ᠬᠠᠷᠷᠢ ᠫᠣᠲ᠋ᠧᠷ 6 （ᠺᠢᠷᠢᠯ）

1 2 Харри Поттер ба Эрлийз Хунтайж Зохиолч: J. K. Rowling http://www.jkrowling.com/ Орчуулагч: Asuult Forum-ийн гишүүн CROFT http://forum.asuultserver.com Эмхэтгэл, хөрвүүлэлт: Б.Болдхүү Имэйл: bxbenny@gmail.com Блог: http://www.boldkhuu.com Facebook: http://facebook.com/bxbenny Twitter: http://twitter.com/bxbenny Эхийг Asuult Forum-аас авав. 3 ГАРЧИГ БҮЛЭГ 1: ӨӨР САЙД ........................................................................................................................... 4 БҮЛЭГ 2: ЭЭРҮҮЛИЙН МУХАР ГУДАМЖ ......................................................................................... 15 БҮЛЭГ 3: БОЛНО БОЛОХГҮЙ ........................................................................................................... 27 БҮЛЭГ 4: ГОРАЦИЙ СЛИЗНОРТ ....................................................................................................... 38 БҮЛЭГ 5: ХЭТЭРХИЙ ОЛОН ФЛЕГМИ .............................................................................................. 53 БҮЛЭГ 6: МАЛФОЙН ТОЙРУУ ЗАМ ................................................................................................. 69 БҮЛЭГ 7: СЛИЗНЕЙН КЛУБ .............................................................................................................. 84 БҮЛЭГ 8: СНЕГГ ХӨӨРӨН БАЯРЛАВ .............................................................................................. 101 БҮЛЭГ 9: ЭРЛИЙЗ ХУНТАЙЖ ......................................................................................................... 111 БҮЛЭГ 10: МРАКСЫН ГЭР БҮЛ ...................................................................................................... 126 БҮЛЭГ 11: ГЕРМИОНА ТУСЛАМЖЫН ГАРАА СУНГАВ .................................................................. 141 БҮЛЭГ 12: МӨНГӨ БА БАДМААРАГ .............................................................................................. 154 БҮЛЭГ 13: РЕДДЛИЙН НУУЦ ......................................................................................................... 168 БҮЛЭГ 14: ФЕЛИКС ФЕЛИЦИС ....................................................................................................... 182 БҮЛЭГ 15: ҮЛ ЭВДЭГДЭХ АМЛАЛТ ................................................................................................ 198 БҮЛЭГ 16: МАШ ХҮЙТЭН ЗУЛ САР ................................................................................................ 213 БҮЛЭГ 17: СУЛХАН ДУРСАМЖ ...................................................................................................... 229 БҮЛЭГ 18: ТӨРСӨН ӨДРИЙН ГЭНЭТИЙН БЭЛЭГ .......................................................................... 245 БҮЛЭГ 19: ЭЛЬФ МӨРДӨГЧИД ...................................................................................................... 261 БҮЛЭГ 20: ЛОРД ВОЛАН-ДЕ-МОРТЫН ХҮСЭЛТ ............................................................................ 276 БҮЛЭГ 21: ТАЙЛАГДАШГҮЙ ӨРӨӨ ................................................................................................ 291 БҮЛЭГ 22: ОРШУУЛГЫН ДАРАА .................................................................................................... 305 БҮЛЭГ 23: КРЕСТРАЖУУД .............................................................................................................. 320 БҮЛЭГ 24: СЕКТУСЕМПРА .............................................................................................................. 333 БҮЛЭГ 25: ҮЗМЭРЧИЙГ СОНССОН НЬ ........................................................................................... 346 БҮЛЭГ 26: АГУЙ .............................................................................................................................. 360 БҮЛЭГ 27: АЯНГАТ ЦАМХАГ .......................................................................................................... 375 БҮЛЭГ 28: ЭРЛИЙЗ ХУНТАЙЖ ЗУГТСАН НЬ .................................................................................. 386 БҮЛЭГ 29: ГАЛТ ШУВУУНЫ НУЛИМС ............................................................................................ 394 БҮЛЭГ 30: ЦАГААН БУНХАН .......................................................................................................... 408 4 БҮЛЭГ 1: ӨӨР САЙД Ойролцоогоор шөнө дунд болж байлаа. Ерөнхий сайд өрөөндөө ганцаар суугаад урт нот бичиг уншиж байв. Мөрүүд нүдний өмнүүр жирэлзэх хэдий ч толгойд ер төвлөрсөнгүй. Ерөнхий сайд эх орны нөгөө өнцгөөс утасдах ерөнхийлөгчийн утасдахыг хүлээх зуураа хэзээ ярих талаар нь бодтол ер бусын хүнд хэцүү урт долоо хоногийн таагүй дурсамж зурсхийж толгойд нь өөр бодол багтах зай үлдсэнгүй. Тэр хуудсан дээр төвлөрөхийг хичээсэн ч улс төрийн өрсөлдөгчийнх нь царай урдаас нь тавлангуй ширтэж байв. Өнөөдөр өрсөлдөгчийнх нь тоочсон эдгээр зүйлс сүүлийн долоо хоногт болсон аймшигт зүйлсийн жагсаалтыг тус бүрд нь засгийн газар буруутайгаар тайлбарласан байлаа. Ерөнхий сайд шударга бус буруутгалыг уншаад судасны цохилт нь түргэсэв. Ертөнц дээрх ямар засгийн газар гүүрний нуралтыг зогсоож чадах юм бэ︖ Ямар зэвүү хүрэм амьтан гүүрний талаар дурьдах өөдгүй арга бодож олдог байна. Гүүрний барилга арваас доошгүй жил болсон ч хамгийн шилдэг мэргэжилтэнгүүд яагаад гэнэт дундуураа хоёр хэсэг болон хуваагдаж арван хоёр машин голын ёроол руу илгээсний учрыг тайлбарлаж чадахгүй байлаа. Тэгтэл бас цагдаагийнхан илрүүлж чадахгүй байгаа хоёр онц хэрцгий аллагын тухай мэдээлэл тарсныг хэлэх үү. Ямар засгийн газар эх орны баруун өмнө зүгт гэнэтийн хүчтэй хар шуурга дэгдэж ихээхэн хэмжээний хор хохирол учруулана гэдгийг урьдаас мэдэх юм бэ︖ Бас түүний орлогч сайд Гэрберт Чорли энэ долоо хоногт биеэ хачин жигтэй авч явсан учраас ихэнхи цагаа гэр бүлийнхэнтэйгээ өнгөрүүлж байгаа нь түүний буруу хэрэг үү︖ «︔ Эх орныг уйтгар гуниг нөмрөн аваад байна»︔ гэж өрсөлдөгч нь яриагаа төгсгөхдөө сэтгэл хангалуун инээмсэглэлээ бараг нуусангүй. Золгүй нь гэвэл тэр цэвэр үнэнийг хэлжээ. Ерөнхий сайд үүнийг мэдэрч байлаа. Хүмүүс дасал болоогүй өөдгүй зүйлс хийдэг болж. Тэр ч байтугай цаг агаар хүртэл бараан дүнсгэр болж чийглэг хүйтэн манан долоон сарын дундуур суунаглав ... энэ бол буруу, хэвийн биш. Тэр хоёр дахь хуудсыг эргүүлээд базаахгүй ажлынх нь талаар хэр их үлдсэнийг харах найдлагагүй оролдлого хийв. Толгойгоороо гараа бариад өрөөгөө гунигтай харлаа. Энэ нь сайхан гантиг ханан зуух бүхий сүрлэг өрөө байсан бөгөөд өндөр хүрээтэй цонх нь улирлын бус жихүүнд хаалттай байх аж. Ерөнхий сайд үл ялиг чичирснээ босож цонх руу очоод шилний цаана суунаглах манан руу харлаа. Тэгтэл түүний ард хэн нэгэн аяархан ханиалгах сонсогдов. Ерөнхий сайд хөшөөд өөрийнхөө айсан тусгалыг харанхуй шилэнд харлаа. Чимээ түүнд танил байв. Тэр урьд нь энэ ханиадыг сонсож байсан билээ. Тэр хоосон өрөө рүүгээ алгуурхан эргэж хараад, - Юу болоо вэ︖ гэж аль болох хатуу дуугарахыг хичээв. Хэдхэн хормын турш түүнд хэн ч хариулахгүй байх гэсэн бүтэшгүй найдлага төрөв. Тэгтэл урьдаас бэлтгэсэн мэдээлэл уншиж буй мэт шийдэмгий ажил хэрэгч хоолой Х ар р и П от т е р VI - Э р л и й з Х ун т ай ж Э м хэ т г э с э н: www.boldkhuu.com 5 сонсогдлоо. Энэ хоолой ерөнхий сайдын хүлээж байсанчлан мэлхийтэй төстэй мөнгөлөг урт хиймэл үс бүхий жижигхэн хүнийг дүрсэлсэн өрөөний булан дахь тосон зурагнаас гарч байв. - Маглуудын ерөнхий сайдад. Даруйхан уулзах хэрэгтэй байна. Яаралтай хариу өгнө үү. Таныг хүндэтгэсэн, Фаж гээд зурган дээр байсан хүн ерөнхий сайд руу асуунгуй харлаа. - Э-э ... сонсооч одоо тохиромжтой цаг биш байна ... намайг утасны дуудлага хүлээж байгааг харж байгаа биз дээ ... ерөнхийлөгчөөс ... - Утасны дуудлагыг хүлээж болно гэж хөрөг даруй хэлэв. Ерөнхий сайдын зүрх палхийлээ. Тэр үүнээс л айж байсан юм. - Гэхдээ би үнэхээр ярина гэж найдаж байгаа юмсан ... - Бид ерөнхийлөгчийг утасдахаа мартахаар зохион байгуулъя. Тэр тань руу маргааш орой утасдана. Ноён Фажын хүсэлтэнд даруйхан хариулахыг хүсье. - Би ... өө ... маш сайн байна. Тиймээ, би Фажтай уулзахыг зөвшөөрч байна гэж сайд сулхан хоолойгоор хэлэв. Тэр яаран ширээ рүүгээ очих замдаа зангиагаа заслаа. Түүнийг дөнгөж суудалдаа суугаад царайгаа аль болох төлөв түвшин болгохтой зэрэг гантиг гадартай хоосон ханан зууханд ногоон дөл дүрсхийж махлаг хүн гарч ирэхэд өчүүхэн ч гайхаж түгшсэн төрх гаргахгүйг хичээлээ. Хормын дараа тэр сахлаг зузаан хивсэн дээр буугаад урт судалтай жанчныхаа ханцуйгаар үнсээ гөвж, гартаа ногоон өнгийн бүрх малгай барьсан байлаа. - Аан ... ерөнхий сайд. Таньтай ахин уулзсандаа баяртай байна гээд Корнелиус Фаж гараа сунгав. Ерөнхий сайд хариу мэндчилж чадсангүй тул дуугүй байлаа. Тэр ховорхон уулздаг ч гэлээ Фажыг харахдаа баяртай бус байдаг нь үргэлж таагүй мэдээ сонсгодогт байж болох юм. Энэ удаад Фаж ихээхэн зовж зүдэрсэн төрхтэй харагдав. Тэр суугаад үрчийн харлаа. Ерөнхий сайд урьд нь энэ төрхийг харж байсан болохоор ердийнхөөрөө сайн зүйл болохгүйг мэдэв. - Юугаар туслах вэ︖ гээд Фажын сунгасан гарыг бариад бичгийн ширээний дэргэдэх сандалд суухыг зангав. - Юунаас эхлэхээ мэдэхгүй байна гэж Фаж бувтнаад сандал дөхүүлэн суунгаа өвдөг дээрээ ногоон бүрхээ тавилаа. Энэ долоо хоногт ... энэ долоо хоногт ... - Таньд ч гэсэн хүнд долоо хоног байсан хэрэг үү︖ гэж ерөнхий сайд хөндий асуугаад энэ нь түүнийг хангалттай ажилтай гэдгийг ойлгуулна байх гэж найдав. - Тиймээ, тэгэлгүй яахав гээд Фаж ядрангуй нүдээ нухлан баргар харав. - Надад ч гэсэн таны адил долоо байлаа, ерөнхий сайдаа. Брокдейлийн гүүр ... Боунс, Вэнс хоёрын аллага ... баруун өмнө зүгт гарсан дуулиан гээд л ... Х ар р и П от т е р VI - Э р л и й з Х ун т ай ж Э м хэ т г э с э н: www.boldkhuu.com 6 - Та ... э-э ... таны ... таны хүмүүс бас үүнд оролцсон хэрэг үү ... энэ үйл явдалд︖ Фаж түүн рүү ширүүн харав. - Мэдээж тэд байсан. Гэхдээ та юу болсныг ойлгож байна уу︖ - Би ... гэж ерөнхий сайд түгдэрлээ. Тэр Фажын ирэлтэнд дургүй байсан юм. Ямар гэсэн ерөнхий сайдад хичээлээ давтаагүй сурагч адил таагүй мэдрэмж төрөв. Тэдний хамгийн анхны уулзалт ерөнхий сайд болсон үдэш болсон билээ. Тэр үед юу болсныг санатал дурсамж нь алслан холдов. Тэр тэгэхэд өрөөндөө ганцаар олон жилийн дараа мөрөөдөж байсан зүйлдээ хүрсэн ялалтын цэнгэл амсан сууж байтал гэнэтхэн нурууны ард өнөөдрийнх шиг аяархан ханиалт сонсогджээ. Түүнийг эргэж харахад ёозгүй хүний хөрөг ярьж сайд танилцах хүсэлтэй байгааг дуулгажээ. Тэр үүнийг урт удаан сонгуулийн компанит ажилд биеэ хэт дайчилсны улмаас галзуурч байна гэж бодлоо. Хэдийгээр түүнийг ярьдаг хөрөг ихэд айлгасан ч гэлээ ханан зуухнаас шидтэн үсрэн гарч ирээд гар барьсантай харьцуулахын аргагүй байлаа. Ерөнхий сайд нэг ч үг хэлээгүй ч Фаж дуртайгаар энэ дэлхий дээр шидтэнгүүд нууцаар амьдардаг бөгөөд түүнд санаа зовох хэрэггүй, ид шидийн яам бүхий л шидэт ертөнцийн оршин байгааг мэдэгдэхгүйн тулд хариуцлагатайгаар хатуу мөрдөн сахиж байдаг гэж тайлбарлажээ. Фаж бас шүүрэн дээрх нислэгийг хянах болон луунуудыг хяналтанд байлгах ︵ерөнхий сайд үүнийг сонсоод ширээнээсээ золтой л уначихсангүй︶ зэрэг олон янзын асуудлыг багтаасан хүнд ажил гэдгийг тайлбарласан байна. Тэрбээр эцэст нь мэлэрсэн ерөнхий сайдын мөрөн дээр зөөлөн алгадав. - Юунд ч түгших хэрэггүй дээ. Хачирхалтай нь гэвэл та намайг ахиж хэзээ ч харахгүй байх. Би зөвхөн манай оронд маглуудын ... шидгүй хүмүүсийн амьдралд нөлөөлж болохоор ноцтой зүйл болсон тохиолдолд анхааруулж байх болно. Үлдсэн цагт бид зарчмын хувьд өөр өөрсдийнхөөрөө амьдрах юм. Та намайг өмнөх ерөнхий сайдаасаа дээр угтсан гэдгийг хэлэх ёстой. Тэр намайг наргисан гэж бодоод цонхоор гарган хаяхыг оролдсон л доо. Тэр агшинд ерөнхий сайд сэхээ оров. - Тэгэхээр та наргисан биш байх нь ээ ...