ᠲᠡᠭᠷᠢ ᠶᠢᠨ ᠪᠣᠲᠣᠭᠤ --- ᠯ᠊ · ᠡᠩᠬᠡᠬᠠᠳᠠ

ᠲᠡᠭᠷᠢ ᠶᠢᠨ ᠪᠣᠲᠣᠭᠤ ᠯ᠊ · ᠡᠩᠬᠡᠬᠠᠳᠠ ᠲᠡᠮᠡᠭᠡ — ᠲᠡᠭᠷᠢ ᠶᠢᠨ ᠪᠣᠲᠣᠭᠤ ᠲᠡᠮᠡᠭᠡ — ᠳᠡᠪᠡᠯ ᠲᠠᠢ ᠤᠯᠤᠰ ᠤᠨ ᠲᠡᠭᠷᠢᠯᠢᠭ ᠤᠨᠤᠭ᠎ᠠ ᠲᠡᠮᠡᠭᠡ — ᠳᠡᠰᠪᠦᠷᠢ ᠪᠠᠨ ᠨᠢᠭᠤᠭᠰᠠᠨ ᠭᠠᠵᠠᠷ ᠤᠨ ᠲᠡᠩᠬᠡᠬᠡ ᠪᠠᠷ᠎ᠠ ᠶᠢ ᠨᠢ ᠬᠠᠷᠠᠬᠤ ᠳᠤ ᠢᠲᠡᠭᠡᠯ ᠬᠠᠶᠢᠷᠠᠯᠠᠳᠠᠭ ᠪᠠᠶᠢᠷᠢᠨ ᠳᠠᠭᠠᠨ ᠪᠠᠶᠢᠬᠤ ᠳᠤ ᠪᠠᠶᠠᠨ ᠬᠠᠷᠠᠭᠳᠠᠳᠠᠭ ᠪᠤᠤᠷ᠎ᠠ ᠲᠠᠢ ᠪᠠᠨ ᠪᠡᠯᠴᠢᠬᠦ ᠳᠤ ᠠᠮᠤᠭᠤᠯᠠᠩ ᠠᠮᠢᠲᠠᠨ ᠭᠡᠭᠴᠢ ᠲᠡᠮᠡᠭᠡ ᠠᠷᠪᠠᠨ ᠭᠤᠷᠪᠠᠨ ᠰᠠᠷ᠎ᠠ ᠲᠡᠭᠡᠭᠡᠭᠰᠡᠨ ᠪᠣᠲᠣᠭᠤ ᠪᠠᠨ ᠲᠥᠷᠥᠬᠦ ᠳᠤ ᠠᠯᠠᠭ ᠬᠤᠷᠸ᠎ᠠ ᠠᠴᠠ ᠰᠢᠯᠢᠷᠡᠵᠦ ᠨᠢᠭᠡ ᠵᠣᠪᠠᠳᠠᠭ ᠠᠶᠠᠨ ᠤ ᠠᠯᠤᠰ ᠲᠤ ᠲᠠᠪᠠᠭ ᠨᠢ ᠴᠣᠭᠤᠷᠠᠭᠰᠠᠨ ᠳᠤ ᠠᠪᠤ ᠶᠢᠨ ᠨᠤᠲᠤᠭ ᠠᠴᠠ ᠰᠠᠯᠵᠤ ᠶᠡᠷᠦ ᠨᠢ ᠦᠵᠡᠭᠡ ᠦᠭᠡᠢ ᠡᠭᠦᠯᠡ ᠰᠡᠮᠡᠯᠦᠮ᠎ᠡ ᠪᠥᠬᠦ ᠶᠢᠨ ᠬᠢᠨᠢ ᠳᠤᠮᠳᠠ ᠥᠰᠥᠭᠰᠡᠨ ᠬᠡᠦᠬᠡᠳ ᠤᠳ ᠥᠨᠳᠥᠷ ᠲᠤ ᠳᠤᠷᠠᠲᠠᠢ ᠪᠣᠯᠵᠤ ᠲᠣᠮᠤᠭᠠᠵᠢᠳᠠᠭ ᠶᠤᠮ᠃ ᠥᠨᠳᠦᠷᠳᠡᠭᠡᠳ ᠡᠭᠦᠯᠡᠨ ᠳᠤ ᠲᠥᠭᠡᠷᠢᠴᠢᠬᠡᠬᠦ ᠴᠦ ᠪᠣᠯᠪᠠ︖ ᠭᠡᠵᠦ ᠰᠥᠭᠦᠳᠬᠦ ᠳᠤᠨᠢ ᠥᠷᠥ ᠡᠪᠡᠳᠴᠦ ᠬᠦᠯᠢᠶᠡᠳᠡᠭ ᠭᠠᠵᠠᠷ ᠤᠰᠤ ᠨᠢ ᠵᠠᠭ ᠤᠨ ᠬᠥᠬᠡ ᠮᠥᠴᠢᠷ ᠢᠶᠠᠨ ᠳᠡᠪᠢᠰᠴᠦ ᠨᠢᠯᠬᠠᠷᠠᠳᠠᠭ ᠶᠤᠮ᠃ ᠬᠦᠮᠦᠨ ᠪᠠᠶᠢᠭᠠᠯᠢ ᠳᠤ ᠠᠮᠠᠷᠬᠠᠨ ᠳᠠᠰᠳᠠᠭ ᠢᠶᠠᠷ ᠢᠶᠠᠨ ᠭᠦᠨ ᠭᠤᠪᠢ ᠳᠤ ᠲᠡᠮᠡᠭᠡ ᠥᠳᠬᠡᠨ ᠦᠷᠡᠵᠢᠭᠰᠡᠨ ᠲᠡᠦᠬᠡ ᠲᠠᠢ᠂ ᠬᠦᠷᠡᠩ ᠬᠠᠷ᠎ᠠ ᠨᠢᠳᠦᠨ ᠳᠤᠨᠢ ᠬᠥᠬᠡ ᠲᠡᠭᠷᠢ ᠥᠪᠡᠷ ᠢᠶᠠᠨ ᠪᠠᠭᠲᠠᠵᠤ ᠴᠢᠳᠠᠳᠠᠭ ᠠᠴᠠ ᠬᠥᠯᠥᠰᠥ ᠲᠠᠢ ᠣᠷᠴᠢᠯᠠᠩ ᠤᠨ ᠵᠣᠪᠠᠯ ᠵᠦᠳᠡᠭᠦᠷᠢ ᠶᠢ ᠬᠥᠭᠡᠷᠦᠬᠦᠢ ᠲᠡᠮᠡᠭᠡ ᠳᠤ ᠯᠡ ᠲᠠᠩ ᠬᠤᠪᠢᠶᠠᠵᠤ ᠠᠴᠢᠶᠠᠯᠠᠭᠰᠠᠨ ᠶᠤᠮ᠃ ᠭᠠᠳᠠᠨ᠎ᠠ ᠪᠠᠨ ᠲᠡᠮᠡᠭᠡ ᠲᠠᠢ ᠠᠶᠢᠯ ᠳᠤᠯᠠᠭᠠᠬᠠᠨ ᠰᠠᠨᠠᠭᠳᠠᠳᠠᠭ ᠶᠤᠮ ᠭᠠᠯᠪᠠ ᠶᠢᠨ ᠭᠤᠪᠢ ᠳᠤ ᠲᠡᠮᠡᠭᠡ ᠪᠠᠶᠢᠬᠤ ᠪᠠᠷ ᠠᠭᠤᠵᠢᠮ ᠬᠠᠷᠠᠭᠳᠠᠳᠠᠭ ᠶᠤᠮ᠃ ᠪᠣᠷᠪᠢ ᠲᠠᠢ ᠤᠰᠤ ᠲᠡᠩᠨᠡᠭᠡᠳ ᠯᠡ ᠪᠣᠰᠬᠤ ᠪᠠᠷ ᠪᠣᠲᠤᠷᠭᠠᠨᠠᠲᠤ ᠬᠥᠳᠡᠭᠡ ᠨᠢ ᠴᠠᠩᠭᠠᠭ᠎ᠠ ᠪᠠᠨ ᠲᠠᠶᠢᠯᠵᠤ ᠬᠤᠲᠤᠯᠵᠠᠳᠠᠭ ᠪᠣᠲᠤᠭᠤᠨ ᠳᠤ ᠪᠠᠨ ᠬᠦᠷᠬᠦ ᠵᠥᠭᠡᠯᠡᠨ ᠪᠣᠶᠢᠯᠠᠭᠠᠨ ᠳᠤ ᠨᠢ ᠪᠤᠶᠠᠨᠲᠤ ᠪᠤᠭᠤᠷᠤᠯ ᠤᠳ ᠮᠢᠨᠢ ᠬᠤᠭᠤᠷ ᠢᠶᠠᠨ ᠬᠥᠭᠯᠡᠵᠦ ᠤᠬᠢᠯᠠᠳᠠᠭ ᠵᠠᠳ ᠤᠨ ᠰᠢᠭᠤᠷᠭ᠎ᠠ ᠬᠥᠯᠡᠯᠬᠦ ᠪᠠᠷ ᠨᠢ ᠵᠣᠭᠳᠤᠷ ᠢᠶᠠᠨ ᠳᠡᠪᠢᠰᠴᠦ ᠦᠷ᠎ᠡ ᠪᠠᠨ ᠥᠮᠦᠭᠡᠷᠡᠳᠡᠭ ᠬᠠᠶᠢᠷ᠎ᠠ ᠭᠡᠭᠴᠢ ᠲᠡᠮᠡᠭᠡ ᠵᠢᠯᠪᠢ ᠶᠢᠨ ᠪᠤᠤᠬᠠᠢ ᠳᠠᠭᠠᠷᠢᠬᠤ ᠪᠠᠷ ᠨᠢ ᠵᠢᠭᠦᠷᠲᠡᠨ ᠲᠥᠭᠡᠷᠢᠳᠡᠭ ᠵᠠᠭ ᠤᠨ ᠰᠢᠭᠤᠢ ᠳᠠᠭᠠᠨ ᠳᠠᠯᠳᠠᠯᠠᠳᠠᠭ ᠤᠬᠠᠭᠠᠨ ᠭᠡᠵᠦ ᠲᠡᠮᠡᠭᠡ ᠥᠷᠭᠡᠨ ᠲᠠᠯ᠎ᠠ ᠳᠤ ᠪᠠᠶᠢᠬᠤ ᠳᠠᠭᠠᠨ ᠥᠷᠭᠡᠰᠦᠲᠦ ᠡᠮᠬᠦᠵᠦ ᠡᠭᠦᠯᠡ ᠬᠠᠷᠠᠨ ᠬᠡᠪᠢᠳᠡᠭ ᠥᠷᠪᠡᠯᠭᠡ ᠲᠠᠢ ︽ᠵᠠᠭᠠᠨ︾ ᠦᠨᠡᠰᠦᠨ ᠳᠡᠭᠡᠷ᠎ᠡ ᠢᠷᠡᠵᠦ ᠬᠥᠷᠪᠡᠬᠦ ᠳᠤᠨᠢ ᠠᠳᠬᠤ ᠪᠤᠷᠠᠮ ᠳᠤ ᠬᠠᠭᠤᠷᠲᠠᠨ ᠬᠠᠮᠠᠷᠯᠠᠭᠤᠯᠳᠠᠭ ᠲᠡᠵᠢᠭᠡᠪᠦᠷᠢ ︽ᠪᠤᠭᠤ︾ ᠬᠤᠷᠢᠮ ᠲᠠᠢ ᠭᠠᠵᠠᠷ ᠰᠠᠶ᠎ᠠ ᠪᠠᠷ ᠰᠣᠶᠢᠭᠳᠠᠬᠤ ᠬᠤᠮ ᠲᠠᠢ ᠠᠲᠠᠳ ᠤᠨ ᠬᠤᠷᠭᠤᠯ ᠨᠢ ᠬᠦᠷᠲᠡᠯ᠎ᠡ ᠢᠯᠴᠢ ᠲᠠᠢ ᠶᠤᠮ᠃ ᠬᠤᠯᠠ ᠶᠢᠨ ᠠᠶᠠᠨ ᠳᠤ ᠵᠢᠯ ᠢᠶᠠᠷ ᠵᠢᠳᠬᠦᠬᠦ ᠬᠤᠷ ᠲᠠᠢ ᠲᠡᠮᠡᠭᠡᠳ ᠤᠨ ᠬᠤᠩᠬᠤ ᠨᠢ ᠬᠦᠷᠲᠡᠯ᠎ᠡ ᠬᠤᠷᠴᠠ ᠬᠡᠯᠡ ᠲᠠᠢ ᠶᠤᠮ᠃ ᠬᠤᠭᠤᠷ ᠢᠶᠠᠨ ᠪᠥᠬᠦᠨ ᠳᠤᠨᠢ ᠵᠡᠭᠦᠭᠡᠳ ᠯᠡ ᠶᠠᠪᠤᠬᠤ ᠳᠤ ᠬᠤᠷᠸ᠎ᠠ ᠪᠥᠷ ᠳᠠᠭᠤᠯᠠᠴᠢᠬᠠᠭᠰᠠᠨ ᠯᠡ ᠪᠠᠶᠢᠳᠠᠭ ᠬᠠᠷᠢ ᠳᠤ ᠮᠣᠷᠳᠠᠬᠤ ᠬᠡᠦᠬᠡᠨ ᠬᠦᠮᠦᠨ ᠤᠨᠤᠭᠠᠳ ᠯᠡ ᠭᠠᠷᠬᠤ ᠳᠤ ᠬᠤᠭᠤᠷᠤᠨᠳᠤ ᠠᠴᠠ ᠨᠢ ᠪᠥᠷ ᠤᠬᠢᠯᠠᠴᠢᠬᠠᠭᠰᠠᠨ ᠯᠡ ᠪᠠᠶᠢᠳᠠᠭ ᠬᠤᠷᠸ᠎ᠠ ᠶᠢᠨ ᠰᠠᠶᠢᠬᠠᠨ ᠠᠮᠢᠲᠠᠨ ᠲᠡᠮᠡᠭᠡ ᠬᠠᠷᠠᠴᠤ ᠬᠦᠮᠦᠨ ᠤ ᠲᠠᠯᠪᠢᠭᠰᠠᠨ ᠬᠠᠰ ᠤᠨ ᠲᠠᠮᠠᠭ᠎ᠠ ᠲᠠᠢ ᠪᠠᠨ ᠴᠤᠭ ᠬᠠᠨ ᠲᠡᠭᠷᠢ ᠳᠡᠭᠡᠨ ᠬᠠᠷᠢᠬᠤ ᠪᠣᠯᠪᠠ᠂ ᠲᠡᠮᠦᠷ ᠤᠨ ᠵᠢᠪᠡ ᠬᠠᠩᠬᠤᠯᠵᠤ ᠬᠠᠮᠠᠷ ᠭᠠᠳᠠᠨ᠎ᠠ᠂ ᠲᠠᠤᠯᠠᠢ ᠶᠢᠨ ᠲᠣᠣᠷ ᠬᠡᠷᠴᠢᠯᠳᠦᠵᠦ ᠬᠠᠷᠠᠭ᠎ᠠ ᠪᠠᠯᠠᠷᠠᠨ᠎ᠠ᠂ ᠬᠦᠮᠦᠨ ᠪᠠᠶᠢᠭᠠᠯᠢ ᠥᠰᠢᠯᠳᠦᠵᠦ ᠬᠤᠷᠸ᠎ᠠ ᠵᠢᠵᠢᠭᠷᠡᠨ᠎ᠡ᠂ ᠲᠡᠮᠡᠭᠡ ᠲᠡᠭᠦᠨ ᠤ ᠡᠵᠡᠨ ᠮᠠᠯᠴᠢᠨ ᠬᠦᠮᠦᠨ ᠬᠤᠶᠠᠷ ᠯᠡ ᠵᠢᠷᠦᠬᠡᠨ ᠳᠡᠭᠡᠨ ᠨᠢᠯᠪᠤᠰᠤ ᠲᠠᠢ᠃ ᠲᠡᠭᠷᠢ᠂ ᠳᠡᠰᠦᠨ ᠳᠡᠰᠦᠭᠰᠡᠭᠡᠷ ᠬᠢᠯᠢᠩᠨᠡᠪᠡ ᠲᠡᠮᠡᠭᠡ ᠪᠠᠨ ᠬᠤᠷᠢᠶᠠᠬᠤ ᠵᠠᠷᠯᠢᠭ ᠪᠠᠭᠤᠯᠭᠠᠪᠠ ᠲᠡᠭᠦᠨ ᠳᠡᠭᠡᠷ᠎ᠡ ᠨᠢ ︽ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠳᠤ︾ ᠭᠡᠵᠦ ᠬᠠᠶ᠋ᠢᠭᠯᠠᠭᠰᠠᠨ ᠪᠠᠶᠢᠪᠠ ᠲᠡᠭᠷᠢ᠂ ᠲᠡᠮᠡᠭᠡ ᠪᠠᠨ ᠬᠤᠷᠢᠶᠠᠪᠠ ᠲᠡᠷᠭᠡᠯ ᠭᠤᠪᠢ ᠲᠡᠭᠷᠢᠯᠢᠭ ᠤᠨᠤᠭ᠎ᠠ ᠪᠠᠨ ᠠᠯᠳᠠᠵᠤ ᠶᠠᠪᠠᠭᠠᠷᠠᠪᠠ ᠲᠡᠭᠷᠢ ᠶᠢᠨ ᠪᠣᠲᠣᠭᠤ ᠲᠡᠭᠷᠢ ᠳᠡᠭᠡᠨ ᠬᠠᠷᠢᠬᠤ ᠳᠤ ᠲᠡᠵᠢᠭᠡᠵᠦ ᠥᠰᠬᠡᠭᠰᠡᠨ ᠮᠣᠩᠭᠤᠯ ᠣᠷᠤᠨ ᠡᠩᠭᠡᠷ ᠳᠦᠭᠦᠷᠡᠩ ᠨᠢᠯᠪᠤᠰᠤ ᠲᠠᠢ᠃