ᠪᠤᠷᠤᠭ᠎ᠠ ᠶᠢᠨ ᠠᠶᠠᠨᠴᠢᠨ ᠪᠢᠰᠢ ᠡ .wps

ᠠᠶᠠᠨᠴᠢᠨ ᠪᠢᠰᠢ ᠡᠪᠣᠷᠤᠭ᠎ᠠᠬᠥᠬᠡᠬᠤᠲᠠ ᠳᠤ ᠠᠦ᠋ᠲ᠋ᠣᠪᠦ᠋ᠰ ︵ᠲᠠᠪᠢ ᠵᠢᠷᠠᠭᠠᠳ ᠣᠨ ᠤ ᠰᠤᠷᠤᠭᠴᠢᠳ ᠪᠣᠯ ᠢᠩᠭᠢᠵᠦ ᠰᠤᠷᠤᠭᠰᠠᠨ᠂ ᠣᠳᠣ ᠪᠣᠯ ᠨᠡᠶᠢᠲᠡ ᠶᠢᠨ ᠮᠠᠰᠢᠨ ᠤᠨᠤᠭ᠎ᠠ ᠭᠡᠵᠦ ᠲᠠᠶᠢᠯᠪᠤᠷᠢᠯᠠᠬᠤ ᠬᠡᠷᠡᠭᠲᠡᠢ ᠪᠣᠯᠵᠠᠢ︶ ᠢᠶᠠᠷ ᠵᠣᠷᠴᠢᠳᠠᠭ ᠬᠥᠮᠥᠰ ︽ᠠᠶᠠᠨᠴᠢᠳ ᠠ᠋᠂ ᠲᠠ ᠳᠣᠲᠣᠭᠰᠢ ᠪᠠᠨ ᠶᠠᠪᠤᠵᠤ ᠯᠠᠪᠳᠠᠭᠤᠨ ᠵᠣᠭᠰᠣᠭᠠᠷᠠᠢ᠃ ᠠᠶᠠᠨᠴᠢᠳ ᠠ᠋ ᠁︾ ᠭᠡᠵᠦ ᠨᠡᠪᠲᠡᠷᠡᠭᠦᠯᠬᠦ ᠶᠢ ᠰᠣᠨᠣᠰᠴᠤ ᠳᠠᠰᠤᠯ ᠪᠣᠯᠣᠭᠰᠠᠨ ᠪᠢᠵᠡ᠃ ᠨᠡᠶᠢᠲᠡ ᠶᠢᠨ ᠤᠨᠤᠭᠠᠨ ᠳᠡᠭᠡᠷ᠎ᠡ ᠮᠣᠩᠭᠤᠯ ᠬᠡᠯᠡ ᠬᠡᠷᠡᠭᠯᠡᠳᠡᠭ ᠪᠣᠯᠣᠭᠰᠠᠨ ᠨᠢ ᠰᠠᠶᠢᠬᠠᠨ ᠶᠠᠪᠤᠳᠠᠯ᠃ ᠦᠢᠯᠡᠴᠢᠯᠡᠯᠭᠡᠨ ᠤ ᠥᠭᠦᠯᠡᠪᠦᠷᠢ ᠨᠦᠭᠦᠳ ᠢ ᠮᠣᠩᠭᠤᠯᠴᠢᠯᠠᠬᠤ ᠭᠡᠵᠦ ᠨᠢᠮᠪᠠᠢ ᠬᠥᠳᠡᠯᠮᠦᠷᠢᠯᠡᠭᠰᠡᠨ ᠬᠡᠯᠡ ᠪᠢᠴᠢᠭ ᠤᠨ ᠠᠵᠢᠯᠲᠠᠳ ᠲᠠᠭᠠᠨ ᠬᠦᠨᠳᠦᠳᠬᠡᠯ ᠢᠯᠡᠷᠬᠡᠶᠢᠯᠡᠬᠦ ᠶᠣᠰᠣᠲᠠᠢ᠃ ᠣᠶᠢᠯᠠᠭᠠᠵᠤ ᠬᠦᠨᠳᠦᠳᠬᠡᠳᠡᠭ ᠤᠴᠢᠷ ᠠᠴᠠ᠂ ᠭᠠᠷᠤᠭᠰᠠᠨ ᠳᠤᠲᠠᠭᠳᠠᠯ ᠢ ᠨᠢ ᠬᠦᠷᠲᠡᠯ᠎ᠡ ᠬᠡᠯᠡᠵᠦ ᠰᠢᠭᠦᠮᠵᠢᠯᠡᠬᠦ ᠳᠤ ᠰᠡᠳᠬᠢᠯ ᠲᠦᠪᠳᠡᠬᠦ ᠦᠭᠡᠢ ᠭᠡᠮᠡᠷ᠃ ᠬᠠᠶ᠋ᠢᠭ ᠢᠯᠡᠷᠬᠡᠶᠢᠯᠡᠯ᠂ ᠦᠢᠯᠡᠴᠢᠯᠡᠯᠭᠡᠨ ᠤ ᠦᠭᠡ ᠥᠭᠦᠯᠡᠪᠦᠷᠢ ᠨᠦᠭᠦᠳ ᠢ ᠮᠣᠩᠭᠤᠯᠴᠢᠯᠠᠬᠤ᠂ ᠢᠯᠠᠩᠭᠤᠶ᠎ᠠ ᠬᠥᠮᠥᠰ ᠤᠨ ᠢᠶᠠᠨ ᠰᠠᠨᠠᠭᠠᠨ ᠳᠤ ᠬᠦᠷᠲᠡᠯ᠎ᠡ ᠮᠣᠩᠭᠤᠯᠴᠢᠯᠠᠬᠤ ᠭᠡᠳᠡᠭ ᠠᠮᠠᠷ ᠠᠵᠢᠯ ᠪᠢᠰᠢ ᠡ᠃ᠠᠦ᠋ᠲ᠋ᠣᠪᠦ᠋ᠰ ᠳᠡᠭᠡᠷ᠎ᠡ ᠮᠣᠩᠭᠤᠯ ᠢᠶᠠᠷ ᠨᠡᠪᠲᠡᠷᠡᠭᠦᠯᠳᠡᠭ ᠪᠣᠯᠣᠭᠰᠠᠨ ᠠᠴᠠ ᠬᠤᠶᠢᠰᠢ᠂ ︽ᠡᠭᠦᠨ ᠢ ᠨᠢ ᠢᠩᠭᠢᠵᠦ ᠣᠷᠴᠢᠭᠤᠯᠤᠭᠰᠠᠨ ᠪᠣᠯ ᠠᠷᠠᠢ ᠳᠡᠭᠡᠷ᠎ᠡ ᠪᠠᠶᠢᠭᠰᠠᠨ ᠳ᠋ᠠ︾ ᠭᠡᠬᠦ ᠮᠡᠲᠦ ᠶᠢᠨ ᠪᠣᠳᠣᠯ ᠣᠷᠣᠵᠤ ᠪᠠᠶᠢᠭᠰᠠᠨ ᠴᠤ᠂ ︽ᠵᠠ᠂ ᠠᠬᠢᠵᠤ ᠨᠢᠭᠡ ᠤᠳᠠᠭ᠎ᠠ ᠥᠭᠡᠷᠡᠴᠢᠯᠡᠵᠦ ᠵᠠᠰᠠᠵᠤ ᠨᠡᠪᠲᠡᠷᠡᠭᠦᠯᠬᠦ ᠨᠢ ᠶᠡᠭᠡ ᠠᠵᠢᠯ ᠪᠣᠯᠳᠠᠭ ᠪᠠᠶᠢᠯ ᠦᠭᠡᠢ︾ ᠭᠡᠳ ᠰᠠᠨᠠᠯ ᠰᠡᠳᠬᠢᠭᠳᠡᠯ ᠢᠶᠠᠨ ᠪᠢᠴᠢᠭᠡ ᠦᠭᠡᠢ ᠡᠳᠦᠢ ᠬᠦᠷᠦᠯ᠎ᠡ᠃ ᠭᠡᠲᠡᠯ᠎ᠡ᠂ ᠡᠳᠦᠭᠡ ᠠᠵᠢᠭᠯᠠᠭᠠᠳ ᠪᠠᠶᠢᠬᠤ ᠳᠤ᠂ ᠲᠡᠷᠭᠡᠨ ᠳᠡᠭᠡᠷ᠎ᠡ ᠨᠡᠪᠲᠡᠷᠡᠭᠦᠯᠵᠦ ᠪᠤᠢ ᠮᠣᠩᠭᠤᠯ ᠶᠠᠷᠢᠶᠠᠨ ᠳᠤ ᠨᠢ ᠭᠤᠷᠪᠠ ᠠᠴᠠ ᠴᠥᠭᠡᠨ ᠦᠭᠡᠢ ᠬᠤᠪᠢᠯᠪᠤᠷᠢ ᠲᠠᠢ ᠪᠠᠶᠢᠨ᠎ᠠ᠃ ᠶᠡᠭᠡ ᠪᠡᠷᠬᠡᠰᠢᠶᠡᠯ ᠦᠭᠡᠢ ᠪᠠᠷ ᠰᠢᠨᠡᠳᠬᠡᠵᠦ ᠪᠠᠶᠢᠬᠤ ᠲᠥᠯᠥᠪ ᠲᠠᠢ ᠪᠣᠯᠬᠤᠷ᠂ ᠠᠬᠢᠭᠠᠳ ᠰᠢᠨᠡᠳᠬᠡᠪᠡᠯ ᠠᠩᠬᠠᠷᠬᠤ ᠵᠦᠢᠯ ᠤᠨ ᠲᠠᠯ᠎ᠠ ᠪᠠᠷ ᠵᠥᠪᠯᠡᠯᠭᠡ ᠥᠭᠭᠦᠶ᠎ᠡ᠃︽ᠠᠶᠠᠨ︾ ᠭᠡᠵᠦ ᠮᠠᠰᠢ ᠬᠤᠯᠠ ᠶᠠᠪᠤᠬᠤ ᠶᠢ ᠬᠡᠯᠡᠨ᠎ᠡ᠂ ︽ᠠᠶᠠᠨᠴᠢᠨ︾ ᠭᠡᠵᠦ ᠬᠤᠯᠠ ᠶᠠᠪᠤᠬᠤ ᠬᠥᠮᠥᠨ ᠢ ᠬᠡᠯᠡᠨ᠎ᠡ᠃ ᠬᠤᠯᠠ ᠭᠡᠵᠦ᠂ ᠬᠡᠳᠦᠨ ᠺᠢᠯᠣᠮᠧᠲᠷ ᠭᠠᠵᠠᠷ ᠪᠢᠰᠢ ᠡ᠃ ᠣᠯᠠᠨ ᠤᠯᠤᠰ ᠤᠨ ᠮᠣᠩᠭᠤᠯ ᠡᠮᠨᠡᠯᠭᠡ ᠳᠤ ᠢᠷᠡᠵᠦ ᠪᠠᠶᠢᠭ᠎ᠠ ᠬᠡᠳᠦᠨ ᠬᠠᠯᠬᠠᠴᠤᠳ — ᠮᠣᠩᠭᠤᠯ ᠤᠯᠤᠰ ᠤᠨ ᠢᠷᠭᠡᠳ᠄ ︽ᠠᠶᠠᠨᠴᠢᠨ ᠭᠡᠨ᠎ᠡ ᠦᠦ︖︾ ᠬᠡᠮᠡᠨ ᠭᠠᠶᠢᠬᠠᠨ ᠢᠨᠢᠶᠡᠯᠳᠦᠵᠦ ᠬᠡᠯᠡᠯᠴᠡᠬᠦ ᠲᠠᠢ ᠪᠢ ᠲᠠᠭᠠᠷᠠᠯᠳᠤᠵᠤ ᠪᠢᠯᠡ᠃ ᠬᠤᠯᠠ ᠣᠶᠢᠷ᠎ᠠ ᠵᠠᠮᠨᠠᠬᠤ ᠶᠢ ᠵᠣᠷᠴᠢᠬᠤ ᠭᠡᠳᠡᠭ᠃ ᠵᠣᠷᠴᠢᠭᠴᠢᠳ ᠭᠡᠳᠡᠭ ᠦᠭᠡ ᠶᠢ ᠬᠡᠷᠡᠭᠯᠡᠬᠦ ᠳᠤᠷ᠎ᠠ ᠦᠭᠡᠢ ᠪᠣᠯ᠂ ᠠᠦ᠋ᠲ᠋ᠣᠪᠦ᠋ᠰ ᠤᠨᠤᠭ᠎ᠠ ᠪᠠᠷ ᠵᠣᠷᠴᠢᠵᠤ ᠶᠠᠪᠤᠭᠴᠢ ᠬᠥᠮᠥᠰ ᠲᠤ ᠬᠠᠨᠳᠤᠭᠠᠳ᠄ ︽ᠲᠠ ᠳᠣᠲᠣᠭᠰᠢ ᠪᠠᠨ ᠰᠠᠭᠠᠲᠠᠨ᠎ᠠ ︵ᠲᠤᠬᠠᠯᠠᠨ᠎ᠠ︶ ᠦᠦ᠂ ᠳᠠᠷᠠᠭ᠎ᠠ ᠵᠣᠭᠰᠣᠭᠠᠯ ᠤᠰᠤᠨ ᠤ ᠲᠣᠪᠴᠢᠶ᠎ᠠ ︵ᠤᠰᠤᠨ ᠤ ᠡᠬᠢ ᠪᠠᠶᠠᠯᠢᠭ ᠬᠠᠮᠢᠶᠠᠷᠬᠤ ᠭᠡᠳᠡᠭ ᠢ ᠡᠶᠢᠮᠦᠷᠬᠦ ᠲᠣᠬᠢᠶᠠᠯᠳᠤᠯ ᠳᠤ ᠲᠣᠪᠴᠢᠯᠠᠬᠤ ᠳᠤ ᠠᠰᠠᠭᠤᠳᠠᠯ ᠡᠭᠦᠰᠬᠦ ᠦᠭᠡᠢ︶᠂ ᠪᠠᠭᠤᠪᠠᠯ ᠪᠡᠯᠡᠨ ᠪᠠᠶᠢᠭᠠᠷᠠᠢ︾ ᠭᠡᠴᠢᠬᠡᠶ᠎ᠡ᠃ ᠬᠢᠲᠠᠳ ᠥᠭᠦᠯᠡᠪᠦᠷᠢ ᠶᠢ ᠨᠢ ᠬᠡᠲᠦᠷᠬᠡᠢ ᠮᠥᠷᠳᠡᠵᠦ ︽ᠳᠣᠲᠣᠭᠰᠢ ᠪᠠᠨ ᠶᠠᠪᠤᠵᠤ ᠯᠠᠪᠳᠠᠭᠤᠨ ᠵᠣᠭᠰᠣᠭᠠᠷᠠᠢ︾ ᠭᠡᠬᠦ ᠠᠯᠪᠠ ᠦᠭᠡᠢ᠃ ᠥᠷᠲᠡᠭᠡ ᠪᠣᠯ ᠲᠦᠷ ᠵᠣᠭᠰᠣᠭᠠᠯ ᠠᠴᠠ ᠲᠣᠮᠣ ᠴᠡᠭ᠂ ᠠᠶᠠᠨ ᠭᠡᠳᠡᠭ ᠲᠠᠢ ᠪᠠᠨ ᠢᠯᠡᠭᠦᠦ ᠵᠡᠷᠭᠡᠴᠡᠬᠦ ᠴᠡᠭ ᠶᠤᠮ᠃ ᠮᠣᠩᠭᠤᠯ ᠤᠯᠤᠰ ᠲᠤ ᠪᠣᠯ ᠪᠠᠭᠤᠳᠠᠯ ︵ᠠᠦ᠋ᠲ᠋ᠣᠪᠦ᠋ᠰ ᠠᠴᠠ ᠪᠠᠭᠤᠬᠤ ᠴᠡᠭ︶ ᠭᠡᠨ᠎ᠡ᠃ ︽ᠠᠶᠠᠨᠴᠢᠳ ᠪᠠᠭᠤᠬᠤ ᠪᠠᠷ ᠪᠡᠯᠡᠳᠬᠡᠭᠡᠷᠡᠢ︾ ᠭᠡᠬᠦ ᠶᠢᠨ ᠣᠷᠣᠨ ᠳᠤ ︽ᠪᠠᠭᠤᠪᠠᠯ ᠪᠡᠯᠡᠨ ᠪᠠᠶᠢᠭᠠᠷᠠᠢ︾ ᠭᠡᠬᠦ ᠨᠢ ᠢᠯᠡᠭᠦᠦ ᠲᠣᠬᠢᠷᠠᠮᠵᠢᠲᠠᠢ᠂ ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠪᠠᠭᠤᠳᠠᠯ ᠵᠣᠭᠰᠣᠭᠠᠯ ᠪᠣᠯᠭᠠᠨ ᠳᠡᠭᠡᠷ᠎ᠡ ᠪᠦᠬᠦ ︽ᠠᠶᠠᠨᠴᠢᠳ︾ ᠨᠢ ᠪᠠᠭᠤᠬᠤ ᠪᠢᠰᠢ᠂ ᠪᠠᠭᠤᠬᠤ ᠨᠢ ᠪᠠᠭᠤᠨ᠎ᠠ᠃ ᠳᠠᠷᠠᠭ᠎ᠠ ᠵᠣᠭᠰᠣᠭᠠᠯ ᠨᠢ ᠳᠥᠬᠦᠪᠡᠯ᠂ ︽ᠤᠰᠤᠨ ᠤ ᠲᠣᠪᠴᠢᠶ᠎ᠠ ︵ᠤᠰᠤᠨ ᠤ ᠲᠣᠪᠴᠢᠶ᠎ᠠ ᠳᠤ ᠭᠡᠰᠡᠨ ᠴᠤ ᠪᠣᠯᠣᠨ᠎ᠠ︶᠂ ᠪᠠᠭᠤᠪᠠᠯ ᠪᠡᠯᠡᠨ ᠪᠠᠶᠢᠭᠠᠷᠠᠢ︾ ᠭᠡᠪᠡᠯ ᠪᠣᠯᠤᠭ᠎ᠠ᠃ ᠣᠶᠢᠷᠠᠬᠠᠨ ᠤ ᠰᠢᠨᠡᠴᠢᠯᠡᠭᠰᠡᠨ ᠨᠡᠪᠲᠡᠷᠡᠭᠦᠯᠦᠯᠭᠡ ᠶᠢᠨ ᠬᠤᠪᠢᠯᠪᠤᠷᠢ ᠶᠢᠨ ᠬᠢᠲᠠᠳ ᠲᠤ ᠨᠢ ᠦᠢᠯᠡᠴᠢᠯᠡᠯᠭᠡᠨ ᠤ ᠣᠷᠴᠢᠨ ᠳᠤ ᠶᠠᠷᠢᠳᠠᠭ ᠪᠠᠶᠢᠳᠠᠯ ᠢᠶᠠᠷ ᠲᠦᠷᠭᠡᠨ᠂ ᠬᠥᠭᠵᠢᠯ ᠲᠠᠢ ᠨᠡᠪᠲᠡᠷᠡᠭᠦᠯᠵᠦ ᠪᠤᠢ ᠵᠠᠯᠠᠭᠤ ᠪᠦᠰᠡᠭᠦᠢ ᠶᠢᠨ ᠳᠠᠭᠤ ᠰᠣᠨᠣᠰᠳᠠᠵᠤ ᠪᠠᠶᠢᠨ᠎ᠠ᠃ ᠮᠣᠩᠭᠤᠯ ᠢᠶᠠᠷ ᠴᠤ ᠭᠡᠰᠡᠨ ᠲᠦᠷᠭᠡᠨ ᠰᠢᠭ ᠶᠠᠷᠢᠪᠠᠯ ᠰᠠᠶᠢᠨ᠃ᠵᠣᠭᠰᠣᠭᠠᠯ ᠤᠨ ᠨᠡᠷᠡᠰ ᠢ ᠠᠯᠢ ᠪᠣᠯᠬᠤ ᠠᠪᠰᠠᠷᠬᠠᠨ ᠮᠣᠩᠭᠤᠯᠴᠢᠯᠠᠶ᠎ᠠ᠃ ᠮᠣᠩᠭᠤᠯ ᠬᠡᠯᠡ ᠬᠡᠷᠡᠭᠯᠡᠬᠦ ᠶᠣᠰᠣᠲᠠᠢ ᠭᠠᠵᠠᠷ ᠨᠢ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠣᠯ᠂ ᠮᠠᠨ ᠤ ᠬᠡᠯᠡ ᠶᠢ ᠦᠯᠦ ᠬᠦᠨᠳᠦᠳᠬᠡᠭᠰᠡᠨ ᠬᠡᠷᠡᠭ ᠪᠣᠯᠬᠤ ᠨᠢ ᠡᠷᠡᠭᠡᠯᠵᠡᠭᠡ ᠦᠭᠡᠢ᠃ ᠭᠡᠪᠡᠴᠦ᠂ ᠴᠢᠨᠠᠳᠤ ᠬᠡᠯᠡ ᠶᠢ ᠬᠡᠲᠦᠷᠬᠡᠢ ᠮᠢᠬᠠᠴᠢᠯᠠᠬᠤ᠂ ᠤᠩᠰᠢᠬᠤ ᠰᠣᠨᠣᠰᠬᠤ ᠳᠤ ᠶᠠᠳᠠᠷᠠᠭ᠎ᠠ ᠲᠠᠢ ᠰᠠᠨᠠᠭᠳᠠᠲᠠᠯ᠎ᠠ ᠦᠷᠡᠵᠢᠭᠦᠯᠵᠦ ᠣᠷᠴᠢᠭᠤᠯᠬᠤ ᠶᠢ ᠬᠦᠨᠳᠦᠳᠬᠡᠭᠰᠡᠨ ᠶᠠᠪᠤᠳᠠᠯ ᠭᠡᠬᠦ ᠳᠤ ᠬᠡᠴᠡᠭᠦᠦ᠃ ᠣᠷᠴᠢᠭᠤᠯᠬᠤ ᠭᠡᠳᠡᠭ ᠪᠣᠯ᠂ ᠬᠡᠯᠡᠨ ᠠᠴᠠ ᠬᠡᠯᠡᠨ ᠳᠤ᠂ ᠰᠣᠶᠣᠯ ᠠᠴᠠ ᠰᠣᠶᠣᠯ ᠳᠤ ᠤᠳᠬ᠎ᠠ ᠰᠠᠨᠠᠭ᠎ᠠ ᠶᠢ ᠬᠥᠷᠪᠡᠭᠦᠯᠬᠦ᠂ ᠰᠢᠯᠵᠢᠭᠦᠯᠬᠦ ᠶᠠᠪᠤᠳᠠᠯ᠃ ᠢᠯᠠᠩᠭᠤᠶ᠎ᠠ ᠠᠦ᠋ᠲ᠋ᠣᠪᠦ᠋ᠰ ᠤᠨ ᠨᠡᠪᠲᠡᠷᠡᠭᠦᠯᠦᠯᠭᠡ ᠶᠢᠨ ᠴᠢᠨᠡᠭᠡᠨ ᠤ ᠵᠦᠢᠯ ᠢ ᠴᠢᠯᠦᠭᠡᠲᠡᠢ ᠣᠷᠴᠢᠭᠤᠯᠤᠭᠠᠳ᠂ ᠵᠣᠷᠴᠢᠵᠤ ᠪᠤᠢ ᠮᠣᠩᠭᠤᠯ ᠬᠡᠯᠡᠲᠡᠨ ᠨᠠᠷ ᠲᠤ ᠬᠠᠮᠢᠭ᠎ᠠ ᠬᠦᠷᠴᠦ ᠪᠤᠢ ᠶᠢ ᠨᠢ ᠮᠡᠳᠡᠭᠳᠡᠵᠦ᠂ ᠠᠶᠠᠲᠠᠶᠢᠬᠠᠨ ᠰᠣᠨᠣᠰᠳᠠᠭᠤᠯᠵᠤ ᠪᠠᠶᠢᠪᠠᠯ ᠪᠣᠯᠬᠤ ᠨᠢ ᠲᠡᠷᠡ᠃ ︽ᠠᠷᠤ ᠶᠢᠨ ᠡᠭᠦᠳᠡᠨ ᠳᠤ ᠳᠥᠬᠦᠬᠦ︾ ᠡᠨᠡ ᠲᠡᠷᠡ ᠪᠣᠯ ᠰᠣᠶᠣᠯᠲᠤ ᠮᠣᠩᠭᠤᠯᠴᠤᠳ ᠲᠤ ᠮᠡᠳᠡᠭᠡᠵᠢ ᠵᠦᠢᠯ᠃ ᠮᠠᠰᠢ ᠤᠷᠲᠤ ᠪᠣᠯᠭᠠᠵᠤ ᠣᠷᠴᠢᠭᠤᠯᠤᠭᠰᠠᠨ ᠨᠡᠷᠡᠰ ᠲᠠᠭᠠᠷᠠᠯᠳᠤᠵᠤ ᠪᠠᠶᠢᠨ᠎ᠠ᠃ ᠵᠢᠱᠢᠶ᠎ᠡ ᠨᠢ᠂ 国检体检中心 ᠤ ᠣᠷᠴᠢᠭᠤᠯᠤᠯᠭ᠎ᠠ ᠶᠢ ᠤᠩᠰᠢᠵᠤ ᠳᠠᠭᠤᠰᠲᠠᠯ᠎ᠠ ᠲᠡᠷᠡ ᠵᠣᠭᠰᠣᠭᠠᠯ ᠠᠴᠠ ᠨᠢ ᠬᠡᠲᠦᠷᠡᠵᠦ ᠭᠠᠷᠬᠤ ᠭᠡᠳ ᠪᠠᠶᠢᠨ᠎ᠠ ᠳ᠋ᠠ᠂ ᠦᠨᠡᠨ ᠳᠡᠭᠡᠨ ︽ᠤᠯᠤᠰ ᠤᠨ ᠪᠡᠶ᠎ᠡ ᠪᠠᠶᠢᠴᠠᠭᠠᠬᠤ ᠲᠥᠪ︾ ᠭᠡᠴᠢᠬᠡᠬᠦ ᠳᠤ᠂ ᠥᠭᠡᠷ᠎ᠡ ᠵᠣᠭᠰᠣᠭᠠᠯ ᠲᠠᠢ ᠨᠡᠷ᠎ᠡ ᠳᠠᠪᠬᠤᠴᠠᠬᠤ ᠦᠭᠡᠢ ᠯᠠ ᠪᠣᠯ ᠪᠣᠯᠣᠯ᠎ᠠ ᠰᠢᠦ ᠳ᠋ᠡ᠃ 水岸小镇 ᠨᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ︽ᠪᠠᠯᠭᠠᠰᠤ︾ ᠪᠢᠰᠢ ᠤᠴᠢᠷ ᠠᠴᠠ ︽ᠱᠦᠢ ᠠᠨ ᠪᠠᠯᠭᠠᠰᠤ ︵ᠪᠤᠶᠤ ᠲᠣᠰᠬᠤᠨ︶︾ ᠭᠡᠪᠡᠯ ᠪᠣᠯᠴᠢᠬᠠᠨ᠎ᠠ᠃ 内蒙古国际蒙医医院 ᠢ ︽ᠣᠯᠠᠨ ᠤᠯᠤᠰ ᠤᠨ ᠮᠣᠩᠭᠤᠯ ᠡᠮᠨᠡᠯᠭᠡ︾᠂ 经贸学院 ᠠᠷᠠᠯᠵᠢᠶᠠᠨ ᠤ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ᠂ 城建职工中等职业技术学校 ᠶᠢ ︽ᠬᠤᠲᠠ ᠪᠠᠶᠢᠭᠤᠯᠤᠭᠴᠢᠳ ᠤᠨ ᠰᠤᠷᠭᠠᠭᠤᠯᠢ︾᠂ 银联大厦 ᠶᠢ ︽ᠶᠢᠨ ᠯᠢᠶᠠᠨ ᠠᠰᠠᠷ ︵ᠲᠣᠮᠣ ᠠᠰᠠᠷ ᠭᠡᠬᠦ ᠬᠡᠷᠡᠭ ᠦᠭᠡᠢ︶︾᠂ 巨化集团第二小学 ᠶᠢ ︽ᠵᠢᠦᠢ ᠬᠤᠸᠠ ᠬᠤᠶᠠᠳᠤᠭᠠᠷ ᠰᠤᠷᠭᠠᠭᠤᠯᠢ︾᠂ 师大北门 ︽ᠪᠠᠭᠰᠢ ᠶᠢᠨ ᠶᠡᠭᠡ ᠶᠢᠨ ᠬᠤᠶᠢᠨ᠎ᠠ︾ ᠭᠡᠬᠦ ᠮᠡᠲᠦ ᠪᠠᠷ ᠲᠣᠪᠴᠢᠯᠠᠶ᠎ᠠ᠃ ︽ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠡᠦᠬᠡᠳ ᠤᠨ ᠴᠡᠴᠡᠷᠯᠢᠭ︾ ᠢ ︽ᠮᠣᠩᠭᠤᠯ ᠴᠡᠴᠡᠷᠯᠢᠭ︾᠂ ︽ᠪᠠᠷᠠᠭᠤᠨ ᠪᠠᠶᠠᠨ ᠪᠡᠯᠴᠢᠭᠡᠷ ᠰᠢᠶᠠᠩ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ︾ ᠢ ︽ᠪᠠᠶᠠᠨ ᠪᠡᠯᠴᠢᠭᠡᠷ︾ ᠭᠡᠵᠦ ᠲᠣᠪᠴᠢᠯᠠᠬᠤ ᠳᠤ ᠶᠠᠭᠠᠬᠢᠳᠠᠭ ᠶᠤᠮ ᠪᠤᠢ︖ ᠵᠦᠭᠡᠷ ᠯᠠ ᠨᠢᠭᠡ ᠲᠡᠷᠭᠡᠨ ᠤ ᠵᠣᠭᠰᠣᠭᠠᠯ ᠰᠢᠦ ᠳ᠋ᠡ᠃ ᠣᠷᠴᠢᠭᠤᠯᠤᠭᠴᠢ ᠠᠨᠳᠠ ᠨᠠᠷ ︽ᠵᠣᠷᠢᠭᠲᠠᠶᠢᠬᠠᠨ︾ ᠪᠠᠶᠢᠶ᠎ᠠ᠂ ᠮᠡᠷᠭᠡᠵᠢᠯ ᠨᠢᠭᠡᠲᠦ ᠪᠤᠰᠤᠳ ᠠᠨᠳᠠ ᠨᠠᠷ ᠨᠢ ᠢᠯᠡᠭᠦᠬᠡᠨ ᠤᠷᠮ᠎ᠠ ᠬᠠᠶᠢᠷᠠᠯᠠᠵᠤ᠂ ᠵᠣᠷᠢᠭᠵᠢᠭᠤᠯᠵᠤ ᠰᠤᠷᠴᠠᠭᠠᠶ᠎ᠠ᠃︽ᠲᠠ ᠳᠣᠲᠣᠭᠰᠢ ᠪᠠᠨ ᠰᠠᠭᠠᠲᠠᠭᠠᠷᠠᠢ ︵ᠡᠰᠡᠬᠦᠯ᠎ᠡ ︿ᠳᠣᠲᠣᠭᠰᠢ ᠪᠠᠨ ᠰᠠᠭᠠᠲᠠᠵᠠᠭᠠᠨ᠎ᠠ ᠦᠦ﹀︶᠂ ᠳᠠᠷᠠᠭ᠎ᠠ ᠵᠣᠭᠰᠣᠭᠠᠯ ᠣᠯᠠᠨ ᠤᠯᠤᠰ ᠤᠨ ᠮᠣᠩᠭᠤᠯ ᠡᠮᠨᠡᠯᠭᠡ᠂ ᠪᠠᠭᠤᠪᠠᠯ ᠪᠡᠯᠡᠨ ᠪᠠᠶᠢᠭᠠᠷᠠᠢ᠃ ᠣᠯᠠᠨ ᠤᠯᠤᠰ ᠤᠨ ᠮᠣᠩᠭᠤᠯ ᠡᠮᠨᠡᠯᠭᠡ ᠳᠤ ᠪᠠᠭᠤᠪᠠᠯ ᠪᠡᠯᠡᠨ ᠪᠠᠶᠢᠭᠠᠷᠠᠢ︾ ᠭᠡᠬᠦ ᠥᠭᠦᠯᠡᠪᠦᠷᠢ ᠨᠦᠭᠦᠳ ᠢ ᠡᠪᠲᠡᠶᠢᠬᠡᠨ᠂ ᠴᠣᠪᠣᠭᠤᠯᠢᠭ ᠤᠩᠰᠢᠴᠢᠬᠠᠪᠠᠯ᠂ ᠣᠯᠠᠨ ᠳᠤ ︽ᠠᠶᠠᠨᠴᠢᠳ ᠠ᠋᠂ ᠠᠶᠠᠨᠴᠢᠳ ᠠ᠋᠂ ᠠᠶᠠᠨᠴᠢᠳ ᠠ᠋︾ ᠠᠴᠠ ᠢᠯᠡᠭᠦᠦ ᠲᠠᠭᠠᠯᠠᠭᠳᠠᠨ᠎ᠠ᠃ ᠰᠢᠨ᠎ᠡ ᠪᠠᠷ ᠣᠷᠴᠢᠭᠤᠯᠵᠤ ᠪᠢᠴᠢᠯᠭᠡ ᠬᠢᠬᠦ ︵ᠰᠢᠩᠭᠡᠭᠡᠯᠲᠡ ᠬᠢᠬᠦ︶ ᠲᠣᠬᠢᠶᠠᠯ ᠭᠠᠷᠪᠠᠯ ᠡᠮᠦᠨ᠎ᠡ ᠪᠢᠴᠢᠭᠰᠡᠨ ᠰᠠᠨᠠᠯ ᠢ ᠠᠩᠬᠠᠷᠴᠤ ᠦᠵᠡᠨ᠎ᠡ ᠦᠦ ᠭᠡᠵᠦ ᠡᠭᠦᠨ ᠢ ᠪᠢᠴᠢᠯ᠎ᠡ᠃ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ᠂ ᠬᠠᠶ᠋ᠢᠭ ᠢᠯᠡᠷᠬᠡᠶᠢᠯᠡᠯ᠂ ᠠᠩᠬᠠᠷᠤᠭᠤᠯᠤᠯᠭ᠎ᠠ ᠵᠡᠷᠭᠡ ᠶᠢᠨ ᠣᠷᠴᠢᠭᠤᠯᠤᠯᠭ᠎ᠠ ᠶᠢ ᠪᠦᠷ ᠠᠪᠰᠠᠷ ᠲᠣᠪᠴᠢ ᠪᠣᠯᠭᠠᠬᠤ ᠶᠢ ᠰᠠᠨᠠᠭᠠᠴᠢᠯᠠᠶ᠎ᠠ᠃ 