︖ Энэ түүний сүүлчийн цөхөрсөн найдлага байлаа. - Үгүй. Харамсалтай нь үгүй гэж айж байна. Үүнийг хар даа. Тэрбээр ерөнхий сайдын цайны аягыг алаг даага болон хувиргав. - Гэхдээ яагаад ... яагаад хэн ч надад хэлээгүй юм гэж ерөнхий сайд алаг даага баримтынх нь үзүүрээс мэрэхийг хараад хэллээ. - Ид шидийн яам зөвхөн маглуудын ерөнхий сайдтай харьцдаг юм. Бид ингэсэн нь нууцыг хадгалах найдвартай арга гэж үзсэн гээд Фаж шидэт саваагаа хүрэмнийхээ дотор руу шургуулав. Х ар р и П от т е р VI - Э р л и й з Х ун т ай ж Э м хэ т г э с э н: www.boldkhuu.com 7 - Тэгвэл яагаад эхний ерөнхий сайд надад анхааруулаагүй юм ... гэж ерөнхий сайд өрөвдөлтэй дуугарав. Фаж энэ үгэнд хөхөрлөө. - Хүндэт ерөнхий сайд минь, та өөрөө хэн нэг хүнд энэ тухай ярих байсан уу︖ Фаж үргэлжлүүлэн инээсээр ханан зууханд нэгэн төрлийн чимх дарь хийж маргад ногоон дөл рүү алхан ороод исгэрэх чимээ гарган алга болов. Ерөнхий сайд зогссон хэвээр үлдээд хэнд ч энэ тухай хэлэхгүй байхаар шийдлээ. Учир нь хэн түүнд итгэх юм бэ︖ Цочирдол түүнээс удтал арилсангүй. Тэр эхэндээ Фаж үнэн хэрэгтээ хий юм харагдсан хэрэг гэж өөрийгөө ятгахыг оролдсон бөгөөд сонгуулийн компанит ажлын ядаргаа гэж үзжээ. Тэгээд хий хоосон зүйлээс ангижрахын тулд таагүй уулзалтыг санагдуулж болох алаг даагыг ач охиндоо бэлэглээд дараа нь хувийн нарийн бичигтээ Фажын ирэхийг мэдээлсэн ёозгүй хүний хөргийг зайлуулахыг үүрэгдлээ. Гэвч түүний эмээсэн ёсоор хөргийг зайлуулах боломжгүй байв. Түүнийг хананаас авахын тулд ээлж дараалан мужааны бүхэл бүтэн баг, барилгын хэдэн ажилтан, уран зургийн түүхч оролдоод амжилт олсонгүй. Эцэст нь ерөнхий сайд цөхрөн гараа зангаад түүнийг хөдөлгөөнгүй чимээгүй байгаасай гэж найдав. Заримдаа түүнийг нүдний булангаар харах үед зурагны эзэн эвшээх юмуу хамраа маажиж нэг хоёр удаа бүр зурагнаасаа яваад бохир хүрэн хоосон зотон үлдээсэн байх нь үзэгджээ. Гэвч ерөнхий сайд зураг руу харахгүйг хичээн энэ бол нүд хуурсан үзэгдэл гэж өөртөө хэлж билээ. Гурван жилийн өмнө энэ үдэштэй жигтэйхэн адил нэг орой ерөнхий сайд өрөөндөө ганцаар сууж байтал хөрөг ахин Фажын ирж айсуйг мэдэгдсэн бөгөөд ханан зуухнаас норж сандралд автсан байртай үсрэн гарчээ. Ерөнхий сайд түүний яагаад хивсэн дээр ус дуслуулж буйн учрыг асуух гэсэн ч Фаж түүний амьдралдаа хэзээ ч сонсоогүй Серый Ус Блэк гэдэг хүн шоронгоос оргосон тухай зэвүүцэнгүй ярьж, ямар нэг «︔ Хогвартс»︔ гэсэнтэй ойролцоо үг болон Харри нэртэй хүүгийн тухай ярьжээ. - Би сая Азкабанаас ирлээ гэж Фаж амьсгаадан хэлээд шалан дээр бүрх малгайныхаа усыг сэгсэрлээ. - Энэ хойд зүгийн тэнгисийн дунд оршдог болохоор нисэхэд таагүй юм ... Дементорууд санаа зовж байна. Тэднээс хэн ч урьд нь зугтаж байгаагүй юм. Би ямар ч гэсэн таньтай уулзахаар ирлээ ерөнхий сайдаа. Блэк урьд нь маглуудыг алж байсан болохоор Хэцүү нэрттэй ахин нэгдэхийг төлөвлөж байгаа ... Ингэхэд та чинь Хэцүү нэртийг мэдэхгүй билүү︕ гээд түүн рүү найдлагагүй ширтсэнээ, - За яахав, суу