《ᠨᠥᠬᠦᠳ ᠤᠨ ᠬᠠᠢᠷ᠎ᠠ》 - ᠠᠷᠲᠠᠢ

ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ ᠠᠷᠲᠠᠢ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ — ᠬᠢᠵᠠᠭᠠᠷ ᠦᠭᠡᠢ ᠭᠦᠨ ᠴᠡᠩᠬᠡᠷ ᠣᠭᠲᠠᠷᠭᠤᠢ᠂ ᠭᠡᠷᠡᠯ ᠲᠤᠨᠤᠭᠰᠠᠨ ᠡᠷᠡᠭᠦᠯ ᠠᠭᠠᠷ᠃ ᠪᠢ ᠳᠠᠯᠠᠪᠴᠢ ᠪᠠᠨ ᠳᠡᠪᠢᠵᠦ᠂ ᠲᠡᠭᠦᠨ ᠤ ᠳᠤᠮᠳᠠᠭᠤᠷ ᠵᠢᠷᠭᠢᠵᠦ ᠶᠠᠪᠤᠯ᠎ᠠ᠃ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ — ᠰᠡᠭᠦᠳᠡᠷ ᠬᠦᠷᠲᠡᠯ᠎ᠡ ᠬᠤᠷᠰᠢᠮᠠᠷ ᠤᠰᠤ ᠦᠭᠡᠢ ᠴᠥᠯ ᠤᠨ ᠴᠠᠭᠠᠨ᠎ᠠ ᠮᠡᠯᠲᠡᠯᠵᠡᠬᠦ ᠷᠠᠰᠢᠶᠠᠨ ᠪᠣᠯᠣᠷ ᠨᠠᠭᠤᠷ᠃ ᠪᠢ ᠲᠡᠭᠦᠨ ᠤ ᠵᠦᠭ ᠠᠮᠢ ᠲᠠᠯᠪᠢᠨ ᠭᠦᠶᠦᠵᠦ ᠶᠠᠪᠤᠯ᠎ᠠ᠃ ᠪᠢ ᠬᠦᠮᠦᠨ ᠪᠣᠯᠵᠤ ᠲᠥᠷᠥᠭᠡᠳ᠂ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ ᠪᠠᠷ ᠪᠢ ᠬᠦᠮᠦᠨ ᠪᠣᠯᠵᠤ ᠶᠠᠪᠤᠯ᠎ᠠ᠃ ᠮᠢᠨᠦ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ᠂ ᠮᠢᠨᠦ ᠰᠡᠳᠬᠢᠯ ᠤᠨ ᠲᠠᠶᠠᠭ᠂ ᠮᠢᠨᠦ ᠵᠢᠷᠭᠠᠯ ᠤᠨ ᠬᠤᠶᠠᠭ᠂ ᠮᠢᠨᠦ ᠢᠷᠡᠭᠡᠳᠦᠢ ᠶᠢᠨ ᠬᠠᠶ᠋ᠢᠭ ᠪᠠᠶᠢᠯ᠎ᠠ᠃ ᠰᠠᠶᠢᠨ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ ᠪᠠᠶᠢᠭᠰᠠᠨ ᠠᠴᠠ ᠰᠠᠶᠢᠬᠠᠨ ᠪᠣᠯᠤᠭᠰᠠᠨ ᠳᠡᠯᠡᠬᠡᠢ ᠪᠠᠶᠢᠵᠠᠢ᠃ ᠰᠠᠶᠢᠨ ᠨᠥᠬᠦᠳ ᠤᠨ ᠨᠠᠶᠢᠷ ᠪᠠᠶᠢᠭᠰᠠᠨ ᠠᠴᠠ ᠰᠠᠶᠢᠬᠠᠨ ᠳᠡᠯᠡᠬᠡᠢ ᠬᠠᠶᠢᠷ᠎ᠠ ᠪᠣᠯᠵᠠᠢ᠃ ᠦᠬᠦᠯ ᠠᠶᠤᠮᠠᠷ ᠪᠢᠰᠢ ᠦᠨᠡᠭᠡᠨ ᠱᠣᠯᠤᠮ ᠴᠦ ᠠᠶᠤᠮᠠᠷ ᠪᠢᠰᠢ ᠭᠠᠯ ᠢᠶᠠᠷ ᠰᠢᠷᠠᠬᠤ ᠴᠦ ᠠᠶᠤᠮᠠᠷ ᠪᠢᠰᠢ ᠡ ᠭᠠᠭᠴᠠᠭᠠᠷᠳᠠᠬᠤ ᠯᠡ ᠠᠶᠤᠮᠠᠷ ᠶᠤᠮ ᠰᠢᠦ︕ ᠬᠦᠮᠦᠨ ᠤ ᠣᠷᠴᠢᠯᠠᠩ ᠳᠤ ᠬᠥᠯ ᠲᠠᠢ ᠪᠠᠶᠢᠭᠠᠳ ᠬᠢᠰᠭᠢᠬᠦ ᠭᠠᠵᠠᠷ ᠦᠭᠡᠢ ᠬᠦᠮᠦᠨ ᠪᠣᠯ ᠨᠥᠬᠦᠷ ᠦᠭᠡᠢ ᠬᠦᠮᠦᠨ᠂ ᠨᠥᠬᠦᠳ ᠦᠭᠡᠢ ᠬᠦᠮᠦᠨ ᠨᠥᠬᠦᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ ᠨᠣᠣᠷᠬᠠᠢ ᠰᠡᠳᠬᠢᠯ ᠲᠠᠢ ᠬᠦᠮᠦᠨ᠃ ᠪᠢ ᠤᠬᠠᠭᠠᠨ ᠦᠭᠡᠢ ᠶᠠᠪᠤᠭᠰᠠᠨ᠃ ᠪᠢ ᠨᠥᠬᠦᠳ ᠢᠶᠠᠨ ᠭᠤᠮᠤᠳᠠᠭᠠᠪᠠᠯ ᠭᠤᠮᠤᠳᠠᠭᠠᠮᠠᠷ ᠶᠠᠪᠤᠭᠰᠠᠨ᠃ ᠲᠡᠭᠡᠬᠦ ᠳᠤ ᠮᠢᠨᠦ ᠨᠥᠬᠦᠳ ᠭᠤᠮᠤᠳᠠᠭ᠎ᠠ ᠦᠭᠡᠢ ᠲᠡᠨᠢᠭᠡᠷ ᠳᠠᠯᠠᠢ ᠳᠤ ᠲᠡᠷᠡ ᠬᠡᠳᠦᠨ ᠳᠤᠰᠤᠯ᠂ ᠶᠠᠭᠤᠮ᠎ᠠ ᠪᠣᠯᠤᠭ᠎ᠠ ᠦᠭᠡᠢ᠃ ᠵᠢᠭᠠᠰᠤ ᠪᠠᠨ ᠡᠷᠭᠢ ᠳᠡᠭᠡᠷ᠎ᠡ ᠭᠠᠷᠭᠠᠵᠤ ᠰᠢᠳᠡᠭᠡ ᠦᠭᠡᠢ᠃ ᠵᠢᠭᠠᠰᠤ ᠨᠢ ᠪᠢ ᠪᠠᠶᠢᠭᠰᠠᠨ᠃ ᠪᠢᠳᠡ ᠨᠥᠬᠦᠳ᠃ ᠪᠢᠳᠡ ᠨᠢᠭᠡ ᠠᠩᠭᠢ ᠪᠠᠨ ᠳᠦᠰᠢᠵᠤ ᠶᠠᠪᠤᠨ᠎ᠠ᠃ ᠪᠢᠳᠡᠨ ᠤ ᠰᠡᠳᠬᠢᠯ ᠴᠦ ᠨᠢᠭᠡ ᠨᠢᠭᠡ ᠪᠠᠨ ᠳᠦᠰᠢᠵᠦ ᠶᠠᠪᠤᠨ᠎ᠠ᠃ ᠪᠢᠳᠡᠨ ᠤ ᠵᠢᠷᠭᠠᠯ ᠴᠦ ᠨᠢᠭᠡ ᠨᠢᠭᠡ ᠪᠠᠨ ᠳᠦᠰᠢᠵᠦ ᠶᠠᠪᠤᠨ᠎ᠠ᠃ ᠰᠡᠬᠡᠬᠡ ᠦᠭᠡᠢ ᠬᠡᠪᠲᠡᠬᠦ ᠳᠡᠭᠡᠨ ᠶᠡᠭᠦᠯᠡᠭᠦᠯᠦᠭᠰᠡᠨ ᠳᠡᠭᠦᠵᠢᠯᠡᠭᠦᠷ ᠯᠣᠩᠬᠤ ᠲᠠᠢ ᠡᠮ ᠤᠨ ᠳᠤᠰᠤᠯ — ᠮᠢᠨᠦ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ᠃ ᠰᠡᠬᠡᠬᠡᠯᠵᠡᠵᠦ ᠭᠦᠶᠦᠬᠦ ᠳᠡᠭᠡᠨ ᠰᠣᠨᠣᠰᠤᠭᠰᠠᠨ᠂ ᠲᠡᠭᠡᠭᠡᠳ ᠡᠰᠡ ᠯᠡ ᠭᠡᠵᠦ ᠰᠡᠭᠦᠯ ᠳᠤᠨᠢ ᠪᠣᠳᠤᠭᠳᠠᠭᠤᠯᠤᠭᠰᠠᠨ ᠲᠡᠷᠡ ᠠᠯᠲᠠᠨ ᠲᠤᠤᠨᠢᠯ ᠲᠠᠢ ᠰᠡᠷᠡᠮᠵᠢ ᠶᠢᠨ ᠬᠤᠩᠬᠤ — ᠮᠢᠨᠦ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ᠃ ᠰᠡᠳᠬᠢᠯ ᠤᠨ ᠭᠠᠩ ᠲᠠᠶᠢᠯᠵᠤ᠂ ᠬᠦᠮᠦᠨ ᠤ ᠵᠢᠷᠭᠠᠯ ᠤᠷᠭᠤᠭᠤᠯᠤᠭᠰᠠᠨ ᠡᠨᠡ ᠠᠶᠠᠷᠬᠠᠨ ᠰᠡᠩᠰᠡᠷᠡᠬᠦ ᠵᠥᠭᠡᠯᠡᠨ ᠪᠣᠷᠤᠭ᠎ᠠ — ᠮᠢᠨᠦ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ᠃ ᠰᠡᠳᠦᠪ ᠤᠨ ᠬᠠᠲᠠᠭᠤ ᠶᠢ ᠲᠤᠯᠭᠠᠵᠤ᠂ ᠮᠢᠨᠦ ᠳᠤᠮᠳᠠᠭᠤᠷ ︽ᠯᠣᠩᠬᠤ︾ ᠶᠢ ︽ᠠᠯᠪᠠ︾ ᠪᠠᠷ ᠳᠦᠭᠦᠷᠭᠡᠬᠦ ᠭᠡᠵᠦ ᠪᠠᠶᠢᠭ᠎ᠠ ᠡᠨᠡ ᠠᠶᠢᠬᠤᠪᠲᠤᠷ ︽ᠮᠠᠭᠤᠬᠠᠢ︾ ᠰᠢᠯᠭᠠᠯᠲᠠ — ᠮᠢᠨᠦ ᠨᠥᠬᠦᠳ ᠤᠨ ᠬᠠᠶᠢᠷ᠎ᠠ᠃ ᠪᠢ ᠶᠠᠭᠤᠨ ᠠᠴᠠ ᠠᠶᠤᠬᠤᠪ ᠪᠢ ᠨᠥᠬᠦᠳ ᠲᠠᠢ ᠬᠦᠮᠦᠨ︕