内蒙古肿瘤医院 ᠢ ︽ᠥᠪᠥᠷ ᠮᠣᠩᠭᠤᠯ ᠤᠨ ᠬᠠᠪᠤᠳᠠᠷᠲᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ︾ ᠭᠡᠵᠦ᠂ ᠬᠠᠪᠤᠳᠠᠷ ᠢᠶᠠᠷ ᠡᠪᠡᠳᠴᠢᠯᠡᠭᠦᠯᠳᠡᠭ ᠡᠮᠨᠡᠯᠭᠡ ᠰᠢᠭ ᠣᠷᠴᠢᠭᠤᠯᠤᠭᠰᠠᠨ ᠪᠠᠶᠢᠭᠰᠠᠨ ᠢ ᠠᠦ᠋ᠲ᠋ᠣᠪᠦ᠋ᠰ ᠳᠡᠭᠡᠷ᠎ᠡ ᠬᠠᠷᠢᠨ ︽ᠥᠪᠥᠷ ᠮᠣᠩᠭᠤᠯ ᠤᠨ ᠬᠠᠪᠤᠳᠠᠷ ᠤᠨ ᠡᠮᠨᠡᠯᠭᠡ︾ ᠭᠡᠵᠦ ᠠᠪᠰᠠᠷ ᠪᠥᠭᠡᠳ ᠵᠥᠪ ᠨᠡᠪᠲᠡᠷᠡᠭᠦᠯᠵᠦ ᠪᠠᠶᠢᠭ᠎ᠠ ᠨᠢ ᠰᠠᠶᠢᠬᠠᠨ ᠰᠠᠨᠠᠭᠳᠠᠨ᠎ᠠ᠃ ︽ᠣᠩᠨᠢᠭᠤᠳ ᠬᠤᠰᠢᠭᠤ︾ ᠶᠢ ︽ᠲᠡᠨᠡᠭ ᠦᠬᠡᠷ ᠣᠨᠴᠣᠭᠤᠢ ᠬᠤᠰᠢᠭᠤ︾᠂ ︽ᠥᠪᠥᠷ ᠮᠣᠩᠭᠤᠯ︾ ᠢ ︽ᠳᠣᠲᠣᠷ᠎ᠠ ᠮᠡᠬᠡᠯᠡᠬᠦ︾ ᠭᠡᠳ ᠪᠠᠯᠠᠶᠢᠷᠠᠵᠤ ︽ᠪᠣᠯᠵᠤ︾ ᠪᠠᠶᠢᠬᠤ ᠳᠤ᠂ ᠪᠢᠳᠡ ᠠᠪᠰᠠᠷ ᠲᠣᠪᠴᠢ ᠪᠣᠯᠭᠠᠬᠤ ᠶᠢᠨ ᠲᠥᠯᠥᠭᠡ ᠵᠣᠷᠢᠮᠠᠭ ᠰᠢᠭᠤᠷᠬᠠᠢ ᠰᠢᠭ᠋ ᠠᠵᠢᠯᠯᠠᠬᠤ ᠳᠤ ︽ᠬᠡᠷᠡᠭ︾ ᠭᠠᠷᠬᠤ ᠪᠠᠷ ᠦᠭᠡᠢ᠃ ᠣᠷᠴᠢᠭᠤᠯᠬᠤ ᠶᠢᠨ ᠲᠥᠯᠥᠭᠡ ᠣᠷᠴᠢᠭᠤᠯᠬᠤ᠂ ᠬᠡᠷᠡᠭᠯᠡᠬᠦ ᠶᠢᠨ ᠲᠥᠯᠥᠭᠡ ᠣᠷᠴᠢᠭᠤᠯᠬᠤ ᠬᠤᠶᠠᠷ ᠮᠠᠰᠢ ᠥᠭᠡᠷ᠎ᠡ ᠪᠠᠶᠢᠳᠠᠭ᠃ ᠰᠠᠨᠠᠯ ᠪᠣᠳᠣᠯ ᠢᠶᠠᠨ ᠨᠡᠶᠢᠲᠡᠯᠡᠬᠦ ᠰᠣᠯᠢᠯᠴᠠᠬᠤ ᠨᠥᠬᠦᠴᠡᠯ ᠪᠣᠯᠣᠮᠵᠢ ᠰᠠᠶᠢᠵᠢᠷᠠᠭᠰᠠᠨ ᠡᠨᠡ ᠴᠠᠭ ᠲᠤ ᠪᠢᠴᠢᠵᠦ ᠰᠠᠭᠤᠬᠤ ᠰᠠᠶᠢᠬᠠᠨ ᠪᠠᠶᠢᠨ᠎ᠠ᠂ ᠪᠢᠴᠢᠵᠡᠭᠡᠶ᠎ᠡ ᠪᠢᠳᠡ᠃ ᠮᠣᠩᠭᠤᠯ ᠬᠡᠯᠡᠨ ᠤ ᠠᠶᠠᠨᠴᠢᠳ ᠠ᠋᠂ ᠠᠵᠢᠯ ᠮᠠᠨᠢ ᠨᠠᠷᠢᠨ ᠰᠢᠦ᠃