ ᠶᠠᠭᠠᠬᠢᠬᠤ ᠪᠣᠢ︖︾ ᠭᠡᠵᠡᠢ᠃ ᠲᠡᠷᠡ ᠪᠠᠷ ︽ᠡᠩᠬᠡ ᠶᠢᠨ ᠴᠠᠭ ᠲᠤ ᠭᠠᠷᠭᠠᠭᠰᠠᠨ ᠨᠢᠭᠡ ᠳᠤᠰᠤᠯ ᠬᠦᠯᠦᠰᠦ ᠳᠠᠢᠨ ᠤ ᠦᠶ᠎ᠡ ᠳᠤ ᠨᠢᠭᠡ ᠳᠤᠰᠤᠯ ᠴᠢᠰᠤ︾ ᠭᠡᠳᠡᠭ ᠳᠠᠢᠨ ᠤ ᠮᠥᠨ ᠴᠢᠨᠠᠷ ᠢ ᠮᠢᠬ᠎ᠠ ᠴᠢᠰᠤᠨ ᠳᠠᠭᠠᠨ ᠰᠢᠩᠭᠡᠲᠡᠯ᠎ᠡ ᠣᠶᠢᠯᠠᠭᠠᠵᠠᠢ᠃ ᠨᠥᠭᠦᠭᠡ ᠨᠢ ᠲᠡᠷᠡ ᠦᠨᠡᠨᠴᠢ ᠰᠢᠳᠤᠷᠭᠤ ᠴᠡᠷᠢᠭ ᠢ ᠳᠠᠷᠤᠭ᠎ᠠ ᠨᠢ ᠠᠭᠤᠴᠢᠯᠠᠭᠰᠠᠨ ᠦᠭᠡᠢ᠂ ᠶᠠᠮᠠᠷ ᠴᠦ ᠥᠴᠢᠭ ᠦᠭᠡᠢ ᠪᠠᠷ ᠴᠠᠭᠠᠵᠠᠯᠠᠭᠰᠠᠨ ᠶᠠᠪᠤᠳᠠᠯ ᠶᠤᠮ᠃ ᠡᠨᠡ ᠪᠣᠯ ᠴᠡᠪᠡᠷ ᠢᠲᠡᠭᠡᠯ᠂ ᠪᠡᠶ᠎ᠡ ᠪᠡᠶ᠎ᠡ ᠳᠡᠭᠡᠨ ᠪᠣᠯᠣᠨ ᠥᠪᠡᠷ ᠲᠡᠭᠡᠨ ᠢᠲᠡᠭᠡᠬᠦ ᠶᠠᠪᠤᠳᠠᠯ ᠢ ᠠᠮᠢ ᠨᠠᠰᠤᠨ ᠠᠴᠠ ᠪᠠᠨ ᠴᠦ ᠢᠯᠡᠭᠦᠦ ᠳᠤ ᠦᠵᠡᠳᠡᠭ ᠨᠡᠢᠭᠡᠮ ᠤᠨ ᠪᠠᠢᠳᠠᠯ᠃ ᠡᠨᠡ ᠴᠡᠷᠢᠭ ᠤᠨ ᠵᠢᠱᠢᠶ᠎ᠡ ᠪᠠᠷ ᠠᠮᠠᠯᠠᠭᠰᠠᠨ ᠠᠮᠠᠯᠠᠯᠲᠠ ᠳᠠᠭᠠᠨ ᠦᠨᠡᠨᠴᠢ ᠪᠠᠢᠬᠤ ᠨᠢ ᠨᠡᠢᠭᠡᠮ ᠤᠨ ᠬᠠᠷᠢᠯᠴᠠᠭᠠᠨ ᠤ ᠦᠨᠳᠦᠰᠦ ᠪᠣᠯᠵᠤ ᠪᠠᠢᠨ᠎ᠠ ᠭᠡᠰᠡᠨ ᠢ ᠬᠠᠷᠠᠭᠤᠯᠵᠠᠢ᠃ ᠮᠣᠩᠭᠤᠯ ᠴᠡᠷᠢᠭ ᠤᠨ ᠬᠦᠴᠦᠷᠬᠡᠭ ᠪᠠᠢᠳᠠᠭ ᠤᠨ ᠵᠢᠩᠬᠢᠨᠢ ᠨᠢᠭᠤᠴᠠ ᠨᠢ ᠡᠭᠦᠨ ᠳᠤ ᠪᠠᠢᠭᠰᠠᠨ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠨ᠎ᠠ᠃ᠲᠡᠷᠡ ᠦᠶ᠎ᠡ ᠳᠤ ᠬᠢᠪᠴᠠᠭ ᠤᠨ ᠬᠠᠭᠠᠨᠲᠤ ᠤᠯᠤᠰ ᠲᠤ ᠪᠠᠢᠭᠰᠠᠨ ᠮᠣᠩᠭᠤᠯ ᠬᠥᠮᠥᠨ ᠤ ᠲᠤᠭ᠎ᠠ ᠪᠦᠭᠦᠳᠡ ᠰᠠᠶ᠋ᠢ ᠳᠥᠷᠪᠡᠨ ᠲᠦᠮᠡ ᠲᠡᠳᠦᠢ ᠯᠡ᠂ ᠲᠡᠳᠡᠨ ᠳᠤ ᠡᠵᠡᠯᠡᠭᠳᠡᠭᠰᠡᠨ ᠡᠸᠦ᠋ᠷᠦᠫᠡᠴᠦᠳ ᠬᠤᠶᠠᠷ ᠵᠠᠭᠤ ᠲᠠᠪᠢᠨ ᠲᠦᠮᠡᠨ ᠬᠥᠮᠥᠨ ᠲᠠᠢ ᠪᠠᠢᠭᠰᠠᠨ ᠨᠢ ᠰᠡᠳᠬᠢᠭᠦᠰᠢᠲᠡᠢ ᠤᠴᠢᠷ ᠪᠢᠯᠡ᠃ ᠮᠣᠩᠭᠤᠯᠴᠤᠳ ᠴᠡᠷᠢᠭ ᠤᠳ ᠤᠨ ᠢᠶᠠᠨ ᠬᠤᠭᠤᠷᠣᠨᠳᠤ ᠶᠢᠨ ᠲᠣᠭᠲᠠᠭᠰᠠᠨ ᠢᠲᠡᠭᠡᠯ᠂ ᠦᠨᠡᠨᠴᠢ ᠰᠡᠳᠬᠢᠯ ᠤᠨ ᠬᠦᠴᠦ ᠪᠠᠷ ᠢᠯᠠᠯᠲᠠ ᠪᠠᠢᠭᠤᠯᠵᠤ ᠠᠮᠵᠢᠯᠲᠠ ᠳᠤ ᠬᠦᠷᠦᠭᠰᠡᠨ ᠪᠠᠢᠳᠠᠭ᠃ ᠡᠭᠦᠨ ᠢᠶᠠᠷ ᠴᠦ ᠦᠯᠦ ᠪᠠᠷᠠᠨ ᠮᠣᠩᠭᠤᠯ ᠬᠥᠮᠥᠨ ᠨᠢᠭᠡ ᠪᠦᠷᠢ ᠴᠢᠩᠭᠢᠰ ᠬᠠᠭᠠᠨ ᠳᠤ ᠦᠨᠡᠨᠴᠢ ᠪᠠᠢᠭᠰᠠᠨ ᠪᠦᠭᠡᠳ ᠴᠢᠩᠭᠢᠰ ᠬᠠᠭᠠᠨ ᠴᠦ ᠲᠡᠳᠡᠨ ᠳᠤ ᠢᠲᠡᠭᠡᠯ ᠲᠠᠢ ᠶᠠᠪᠤᠭᠰᠠᠨ ᠢᠶᠠᠷ ᠰᠠᠶ᠋ᠢ ᠡᠢᠮᠦ ᠭᠠᠢᠬᠠᠮᠰᠢᠭ ᠲᠤ ᠬᠦᠷᠦᠭᠰᠡᠨ ᠶᠤᠮ᠃ᠪᠢᠲᠡ ᠲᠤᠰ ᠪᠦᠯᠦᠭ ᠠᠴᠠ ᠢᠳᠡᠭᠡᠯ ᠨᠠᠢᠳᠠᠪᠤᠷᠢ ᠶᠢᠨ ᠴᠢᠬᠤᠯᠠ ᠴᠢᠨᠠᠷ ᠢ ᠪᠢᠳᠡᠨ ᠤ ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠦᠶ᠎ᠡ ᠠᠴᠠ ᠰᠤᠷᠭᠠᠨ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠢ ᠮᠡᠳᠡᠵᠦ ᠲᠡᠢᠯᠬᠦ ᠪᠦᠭᠡᠳ ᠠᠮᠢᠳᠤᠷᠠᠯ ᠤᠨ ᠤᠷᠲᠤ ᠠᠶᠠᠨ ᠳᠤ ᠢᠳᠡᠭᠡᠯ ᠪᠤᠯᠤᠨ ᠦᠨᠡᠨᠴᠢ ᠬᠤᠶᠠᠷ ᠨᠢ ᠡᠭᠦᠷᠢᠲᠡ ᠶᠢᠨ ᠢᠯᠠᠭᠴᠢ ᠭᠡᠳᠡᠭ ᠢ ᠮᠡᠳᠡᠷᠡᠭᠦ ᠬᠡᠷᠡᠭᠲᠡᠢ ᠪᠠᠢᠨ᠎ᠠ᠃ ᠢᠳᠡᠭᠡᠯ ᠢ ᠤᠯᠬᠤ ᠳᠤ ᠦᠨᠡᠨᠴᠢ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠦᠨᠡᠨᠴᠢ ᠶᠠᠪᠤᠪᠠᠯ ᠪᠤᠰᠤᠳ ᠲᠤ ᠢᠳᠡᠭᠡᠯ ᠲᠠᠢ ᠪᠤᠯᠤᠨ᠎ᠠ᠃ ᠮᠦᠨ ᠴᠦ ᠡᠨᠡᠬᠦ ᠬᠤᠶᠠᠷ ᠡᠷᠬᠢᠮ ᠴᠢᠨᠠᠷ ᠨᠢ ᠴᠢᠨᠤ ᠠᠮᠢᠳᠤᠷᠠᠯ᠂ ᠢᠷᠡᠭᠡᠲᠦᠢ ᠶᠢᠨ ᠵᠠᠮ ᠢ ᠴᠢᠨᠢ ᠨᠠᠷᠠᠨ ᠮᠡᠲᠦ ᠭᠡᠷᠡᠯᠳᠦᠭᠦᠯᠬᠦ ᠪᠤᠯᠤᠨ᠎ᠠ ᠭᠡᠳᠡᠭ ᠭ᠊ ᠢᠳᠡᠭᠡᠷᠡᠢ᠂ ᠬᠦᠮᠦᠰ ᠡ︕