《ᠮᠢᠨᠦ ᠪᠠᠭᠰᠢ》 - ᠠᠷᠲᠠᠢ

ᠮᠢᠨᠦ ᠪᠠᠭᠰᠢ ᠠᠷᠲᠠᠢ ᠨᠠᠳᠠ ᠣᠯᠠᠨ ᠪᠠᠭᠰᠢ ᠲᠠᠢ᠂ ᠪᠠᠭᠰᠢ ᠲᠠᠢ ᠬᠦᠮᠦᠨ ᠰᠠᠶᠢᠬᠠᠨ ᠡ᠃ ᠨᠠᠷᠠ ᠮᠢᠨᠦ ᠪᠠᠭᠰᠢ᠃ ᠡᠭᠦᠯᠡ ᠴᠣᠭᠤᠯᠣᠭᠰᠠᠨ ᠠᠭᠤᠯᠠᠨ ᠳᠤ ᠥᠯᠮᠡᠢ ᠰᠢᠪᠡᠭᠰᠡᠨ ᠡᠪᠡᠰᠦᠨ ᠳᠤ ᠨᠠᠳᠠ ᠲᠠᠢ ᠠᠳᠠᠯᠢ ᠬᠠᠨᠳᠤ ᠭᠡᠵᠦ ᠨᠠᠷᠠ ᠬᠡᠯᠡᠭᠰᠡᠨ᠃ ᠪᠣᠭᠤᠨᠢ ᠪᠠᠶᠢᠭᠰᠠᠨ ᠠᠴᠠ ᠥᠨᠳᠥᠷ ᠰᠠᠶ᠋ᠢ ᠪᠠᠶᠢᠳᠠᠭ ᠶᠤᠮ ᠪᠤᠭᠤᠷᠤᠯ ᠬᠤᠷᠸ᠎ᠠ ᠢᠩᠭᠢᠵᠦ ᠪᠥᠲᠦᠭᠰᠡᠨ ᠶᠤᠮ ᠭᠡᠵᠦ ᠨᠠᠷᠠ ᠵᠢᠭᠠᠭᠰᠠᠨ᠃ ᠠᠭᠤᠯᠠ ᠮᠢᠨᠦ ᠪᠠᠭᠰᠢ᠃ ᠬᠤᠯᠠ ᠶᠢ ᠬᠠᠷᠠ ᠭᠡᠰᠡᠨ᠃ ᠬᠤᠭᠤᠷᠤᠨᠳᠤ ᠪᠠᠨ ᠬᠤᠯᠪᠤᠯᠳᠤ ᠭᠡᠰᠡᠨ᠃ ᠭᠤᠷᠢ ᠪᠦᠦ ᠳᠠᠰᠤᠷᠠ ᠭᠡᠰᠡᠨ᠃ ᠭᠤᠶᠢᠪᠠᠵᠤ ᠨᠡᠩ ᠪᠣᠯᠬᠤ ᠦᠭᠡᠢ ᠭᠡᠰᠡᠨ᠃ ᠠᠳᠬᠤ ᠰᠢᠷᠤᠢ ᠮᠥᠬᠦᠯᠢᠭ ᠴᠢᠯᠠᠭᠤᠨ ᠤ ᠬᠤᠷᠠᠮᠳᠤᠯ — ᠠᠭᠤᠤ ᠶᠡᠭᠡ ᠰᠦᠷ ᠬᠦᠴᠦᠨ ᠪᠢ ᠭᠡᠰᠡᠨ᠃ ᠭᠠᠯᠲᠤ ᠠᠭᠤᠯᠠ ᠨᠡᠩ ᠭᠡᠴᠡᠭᠦᠦ ᠪᠠᠭᠰᠢ ᠡ ᠭᠠᠭᠴᠠᠬᠠᠨ ᠤᠳᠠᠭ᠎ᠠ ᠬᠢᠴᠢᠶᠡᠯ ᠣᠷᠤᠪᠠᠴᠤ ᠮᠠᠷᠲᠠᠭᠳᠠᠬᠤ ᠦᠭᠡᠢ᠃ ᠨᠠᠳᠠ ᠣᠯᠠᠨ ᠪᠠᠭᠰᠢ ᠲᠠᠢ᠂ ᠪᠠᠭᠰᠢ ᠲᠠᠢ ᠬᠦᠮᠦᠨ ᠰᠠᠶᠢᠬᠠᠨ ᠡ︕ ᠮᠢᠨᠦ ᠥᠰᠦᠭᠰᠡᠨ ᠰᠠᠷᠠᠭᠤᠯ ᠲᠠᠯ᠎ᠠ ᠮᠢᠨᠦ ᠲᠠᠨᠢᠭᠰᠠᠨ ᠠᠩᠬᠠᠨ ᠤ ᠪᠠᠭᠰᠢ᠃ ᠠᠭᠤᠳᠠᠮ ᠰᠠᠷᠠᠭᠤᠯ ᠭᠡᠰᠡᠨ ᠬᠤᠶᠠᠷ ᠦᠰᠦᠭ ᠢ ᠲᠡᠷᠡ ᠬᠠᠮᠤᠭ ᠤᠨ ᠤᠷᠢᠳᠤᠪᠠᠷ ᠨᠠᠳᠠ ᠵᠢᠭᠠᠭᠰᠠᠨ᠃ ᠥᠭᠭᠢᠶᠡᠮᠦᠷ ᠭᠡᠵᠦ ᠳᠠᠷᠠᠭ᠎ᠠ ᠨᠢ ᠵᠢᠭᠠᠭᠰᠠᠨ᠃ ᠥᠴᠦᠭᠡᠳᠦᠷ ᠳᠡᠰᠪᠦᠷᠢ ᠳᠡᠪᠴᠢᠶᠡᠷᠢ ᠭᠡᠵᠦ ᠵᠢᠭᠠᠭᠰᠠᠨ᠃ ᠥᠨᠥᠳᠥᠷ ᠡᠬᠡ ᠣᠷᠤᠨ ᠭᠡᠵᠦ ᠵᠢᠭᠠᠯ᠎ᠠ ᠮᠠᠷᠭᠠᠰᠢ ᠬᠦᠦ ᠳᠡᠭᠡᠨ᠄ ᠮᠣᠩᠭᠤᠯ ᠬᠦᠮᠦᠨ ᠭᠡᠵᠦ ᠵᠢᠭᠠᠨ᠎ᠠ ᠭᠡᠵᠦ ᠮᠠᠨ ᠤ ᠪᠠᠭᠰᠢ ᠰᠠᠶ᠋ᠢᠬᠠᠨ ᠬᠡᠯᠡᠯ᠎ᠠ᠃ ᠦᠬᠡᠷ ᠲᠡᠷᠭᠡ ᠮᠢᠨᠦ ᠪᠠᠭᠰᠢ᠃ ᠡᠮᠦᠨ᠎ᠡ ᠠᠶᠢᠯ ᠠᠴᠠ ᠭᠠᠷᠤᠭᠠᠳ ᠥᠨᠵᠢᠭᠡᠳ᠂ ᠳᠥᠩᠭᠡᠭᠡᠳ ᠥᠷᠲᠡᠭᠡ ᠣᠷᠤᠬᠤ ᠪᠠᠷ ᠶᠠᠪᠤᠵᠤ ᠪᠠᠶᠢᠭ᠎ᠠ ᠦᠬᠡᠷ ᠲᠡᠷᠭᠡ ᠮᠢᠨᠦ ᠪᠠᠭᠰᠢ᠃ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠲᠡᠭᠦᠰᠬᠦ ᠰᠢᠬᠠᠯ᠎ᠠ ᠭᠡᠵᠦ ᠬᠤᠶᠠᠷ ᠬᠦᠷᠳᠦ ᠨᠢ ᠲᠠᠯ᠎ᠠ ᠳᠡᠭᠡᠷ᠎ᠡ ᠬᠤᠶᠠᠷ ᠡᠪᠡᠷ ᠨᠢ ᠲᠡᠭᠷᠢ ᠳᠡᠭᠡᠷ᠎ᠡ ᠪᠢᠴᠢᠭᠰᠡᠭᠡᠷ ᠶᠠᠪᠤᠭ᠎ᠠ ᠦᠬᠡᠷ ᠲᠡᠷᠭᠡ ᠮᠢᠨᠦ ᠪᠠᠭᠰᠢ᠃ ᠥᠭᠭᠦᠭᠰᠡᠨ ᠳᠠᠰᠬᠠᠯ ᠨᠢ ᠦᠵᠦᠭᠦᠷ ᠦᠭᠡᠢ ᠶᠡᠭᠡ᠂ ᠦᠬᠡᠷ ᠲᠡᠷᠭᠡ ᠮᠢᠨᠦ ᠪᠠᠭᠰᠢ᠃ ᠨᠠᠳᠠ ᠣᠯᠠᠨ ᠪᠠᠭᠰᠢ ᠲᠠᠢ᠃ ᠪᠠᠭᠰᠢ ᠲᠠᠢ ᠬᠦᠮᠦᠨ ᠰᠠᠶᠢᠬᠠᠨ ᠡ᠃ ᠲᠣᠭᠤᠭ᠎ᠠ ᠳᠦᠭᠦᠷᠭᠡᠳᠡᠭ ᠲᠣᠭᠤᠳᠠᠭ ᠮᠢᠨᠦ ᠪᠠᠭᠰᠢ᠃ ᠲᠣᠩᠭᠤᠶᠢᠴᠢᠬᠠᠳᠠᠭ ᠥᠮᠡᠬᠡᠢ ᠬᠤᠷᠤᠬᠠᠢ ᠴᠦ ᠮᠢᠨᠦ ᠪᠠᠭᠰᠢ᠃ ᠣᠯᠠᠨ ᠬᠡᠦᠬᠡᠳ ᠲᠠᠢ ᠠᠶᠢᠯ ᠤᠨ ᠬᠤᠨᠢᠨ ᠤ ᠮᠣᠷᠢ ᠮᠢᠨᠦ ᠪᠠᠭᠰᠢ᠃ ᠣᠯᠠᠨ ᠪᠡᠷᠢ ᠲᠠᠢ ᠠᠶᠢᠯ ᠤᠨ ᠭᠠᠤᠯᠢᠨ ᠰᠢᠨᠠᠭ᠎ᠠ ᠴᠦ ᠮᠢᠨᠦ ᠪᠠᠭᠰᠢ᠃ ᠬᠡᠦᠬᠡᠳ ᠤᠨ ᠬᠥᠭᠡᠷᠦᠬᠦᠨ ᠬᠠᠷ᠎ᠠ ᠨᠢᠳᠦ ᠮᠢᠨᠦ ᠪᠠᠭᠰᠢ᠃ ᠬᠥᠭᠰᠢᠳ ᠤᠨ ᠨᠢᠯᠪᠤᠰᠤᠲᠠᠢ ᠣᠨᠢᠭᠠᠷ ᠨᠢᠳᠦ ᠴᠦ ᠮᠢᠨᠦ ᠪᠠᠭᠰᠢ᠃ ᠲᠡᠷᠡ ᠲᠠᠯᠪᠢᠭᠠᠰᠤᠲᠠᠢ ᠮᠣᠩᠭᠤᠯ ᠬᠢᠲᠤᠭᠠᠨ ᠤ ᠢᠷ ᠮᠢᠨᠦ ᠪᠠᠭᠰᠢ᠃ ᠲᠡᠭᠡᠬᠦ ᠳᠡᠭᠡᠨ ᠬᠤᠨ ᠭᠠᠯᠠᠭᠤᠨ ᠤ ᠨᠣᠯᠤᠤᠷ ᠴᠦ ᠮᠢᠨᠦ ᠪᠠᠭᠰᠢ ᠡ ᠁ ᠪᠢ ᠣᠯᠠᠨ ᠪᠠᠭᠰᠢ ᠲᠠᠢ ᠬᠦᠮᠦᠨ᠃ ᠪᠠᠭᠰᠢ ᠲᠠᠢ ᠬᠦᠮᠦᠨ ᠰᠠᠶᠢᠬᠠᠨ᠃ ᠪᠠᠷᠠᠬᠤ ᠦᠭᠡᠢ ᠴᠢᠳᠠᠬᠤ ᠦᠭᠡᠢ ᠬᠤᠷᠸ᠎ᠠ ᠳᠤ ᠪᠠᠭᠰᠢ ᠲᠠᠢ ᠬᠦᠮᠦᠨ ᠯᠠ ᠰᠠᠶᠢᠬᠠᠨ ᠡ᠃