ᠦᠭᠡ ᠬᠡᠯᠡ ᠬᠢᠭᠡᠳ ᠴᠢᠯᠦᠭᠡᠲᠦ ᠰᠡᠳᠬᠢᠬᠦᠢ .txt

ᠦᠭᠡ ᠬᠡᠯᠡ ᠬᠢᠭᠡᠳ ᠴᠢᠯᠦᠭᠡᠲᠦ ᠰᠡᠳᠬᠢᠬᠦᠢ ︽ ᠡᠭᠡᠰᠢᠭ ᠳᠣᠯᠣᠭ᠎ᠠ ᠭᠡᠶᠢᠭᠦᠯᠦᠭᠴᠢ ᠬᠣᠷᠢᠨ ᠳᠦᠷᠪᠡ︾ ᠪᠠᠶᠢᠳ᠋ᠠᠭ ᠢᠶᠡᠨ ᠪᠢᠳ᠋ᠡ ᠪᠦᠷ ᠮᠡᠳ᠋ᠡᠳ᠋ᠡᠭ᠃ ᠲᠡᠭᠡᠪᠡᠯ ᠡᠳ᠋ᠡᠭᠡᠷ ᠠᠪᠢᠶ᠎ᠠ ᠪᠡᠷ ᠢᠶᠡᠨ ᠨᠡᠶᠢᠲᠡ ᠬᠡᠳ᠋ᠦᠢ ᠦᠭᠡ ᠪᠦᠲᠦᠭᠡᠵᠦ ᠳᠡᠶᠢᠯᠳ᠋ᠡᠭ ᠢ ᠲᠠ ᠮᠡᠳ᠋ᠡᠨ᠎ᠡ ᠦᠦ︖ ᠣᠳᠬ᠎ᠠ ᠢᠯᠭᠠᠵᠣ ᠳᠡᠶᠢᠯᠬᠦ ᠳᠠᠩ ᠦᠶᠡᠲᠦ ᠦᠭᠡ ᠶᠢ175᠂ ᠬᠣᠶᠠᠷ ᠦᠶᠡᠲᠦ ᠦᠭᠡ ᠶᠢ ᠪᠠᠷᠣᠭ2 ᠲᠦᠮᠡ ᠪᠦᠲᠦᠭᠡᠵᠦ ᠳᠡᠶᠢᠯᠳ᠋ᠡᠭ᠃ ᠭᠣᠷᠪᠠᠨ ᠦᠶᠡᠲᠦ ᠦᠭᠡ ᠶᠢ ᠪᠠᠷᠣᠭ92 ᠲᠦᠮᠡ ᠪᠦᠲᠦᠭᠡᠵᠦ ᠳᠡᠶᠢᠯᠳ᠋ᠡᠭ᠂ ᠳᠦᠷᠪᠡᠨ ᠦᠶᠡᠲᠦ ᠦᠭᠡ ᠶᠢ ᠪᠠᠷᠣᠭ1 ᠳ᠋ᠦᠡᠭᠰᠢᠭᠣᠷ ᠪᠢᠳ᠋ᠠᠨ ᠤ ᠣᠳ᠋ᠣ ᠶᠢᠨ ᠦᠷᠭᠦᠯᠵᠢ ᠬᠡᠯᠡᠳ᠋ᠡᠭ ᠮᠣᠩᠭᠣᠯ ᠦᠭᠡ ᠬᠡᠳ᠋ᠦᠨ ᠲᠦᠮᠡ ᠯᠡ ᠪᠠᠶᠢᠳ᠋ᠠᠭ᠃ ᠳᠠᠷᠣᠢ ᠪᠢᠳ᠋ᠡ31 ᠠᠪᠢᠶ᠎ᠠ ᠪᠡᠷ ᠢᠶᠡᠨ᠂ ᠵᠦᠪᠬᠡᠨ ᠬᠣᠶᠠᠷ ᠦᠶᠡᠲᠦ ᠦᠭᠡ ᠪᠡᠷ ᠢᠶᠡᠨ ᠠᠯᠢᠪᠠ ᠦᠭᠡ ᠬᠡᠯᠡ ᠪᠡᠨ ᠲᠡᠮᠳ᠋ᠡᠭᠯᠡᠵᠦ ᠬᠡᠯᠡᠭᠡᠳ ᠬᠦᠷᠴᠢᠬᠡᠨ᠎ᠡ ᠭᠡᠰᠡᠨ ᠦᠭᠡ᠃ ᠪᠢᠳ᠋ᠡ ᠣᠳ᠋ᠣ ᠶᠠᠭᠠᠬᠢᠭᠠᠳ ᠶᠠᠪᠣᠬᠣ ᠲᠣᠲᠣᠮ ᠮᠣᠩᠭᠣᠯ ᠦᠭᠡ ᠪᠡᠨ ᠬᠡᠯᠡᠵᠦ ᠳᠡᠶᠢᠯᠬᠦ ᠦᠭᠡᠢ᠂ ᠬᠡᠷᠡᠭᠯᠡᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠣᠯᠵᠣ ᠪᠠᠶᠢᠭ᠎ᠠ ᠪᠣᠢ︖ ᠭᠡᠪᠡᠯ ᠬᠠᠮᠣᠭ ᠦᠨᠳ᠋ᠦᠰᠦᠨ ᠰᠢᠯᠲᠠᠭᠠᠨ ᠨᠢ ᠴᠢᠯᠦᠭᠡᠲᠦ ᠰᠡᠳᠬᠢᠬᠦᠢ ᠪᠡᠨ ᠠᠯᠳ᠋ᠠᠵᠣ ᠪᠠᠶᠢᠭ᠎ᠠ ᠳᠤ ᠪᠣᠢ᠃ ᠶᠠᠭᠣᠮ᠎ᠠ ᠪᠣᠯᠭᠠᠨ ᠳᠤ ᠨᠣᠮᠯᠠᠯ ᠢ ᠪᠠᠷᠢᠮᠲᠠᠯᠠᠵᠣ᠂ ᠶᠠᠭᠠᠬᠢᠵᠣ ᠬᠢᠵᠦ ᠳᠠᠳ᠋ᠣᠭᠰᠠᠨ ᠪᠯᠡᠮ᠎ᠡ ᠲᠡᠭᠡᠵᠦ ᠯᠡ ᠬᠢᠬᠦ ᠪᠦᠭᠡᠳ ᠪᠣᠰᠣᠳ ᠢᠶᠡᠨ ᠴᠤ ᠲᠡᠭᠡᠵᠦ ᠯᠡ ᠬᠢᠬᠦ ᠶᠢ ᠱᠠᠭᠠᠷᠳ᠋ᠠᠳ᠋ᠠᠭ ᠦᠵᠡᠯ ᠰᠠᠨᠠᠭ᠎ᠠ ᠪᠢᠳ᠋ᠠᠨ ᠤ ᠳᠣᠮᠳ᠋ᠠ ᠲᠣᠩ ᠶᠡᠬᠡ ᠵᠠᠢ ᠡᠵᠡᠯᠡᠵᠦ᠂ ᠪᠢᠳ᠋ᠡ ᠪᠦᠬᠦᠨ ᠤ ᠦᠵᠡᠯ ᠰᠠᠨᠠᠭ᠎ᠠ ᠶᠢ ᠪᠣᠭᠣᠮᠢᠯᠠᠨ ᠬᠦᠯᠢᠶᠡᠰᠦᠯᠡᠭᠡᠳ ᠨᠡᠯᠢᠶᠡᠳ ᠣᠨ ᠪᠣᠯᠴᠢᠬᠠᠯ᠎ᠠ᠃ ᠪᠢᠳ᠋ᠡ ᠣᠳ᠋ᠣ ᠪᠣᠭᠣᠮᠢᠯᠠᠭᠳ᠋ᠠᠵᠣ ᠬᠦᠯᠢᠭᠳ᠋ᠡᠭᠰᠡᠨ ᠪᠣᠳ᠋ᠣᠯ ᠰᠡᠳᠬᠢᠬᠦᠢ ᠪᠡᠨ ᠴᠢᠯᠦᠭᠡᠯᠡᠵᠦ ᠲᠠᠯᠪᠢᠬᠣ ᠬᠡᠷᠡᠭᠲᠡᠢ ᠪᠠᠶᠢᠨ᠎ᠠ᠃ ᠡᠰᠡ ᠲᠡᠭᠡᠪᠡᠯ ︽ ᠮᠦᠬᠦᠯ︾ ᠭᠡᠭᠴᠢ ᠭᠠᠭᠴᠠᠬᠠᠨ ᠵᠠᠮ ᠦᠯᠡᠳ᠋ᠡᠭᠡᠳ ᠪᠠᠶᠢᠨ᠎ᠠ ᠰᠢᠦ︕ ᠬᠢᠲᠠᠳ ᠬᠦᠮᠦᠰ ᠲᠦᠪ ᠲᠧᠯᠸᠢᠰ ᠢ ︽cctv︾ ᠪᠣᠶᠣ ︽央视》 ᠭᠡᠵᠦ᠂ ᠨᠡᠶᠢᠲᠡᠯᠢᠭ ᠪᠣᠰᠣ ᠠᠭᠣᠰᠬᠢᠨ ᠦᠷᠪᠢᠰᠦᠯ ᠢ ︽非典》 ᠭᠡᠮᠡᠵᠦ᠂ ᠣᠷᠠᠳ ᠤᠨ ᠭᠣᠷᠪᠠᠨ ᠬᠣᠰᠢᠭᠣ ᠶᠢ《前旗，中旗，后旗》 ᠭᠡᠮᠡᠵᠦ᠂ ᠲᠠᠷᠢᠶᠠᠯᠠᠩ ᠤᠨ ᠠᠲᠠᠷ ᠬᠠᠭᠠᠯᠪᠣᠷᠢᠯᠠᠯᠲᠠ ᠶᠢᠨ ᠬᠠᠮᠢᠶᠠᠷᠣᠯᠲᠠ ᠶᠢᠨ ᠲᠣᠪᠴᠢᠶ᠎ᠠ ᠶᠢ《农垦》 ᠭᠡᠳ ᠬᠡᠷᠡᠭᠯᠡᠵᠦ ᠯᠡ ᠪᠠᠶᠢᠳ᠋ᠠᠭ᠂ ᠴᠢᠨᠠᠭᠰᠢᠯᠠᠭᠠᠳ ᠴᠢᠬᠣᠯᠠ ᠴᠢᠬᠣᠯᠠ ᠠᠯᠪᠠᠨ ᠮᠠᠲ᠋ᠧᠷᠢᠶᠠᠯ᠂ ᠶᠠᠷᠢᠶ᠎ᠠ ᠢᠯᠡᠳᠭᠡᠯ ᠳᠡᠭᠡᠷ᠎ᠡ ᠪᠡᠨ ᠴᠤ ᠢᠩᠭᠢᠵᠦ ᠯᠡ ᠬᠡᠷᠡᠭᠯᠡᠵᠦ ᠪᠠᠶᠢᠳ᠋ᠠᠭ᠃ ᠲᠡᠭᠡᠬᠦ ᠳᠤ ᠪᠢᠳ᠋ᠡ ᠶᠠᠭᠠᠬᠢᠵᠣ ᠦᠭᠡ ᠬᠡᠯᠡ ᠪᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠨ᠎ᠠ⁈ ᠰᠣᠨᠵᠢᠷᠠᠭᠣᠯᠵᠣ ᠯᠠᠪᠰᠢᠷᠠᠭᠣᠯᠣᠭᠠᠳ᠂ ᠪᠣᠰᠣᠳ ᠬᠦᠮᠦᠨ ᠣᠶᠢᠯᠠᠭᠠᠬᠣ ᠦᠭᠡᠢ ᠡᠴᠡ ᠯᠡ ᠡᠮᠢᠶᠡᠨ᠂ ᠣᠳᠬ᠎ᠠ ᠲᠠᠶᠢᠯᠪᠣᠷᠢᠯᠠᠬᠣ ᠬᠡᠯᠪᠡᠷᠢ ᠪᠡᠷ ᠦᠨᠳ᠋ᠦᠰᠦ ᠳ᠋ᠣᠨᠢ ᠣᠷᠣᠲᠠᠯ᠎ᠠ ︽ ᠲᠣᠳ᠋ᠣ ᠲᠣᠳ᠋ᠣᠷᠬᠠᠢ︾ ᠶᠠᠷᠢᠵᠣ ᠦᠭᠳ᠋ᠡᠭ ᠪᠣᠯᠣᠭᠠᠳ ᠵᠠᠩᠰᠢᠭᠰᠠᠨ ᠪᠦᠭᠡᠳ ᠵᠢᠭᠠᠬᠠᠨ ᠯᠠ ᠳᠦᠭᠦᠮᠴᠢᠯᠡᠵᠦ ᠰᠢᠨᠡᠴᠢᠯᠡᠬᠦ ᠪᠣᠶᠣ ᠮᠣᠩᠭᠣᠯ ᠠᠮᠢᠳ᠋ᠣ ᠶᠠᠷᠢᠶ᠎ᠠ ᠪᠡᠷ ᠢᠯᠡᠳᠭᠡᠪᠡᠯ ᠪᠣᠷᠣᠭᠣᠳᠬᠠᠵᠣ ᠵᠠᠯᠠᠷᠠᠭᠣᠯᠵᠣ ᠰᠢᠭᠦᠮᠵᠢᠯᠡᠭᠡᠳ ᠰᠦᠢᠳ ᠪᠣᠯᠳ᠋ᠠᠭ ᠪᠠᠶᠢᠳ᠋ᠠᠯ ᠨᠡᠯᠢᠶᠡᠳ ᠬᠦᠨᠳ᠋ᠦ ᠨᠣᠴᠢᠲᠠᠢ ᠪᠣᠯᠵᠣ ᠪᠠᠶᠢᠭ᠎ᠠ ᠰᠢᠭ᠋ ᠪᠠᠶᠢᠨ᠎ᠠ᠃ ᠡᠶᠢᠮᠦ ᠪᠠᠶᠢᠳ᠋ᠠᠯ ᠭᠦᠨᠵᠡᠭᠡᠶᠢᠷᠡᠨ ᠭᠠᠵᠠᠷ ᠠᠪᠣᠭᠠᠳ ᠣᠳ᠋ᠠᠪᠠᠯ ᠮᠠᠨ ᠤ ᠮᠣᠩᠭᠣᠯ ᠰᠣᠶᠣᠯ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠡᠴᠡ ᠬᠣᠴᠣᠷᠬᠣ ᠶᠢ ᠪᠣᠣ ᠬᠡᠯᠡ᠂ ᠣᠷᠣᠨ ᠳ᠋ᠠᠨ ᠵᠣᠭᠰᠣᠩᠭᠣᠶᠢᠷᠠᠬᠣ ᠳᠤ ᠴᠤ ᠬᠦᠴᠢᠷᠳ᠋ᠡᠨ᠎ᠡ ᠰᠢᠦ ᠳ᠋ᠠ︕ ᠣᠳᠬ᠎ᠠ ᠲᠠᠶᠢᠯᠪᠣᠷᠢᠯᠠᠬᠣ ᠬᠡᠯᠪᠡᠷᠢ ᠶᠢᠨ ᠮᠣᠩᠭᠣᠯ ᠦᠭᠡ ᠬᠡᠯᠡ ᠶᠢᠨ ᠬᠦᠭᠵᠢᠯᠲᠡ ᠶᠢᠨ ᠵᠠᠮ ᠪᠯᠡᠮ᠎ᠡ ᠠᠪᠣᠰᠢ ᠦᠭᠡᠢ᠃ ᠬᠠᠷᠢᠨ ᠵᠠᠪᠠᠯ ᠦᠵᠡᠯ ᠰᠠᠨᠠᠭ᠎ᠠ ᠪᠡᠨ ᠴᠢᠯᠦᠭᠡᠯᠡᠵᠦ᠂ ᠰᠢᠨ᠎ᠡ ᠦᠭᠡ᠂ ᠳᠦᠭᠦᠮᠴᠢᠯᠡᠭᠰᠡᠨ ᠦᠭᠡ ᠶᠢ ᠲᠠᠰᠣᠷᠠᠯᠲᠠ ᠦᠭᠡᠢ ᠡᠭᠦᠳᠬᠦ ᠬᠡᠷᠡᠭᠲᠡᠢ᠃ ᠣᠴᠢᠷ ᠨᠢ ᠬᠦᠮᠦᠨ ᠪᠯᠡᠮ᠎ᠡ ᠰᠢᠨ᠎ᠡ ᠬᠡᠷᠡᠭ ᠪᠣᠳ᠋ᠠᠰ ᠢ ᠰᠣᠷᠣᠯᠴᠠᠵᠣ ᠳᠡᠶᠢᠯᠳ᠋ᠡᠭ ᠲᠡᠷᠢᠭᠦᠨ ᠣᠬᠠᠭᠠᠨᠲᠠᠨ ᠲᠣᠯᠠ ᠵᠦᠪᠬᠡᠨ ᠣᠳᠬ᠎ᠠ ᠲᠠᠶᠢᠯᠪᠣᠷᠢᠯᠠᠬᠣ ᠬᠡᠯᠪᠡᠷᠢ ᠶᠢᠨ ᠦᠭᠡ ᠬᠡᠯᠡ ᠡᠴᠡ ᠳᠣᠬᠢᠶ᠎ᠠ ᠲᠡᠮᠳ᠋ᠡᠭ ᠤᠨ ᠦᠭᠡ ᠬᠡᠯᠡ ᠲᠡᠰᠢ ᠰᠢᠯᠵᠢᠵᠦ ᠳᠡᠶᠢᠯᠪᠡᠯ ᠰᠠᠶᠢ ᠦᠭᠡ ᠬᠡᠯᠡᠨ ᠤ ᠬᠦᠭᠵᠢᠯᠲᠡ ᠶᠢᠨ ᠵᠠᠮ ᠢ ᠨᠡᠭᠡᠭᠡᠵᠦ ᠳᠡᠶᠢᠯᠦᠨ᠎ᠡ᠃ ︽ ᠦᠭᠡ ᠬᠡᠯᠡ ᠶᠢ ᠳᠦᠩᠭᠡᠨ ᠳᠠᠩᠭᠠᠨ ᠬᠡᠷᠡᠭᠯᠡᠭᠴᠢᠳ ᠤᠨ ᠪᠣᠳ᠋ᠣᠵᠣ ᠰᠡᠳᠬᠢᠬᠦ ᠨᠢ ᠴᠤ ᠳᠦᠩᠭᠡᠨ ᠳᠠᠩᠭᠠᠨ ᠪᠠᠶᠢᠳ᠋ᠠᠭ︾ ᠭᠡᠳ᠋ᠡᠭᠴᠢᠯᠡᠨ ᠰᠢᠭᠣᠳ ᠬᠡᠯᠡᠵᠦ ᠣᠶᠢᠯᠠᠭᠠᠭᠣᠯᠵᠣ ᠳᠡᠶᠢᠯᠬᠦ ᠦᠭᠡᠢ᠂ ᠬᠠᠷᠢᠨ ᠵᠠᠪᠠᠯ ᠣᠳᠬ᠎ᠠ ᠶᠢ ᠨᠢ ᠲᠠᠶᠢᠯᠪᠣᠷᠢᠯᠠᠵᠣ ᠯᠠ ᠬᠡᠷᠡᠭᠯᠡᠳ᠋ᠡᠭ ᠦᠭᠡ ᠬᠡᠯᠡ ᠶᠠᠭᠠᠬᠢᠵᠣ ᠬᠦᠭᠵᠢᠨ᠎ᠡ⁈ ᠡᠶᠢᠮᠦ ᠬᠡᠯᠡ ᠶᠢ ᠬᠡᠷᠡᠭᠯᠡᠭᠰᠡᠳ ᠤᠨ ᠣᠶᠣᠨ ᠪᠢᠯᠢᠭ ᠶᠠᠭᠠᠬᠢᠵᠣ ᠨᠡᠭᠡᠭᠡᠭᠳ᠋ᠡᠵᠦ ᠬᠦᠭᠵᠢᠨ᠎ᠡ⁈ ᠡᠶᠢᠮᠦ ᠡᠴᠡ ᠪᠢᠳ᠋ᠡ ᠵᠠᠪᠠᠯ ᠠᠮᠢᠳ᠋ᠣᠯᠢᠭ ᠴᠡᠪᠡᠷᠭᠡᠨ ᠮᠣᠩᠭᠣᠯ ᠦᠭᠡ ᠬᠡᠯᠡ ᠶᠢ ᠡᠭᠦᠳᠴᠦ ᠬᠡᠷᠡᠭᠯᠡᠨ᠂ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠲᠠᠢ ᠢᠳ᠋ᠡᠪᠬᠢᠲᠡᠢ ᠵᠣᠬᠢᠯᠳ᠋ᠣᠵᠣ᠂ ᠮᠣᠩᠭᠣᠯ ᠰᠣᠶᠣᠯ ᠢᠶᠡᠨ ᠬᠦᠭᠵᠢᠭᠦᠯᠦᠨ ᠠᠪᠴᠣ ᠶᠠᠪᠣᠵᠠᠭᠠᠶ᠎ᠠ︕