ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠪᠠ ᠨᠤᠮ ᠪᠢᠲᠡᠬᠦᠯᠡᠬᠦ ᠶᠤᠰᠤ .wps

ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠪᠠ ᠨᠤᠮ ᠪᠢᠲᠡᠬᠦᠯᠡᠬᠦ ᠶᠤᠰᠤᠨᠠᠢᠷᠠᠭᠤᠯᠤᠬᠴᠢ ᠶᠢᠨ ᠦᠬᠡ᠄ᠵᠠᠭᠤᠨ ᠪᠡᠯᠡᠭ ᠤᠨ ᠲᠡᠬᠡᠵᠢ ᠨᠤᠮ ᠤᠨ ᠪᠡᠯᠡᠭ ᠪᠤᠶᠤ᠃ᠮᠤᠩᠭᠤᠯᠴᠤᠳ ᠡᠷᠳᠡ ᠲᠡᠬᠡᠳᠦ ᠠᠴᠠ ᠪᠠᠨ ᠨᠤᠮ ᠪᠢᠴᠢᠭ ᠢ ᠮᠠᠰᠢ ᠲᠡᠬᠡᠵᠢᠯᠡᠨ ᠬᠢᠮᠠᠭᠠᠳᠠᠨ ᠬᠠᠳᠠᠭᠠᠯᠠᠳᠠᠭ ᠪᠦᠬᠡᠳ ᠬᠠᠮᠤᠭ ᠤᠨ ᠡᠷᠬᠢᠮ ᠬᠦᠨᠳᠦᠳᠡᠢ ᠬᠦᠮᠦᠨ ᠳᠡᠭᠡᠨ ᠰᠠᠶ᠋ᠢ ᠨᠤᠮ ᠪᠢᠴᠢᠭ ᠬᠦᠷᠬᠡᠳᠡᠭ᠃ ᠬᠦᠮᠦᠰ ᠬᠤᠪᠤᠷ ᠦᠨᠡᠲᠦ ᠨᠤᠮ ᠢᠶᠠᠨ ᠲᠠᠪᠤᠨ ᠦᠩᠬᠡ ᠶᠢᠨ ᠲᠤᠷᠭᠠᠨ ᠤᠲᠠᠰᠤ ᠪᠠᠷ ᠵᠠᠩᠬᠢᠳᠴᠦ ᠬᠠᠲᠠᠭᠠᠯᠠᠳᠠᠭ ᠪᠦᠬᠡᠳ ᠨᠤᠮ ᠢᠶᠠᠨ ᠪᠤᠰᠤᠳ ᠲᠤ ᠬᠦᠷᠬᠡᠬᠦ ᠳᠡᠭᠡᠨ ᠵᠠᠩᠬᠢᠶ᠎ᠠ ᠶᠢ ᠨᠢ ᠲᠠᠢᠯᠵᠦ ᠦᠭᠳᠡᠭ ᠵᠠᠩᠰᠢᠯ ᠲᠠᠢ᠃ ᠬᠡᠲᠡᠯ᠎ᠡ ᠤᠳᠤ ᠪᠤᠯᠬᠤ ᠳᠤ ᠡᠨᠡᠬᠦ ᠶᠤᠰᠤ ᠵᠠᠩᠰᠢᠯ ᠮᠡᠷᠳᠡᠬᠳᠠᠨ᠂ ︽ᠨᠤᠮ ᠤᠨ ᠬᠠᠲᠠᠭ ᠰᠡᠬᠦᠬᠦ︾᠂ ︽ᠨᠤᠮ ᠤᠨ ᠬᠠᠭᠤᠲᠠᠰᠤ︾ ᠰᠡᠬᠦᠬᠦ ᠬᠡᠬᠦ ᠮᠡᠲᠦ ᠶᠢᠨ ᠨᠡᠷ᠎ᠡ ᠲᠤᠮᠢᠶ᠎ᠡ ᠪᠠᠷ ᠤᠷᠤᠯᠠᠭᠳᠠᠬᠰᠠᠨ ᠪᠠᠢᠨ᠎ᠠ᠃ ᠮᠤᠩᠭᠤᠯᠴᠤᠳ ᠲᠤ ᠪᠠᠰᠠ ᠪᠢᠳᠡᠬᠦᠨ ᠤ ᠡᠳᠦᠷ ᠬᠠᠳᠠᠭᠠᠯᠠᠬᠰᠠᠨ ᠨᠤᠮ ᠢᠶᠠᠨ ᠠᠷᠢᠭᠤᠳᠬᠠᠨ ᠨᠤᠮ ᠢᠶᠠᠨ ᠪᠢᠲᠡᠬᠦᠯᠡᠬᠦ ᠶᠤᠰᠤᠨ ᠪᠤᠢ᠃ ᠬᠡᠬᠦ ᠳᠡᠭᠡᠨ᠂ ᠡᠳᠡᠬᠡᠷ ᠶᠤᠰᠤ ᠵᠠᠩᠰᠢᠯ ᠢᠶᠠᠨ ᠠᠢᠯ ᠡᠷᠦᠬᠡ᠂ ᠤᠪᠤᠭ ᠲᠦᠷᠦᠯ ᠤᠨ ᠲᠤᠲᠤᠷ᠎ᠠ ᠠᠴᠠ ᠬᠠᠮᠤᠭ ᠤᠨ ᠰᠢᠯᠤᠭᠤᠨ ᠰᠢᠲᠤᠷᠭᠤ ᠬᠦᠪᠡᠬᠦᠨ ᠳᠡᠭᠡᠨ ᠨᠢᠭᠤᠴᠠ ᠪᠠᠷ ᠤᠯᠠᠮᠵᠢᠯᠠᠲᠠᠭ ᠤᠴᠢᠷ ᠠᠴᠠ ᠡᠨᠡᠬᠦ ᠶᠤᠰᠤ ᠵᠠᠩᠰᠢᠯ ᠨᠡᠩ ᠴᠤ ᠮᠡᠷᠳᠡᠬᠳᠡᠨ ᠬᠡᠭᠡᠭᠳᠡᠬᠦ ᠳᠤ ᠬᠦᠷᠴᠡᠢ᠃ ᠲᠤᠰ ᠬᠤᠭᠤᠴᠠᠭ᠎ᠠ ᠪᠠᠷ᠂ ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠶᠤᠰᠤ ᠪᠤᠯᠤᠨ ᠨᠤᠮ ᠪᠢᠳᠡᠬᠦᠯᠡᠬᠦ ᠶᠤᠰᠤᠨ ᠤ ᠲᠡᠯᠬᠡᠷᠡᠩᠬᠦᠢ ᠠᠭᠤᠯᠭ᠎ᠠ ᠶᠢ ᠡᠷᠬᠢᠮ ᠤᠯᠠᠨ ᠤᠡᠭᠰᠢᠭᠴᠢᠳ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠵᠦ ᠪᠠᠢᠨ᠎ᠠ᠃ᠪᠤᠬ᠎ᠠ ᠶᠢᠨ ᠰᠤᠷ ᠢᠶᠠᠷ ᠵᠠᠩᠬᠢᠳᠤᠭᠰᠠᠨ ᠨᠤᠮᠮᠤᠩᠭᠤᠯᠴᠤᠳ ᠨᠤᠮ ᠰᠡᠢᠷᠡᠬᠦᠯᠬᠦ ᠪᠤᠶᠤ ᠵᠤᠬᠢᠶᠠᠵᠤ ᠪᠢᠴᠢᠭᠰᠡᠨ ᠨᠤᠮ ᠢᠶᠠᠨ ᠪᠤᠰᠤᠳ ᠲᠤ ᠦᠭᠬᠦ ᠳᠡᠭᠡᠨ ᠵᠠᠩᠬᠢᠶ᠎ᠠ ᠶᠢ ᠨᠢ ᠲᠠᠢᠯᠵᠤ ᠦᠭᠲᠡᠭ ᠶᠤᠰᠤᠨ ᠪᠤᠢ᠃ ᠬᠡᠷᠪᠡ ᠵᠠᠩᠬᠢᠶ᠎ᠠ ᠶᠢ ᠨᠢ ᠲᠠᠢᠯᠬᠤ ᠦᠭᠡᠢ ᠦᠭᠪᠡᠯ ᠨᠤᠮ ᠢ ᠨᠢ ᠬᠡᠴᠢᠨᠡᠨ ᠤᠩᠰᠢᠭᠰᠠᠨ ᠴᠤ ᠵᠠᠩᠬᠢᠷᠠᠭᠠᠳ ᠶᠠᠪᠤᠭᠤᠷᠢ ᠦᠭᠡᠢ ᠪᠠᠢᠲᠠᠭ ᠬᠡᠨ᠎ᠡ᠂ ᠵᠠᠩᠬᠢᠶ᠎ᠠ ᠶᠢ ᠨᠢ ᠲᠠᠢᠯᠤᠭᠰᠠᠨ ᠦᠭᠡᠢ ᠨᠤᠮ ᠢ ᠮᠢᠩᠭ᠎ᠠ ᠤᠲᠠᠭ᠎ᠠ ᠤᠩᠰᠢᠪᠠᠯ ᠪᠠᠭ᠎ᠠ ᠰᠠᠭ᠎ᠠ ᠠᠴᠢ ᠲᠤᠰᠠ ᠭᠠᠷᠴᠤ᠂ ᠪᠤᠮ ᠤᠲᠠᠭ᠎ᠠ ᠤᠩᠰᠢᠪᠠᠯ ᠰᠠᠶ᠋ᠢ ᠬᠡᠷᠡᠭ ᠲᠤ ᠬᠦᠷᠲᠡᠭ ᠬᠡᠨ᠎ᠠ᠂ ᠡᠢᠮᠦ ᠠᠴᠠ ︽ᠮᠢᠩᠭᠠᠨ ᠬᠠᠷᠢᠭᠤᠯᠭ᠎ᠠ︾ ᠬᠡᠲᠡᠭ ᠨᠢ ᠵᠠᠩᠭᠢᠶ᠎ᠠ ᠲᠠᠢᠯᠤᠭᠰᠠᠨ ᠦᠭᠡᠢ ᠨᠤᠮ ᠢ ᠮᠢᠩᠭ᠎ᠠ ᠤᠲᠠᠭ᠎ᠠ ᠤᠩᠰᠢᠭᠰᠠᠨ ᠲᠠᠲᠤᠢ᠂ ᠬᠡᠷᠪᠡ ᠵᠠᠩᠬᠢᠶ᠎ᠠ ᠶᠢ ᠨᠢ ᠲᠠᠢᠯᠪᠠᠯ ︽ᠲᠤᠤᠭᠠᠷᠤᠮᠠᠭᠴᠠ ᠲᠤᠰᠠᠯᠠᠵᠤ᠂ ᠠᠮᠠᠯᠠᠮᠠᠭᠴᠠ ᠠᠴᠢ ᠭᠠᠷᠲᠠᠭ︾ ᠪᠤᠯᠬᠤᠷ ᠠᠢᠯ ᠡᠷᠦᠬᠡ᠂ ᠤᠪᠤᠭ ᠲᠦᠷᠦᠯ ᠤᠨ ᠲᠤᠲᠤᠷ᠎ᠠ ᠠᠴᠠ ᠬᠠᠮᠤᠭ ᠤᠨ ᠰᠢᠯᠤᠭᠤᠨ ᠰᠢᠲᠤᠷᠭᠤ ᠬᠦᠪᠡᠬᠦᠨ ᠳᠡᠭᠡᠨ ᠨᠢᠭᠤᠴᠠ ᠪᠠᠷ ᠤᠯᠠᠮᠵᠢᠯᠠᠲᠠᠭ ᠵᠠᠩᠰᠢᠯ ᠲᠠᠢ᠃ᠦᠨᠡᠨ ᠳᠡᠭᠡᠨ᠂ ᠮᠤᠩᠭᠤᠯᠴᠤᠳ ᠨᠤᠮ ᠲᠠᠷᠬᠠᠭᠠᠵᠦ᠂ ᠪᠤᠰᠤᠳ ᠲᠤ ᠨᠤᠮ ᠦᠭᠬᠦ ᠳᠡᠭᠡᠨ ︽ᠨᠤᠮ ᠤᠨ ᠵᠠᠩᠬᠢᠶ᠎ᠠ︾ ᠶᠢ ᠨᠢ ᠲᠠᠢᠯᠵᠤ ᠦᠭᠲᠡᠭ ᠲᠤᠰᠬᠠᠢ ᠵᠠᠩ ᠦᠢᠯᠡ ᠪᠤᠢ᠃ ᠬᠡᠲᠡᠯ᠎ᠡ ᠡᠨᠡᠬᠦ ᠶᠤᠰᠤ ᠵᠠᠩᠰᠢᠯ ᠮᠡᠷᠳᠡᠬᠳᠠᠨ᠂ ︽ᠨᠤᠮ ᠤᠨ ᠬᠠᠲᠠᠭ ᠰᠡᠬᠦᠬᠦ︾᠂ ︽ᠨᠤᠮ ᠤᠨ ᠬᠠᠭᠤᠲᠠᠰᠤ︾ ᠰᠡᠬᠦᠬᠦ ᠬᠡᠬᠦ ᠮᠡᠲᠦ ᠶᠢᠨ ᠨᠡᠷ᠎ᠡ ᠲᠤᠮᠢᠶ᠎ᠡ ᠪᠠᠷ ᠤᠷᠤᠯᠠᠭᠳᠠᠬᠰᠠᠨ ᠪᠠᠢᠨ᠎ᠠ᠃ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠶᠤᠰᠤᠮᠤᠩᠭᠤᠯᠴᠤᠳ ᠤᠨ ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠶᠤᠰᠤ ᠨᠢ ᠦᠰᠦᠭ ᠪᠢᠴᠢᠭ ᠪᠠᠢᠬᠤ ᠦᠬᠡᠢ ᠦᠶ᠎ᠡ ᠳᠤ ᠲᠡᠭᠡᠰᠤ ᠵᠠᠩᠭᠢᠳᠴᠤ ᠲᠡᠮᠲᠡᠭᠯᠡᠯ ᠬᠢᠲᠡᠭ ᠵᠠᠩᠰᠢᠯ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠪᠤᠯᠤᠯᠲᠠᠢ᠂ ᠡᠢᠮᠦ ᠠᠴᠠ ᠮᠤᠩᠭᠤᠯᠴᠤᠳ ᠦᠬᠡ ᠶᠠᠷᠢᠬᠤ ᠳᠠᠭᠠᠨ ᠵᠠᠩᠬᠢᠯᠠᠭ᠎ᠠ ᠶᠢ ᠨᠢ ᠠᠳᠬᠤᠵᠤ ᠶᠠᠷᠢᠨ᠎ᠠ᠂ ᠵᠤᠬᠢᠶᠠᠯ ᠪᠢᠴᠢᠬᠦ ᠳᠡᠭᠡᠨ ᠵᠠᠩᠬᠢᠯᠠᠭ᠎ᠠ ᠶᠢ ᠨᠢ ᠠᠳᠬᠤᠵᠤ ᠪᠢᠴᠢᠨ᠎ᠠ᠂ ᠠᠮᠢᠨ ᠰᠠᠬᠢᠶ᠎ᠠ ᠪᠤᠯᠭᠠᠵᠤ ᠵᠠᠩᠬᠢᠯᠠᠭ᠎ᠠ ᠵᠡᠬᠦᠨ᠎ᠡ᠂ ᠶᠠᠭᠤᠮ᠎ᠠ ᠦᠢᠯᠡᠳᠬᠦ ᠳᠡᠭᠡᠨ ᠵᠠᠩᠬᠢᠯᠠᠭ᠎ᠠ ᠶᠢ ᠨᠢ ᠠᠳᠬᠤᠵᠤ ᠬᠢᠨ᠎ᠡ ᠬᠡᠲᠡᠭ᠃ ᠪᠠᠰᠠ ᠮᠤᠩᠭᠤᠯ ᠬᠦᠮᠦᠨ ᠠᠢᠯ ᠡᠷᠦᠬᠡ ᠳᠤ ᠤᠷᠤᠵᠤ ᠪᠡᠯᠡᠭ ᠰᠡᠯᠲᠡ ᠬᠦᠷᠬᠡᠬᠦ ᠳᠡᠭᠡᠨ ᠪᠦᠷ ᠪᠤᠭᠤᠯᠲᠠ ᠶᠢᠨ ᠵᠠᠩᠬᠢᠶ᠎ᠠ ᠶᠢ ᠨᠢ ᠲᠠᠢᠯᠵᠤ ᠬᠦᠷᠬᠡᠲᠡᠭ ᠶᠤᠰᠤ ᠪᠤᠢ᠃ ᠡᠬᠦᠨ ᠲᠠᠢ ᠠᠳᠠᠯᠢ ᠪᠠᠷ᠂ ᠵᠠᠩᠬᠢᠯᠠᠭ᠎ᠠ ᠲᠠᠢᠯᠤᠭᠰᠠᠨ ᠦᠭᠡᠢ ᠨᠤᠮ ᠢ ᠪᠤᠰᠤᠳ ᠲᠤ ᠬᠦᠷᠭᠡᠲᠡᠭ ᠦᠭᠡᠢ᠂ ᠮᠤᠩᠭᠤᠯᠴᠤᠳ ᠤᠨ ᠬᠤᠪᠤᠷ ᠦᠨᠡᠲᠦ ᠨᠤᠮ ᠢᠶᠠᠨ ᠪᠦᠷ ᠲᠠᠪᠤᠨ ᠦᠩᠬᠡ ᠶᠢᠨ ᠲᠤᠷᠭᠠᠨ ᠤᠲᠠᠰᠤ ᠪᠠᠷ ᠭᠤᠷᠪᠠᠨ ᠵᠠᠩᠬᠢᠯᠠᠭ᠎ᠠ ᠬᠦᠬᠡᠷᠬᠡᠢ ᠵᠠᠩᠬᠢᠳᠴᠤ ᠲᠤᠭᠤᠮᠴᠢ ᠶᠢ ᠨᠢ ᠨᠤᠮ ᠤᠨ ᠲᠤᠯᠤᠭᠠᠢ ᠲᠠᠯ᠎ᠠ ᠳᠤᠨᠢ ᠲᠠᠭᠠᠷᠠᠭᠤᠯᠤᠨ ᠬᠠᠲᠠᠭᠠᠯᠠᠵᠤ ᠪᠠᠢᠲᠠᠭ᠂ ᠨᠤᠮ ᠢᠶᠠᠨ ᠪᠤᠰᠤᠳ ᠲᠤ ᠬᠦᠷᠬᠡᠬᠦ ᠳᠡᠭᠡᠨ ᠪᠠᠷᠠᠭᠤᠨ ᠬᠤᠢᠰᠢ ᠬᠠᠨᠳᠤᠨ ᠵᠤᠭᠰᠤᠵᠤ᠂ ᠨᠤᠮ ᠤᠨ ᠬᠠᠨ ᠪᠠᠪᠠᠢ ᠲᠡᠭᠷᠢ ᠶᠢᠨ ᠵᠠᠷᠯᠢᠭ ᠤᠨ ᠦᠴᠢᠭ ᠦᠴᠢᠵᠤ ︽ᠰᠠᠷ︕ ᠰᠠᠷ︕ ᠰᠠᠷ︕︾ ᠬᠡᠵᠤ ᠲᠡᠭᠷᠢ ᠦᠭᠡᠳᠠ ᠠᠷᠢᠬᠢ ᠰᠠᠷᠬᠤᠳ ᠢ ᠰᠠᠴᠤᠯᠬᠢᠯᠠᠠ ᠵᠠᠩᠬᠢᠶ᠎ᠠ ᠶᠢ ᠨᠢ ᠲᠠᠢᠯᠵᠤ ᠬᠦᠷᠭᠡᠲᠡᠭ ᠶᠤᠰᠤ ᠪᠤᠢ᠃ ᠬᠡᠷᠪᠡ ᠵᠠᠩᠬᠢᠶ᠎ᠠ ᠶᠢ ᠨᠢ ᠲᠠᠢᠯᠤᠭᠰᠠᠨ ᠦᠭᠡᠢ ᠨᠤᠮ ᠢ ᠪᠤᠰᠤᠳ ᠲᠤ ᠬᠦᠷᠬᠡᠪᠡᠯ ᠵᠠᠩᠬᠢᠷᠠᠭᠠᠳ ᠨᠤᠮ ᠤᠨ ᠬᠦᠴᠤᠨ ᠨᠢ ᠶᠠᠪᠤᠭᠤᠷᠢ ᠦᠭᠡᠢ ᠪᠠᠢᠵᠦ᠂ ᠤᠩᠰᠢᠭᠴᠢ ᠪᠠᠷ ᠮᠡᠬᠦᠰᠲᠡᠬᠦ ᠪᠤᠶᠤ ᠤᠩᠰᠢᠭᠰᠠᠨ ᠴᠤ ᠠᠴᠢ ᠲᠤᠰᠠ ᠭᠠᠷᠲᠠᠭ ᠦᠭᠡᠢ ᠬᠡᠲᠡᠭ᠃ ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠳᠤ ᠪᠠᠰᠠ ᠡᠲᠦᠷ᠂ ᠴᠠᠭ ᠢ ᠶᠡᠭᠡ ᠨᠠᠷᠢᠯᠢᠭ ᠰᠤᠩᠭᠤᠵᠤ ᠦᠢᠯᠡᠲᠤᠲᠡᠭ ᠵᠤᠷᠰᠢᠯ ᠲᠠᠢ᠃ ᠡᠨᠡ ᠨᠢ ᠲᠠᠷᠤᠢ ᠵᠢᠷᠤᠬᠠᠢ ᠶᠢᠨ ᠠᠷᠪᠠᠨ ᠬᠤᠶᠠᠷ ᠡᠵᠡᠨ ᠤ ᠨᠡᠬᠡᠬᠡᠭᠴᠢ᠂ ᠡᠪᠲᠡᠭᠴᠢ᠂ ᠲᠦᠬᠦᠷᠤᠭ᠍ᠴᠢ᠂ ᠲᠦᠪᠰᠢᠳᠬᠡᠭᠴᠢ ᠵᠡᠷᠭᠡ ᠲᠦᠷᠪᠡᠨ ᠡᠵᠡᠨ ᠢ ᠰᠤᠩᠭᠤᠵᠤ᠂ ᠷᠤᠬᠢᠨᠠᠢ᠂ ᠪᠦᠷᠨᠢᠸᠠᠰᠤ᠂ ᠪᠦᠷᠸᠠᠰᠠᠳ᠂ ᠰᠢᠲᠢᠪᠢᠰ ᠵᠡᠷᠭᠡ ᠬᠡᠰᠢᠭ ᠤᠨ ᠲᠦᠷᠪᠡᠨ ᠤᠲᠤ ᠲᠠᠢ ᠲᠤᠬᠢᠶᠠᠯᠲᠤᠭᠤᠯᠤᠨ ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠦᠢᠯᠠ ᠶᠢ ᠦᠢᠯᠡᠲᠤᠨ᠎ᠠ᠃ ᠬᠡᠬᠦ ᠳᠡᠭᠡᠨ ᠠᠷᠢᠭᠤᠨ ᠴᠡᠪᠡᠷ ᠢ ᠡᠷᠬᠢᠮᠯᠠᠨ᠎ᠠ᠃ ᠠᠷᠢᠭᠤᠳᠬᠠᠯ ᠨᠢ ᠨᠤᠮ ᠪᠢᠲᠡᠬᠦᠯᠡᠬᠦ ᠠᠷᠢᠭᠤᠳᠬᠠᠯ ᠲᠠᠢ ᠠᠳᠠᠯᠢ᠃ ᠮᠤᠩᠭᠤᠯᠴᠤᠳ ᠤᠨ ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠶᠤᠰᠤ ᠪᠤᠯ ᠠᠯᠢᠪᠠ ᠨᠤᠮᠯᠠᠯ ᠢ ᠮᠠᠰᠢ ᠶᠡᠭᠡ ᠶᠠᠪᠤᠭᠤᠷᠢ ᠲᠠᠢ ᠪᠤᠯᠭᠠᠵᠤ ᠷᠢᠳᠢ ᠰᠢᠳᠢ ᠤᠷᠤᠭᠤᠯᠲᠠᠭ᠃ᠨᠤᠮ ᠪᠢᠲᠡᠬᠦᠯᠡᠬᠦ ᠶᠤᠰᠤᠨᠤᠮ ᠪᠢᠲᠡᠬᠦᠯᠡᠬᠦ ᠶᠤᠰᠤ ᠨᠢ ᠤᠯᠠᠩᠬᠢ ᠳᠠᠭᠠᠨ ᠤᠷᠲᠤᠰ ᠲᠤᠭᠠᠯᠠᠯ ᠤᠨ ᠦᠬᠡᠯᠵᠢᠨ ᠰᠠᠷ᠎ᠠ ᠶᠢᠨ ᠬᠤᠷᠢ ᠶᠢᠰᠦᠨ ᠪᠤᠶᠤ ᠪᠢᠲᠡᠬᠦᠨ ᠳᠤ ᠶᠠᠪᠤᠭᠲᠠᠲᠠᠭ᠃ ᠬᠡᠪᠡᠴᠤ ᠨᠤᠮ ᠵᠤᠬᠢᠶᠠᠵᠤ ᠲᠡᠬᠦᠰᠬᠦ ᠪᠤᠶᠤ ᠶᠠᠮᠠᠷ ᠨᠢᠬᠡᠨ ᠲᠠᠷᠨᠢ ᠪᠦᠲᠦᠬᠡᠬᠦ ᠳᠡᠭᠡᠨ ᠪᠤᠰᠤᠳ ᠲᠤᠬᠢᠷᠠᠮᠵᠢᠲᠠᠢ ᠴᠠᠭ ᠢ ᠴᠤ ᠰᠤᠩᠭᠤᠵᠤ ᠪᠦᠲᠦᠬᠡᠲᠡᠭ᠂ ᠡᠨᠡ ᠬᠦ ᠡᠲᠦᠷ ᠴᠠᠭ ᠨᠢ ᠵᠢᠷᠤᠬᠠᠢ ᠶᠢᠨ ᠠᠷᠪᠠᠨ ᠬᠤᠶᠠᠷ ᠡᠵᠡᠨ ᠠᠴᠠ ᠡᠵᠡᠯᠡᠭᠴᠢ᠂ ᠲᠤᠭᠲᠠᠭᠴᠢ᠂ ᠰᠠᠬᠢᠭᠴᠢ᠂ ᠪᠦᠲᠦᠬᠡᠭᠴᠢ᠂ ᠬᠤᠷᠢᠶᠠᠭᠴᠢ ᠶᠢ ᠰᠤᠩᠭᠤᠨ᠂ ᠪᠦᠲᠦᠬᠡᠬᠦ ᠶᠢᠨ ᠲᠦᠷᠪᠡᠨ ᠤᠲᠤ ᠠᠴᠠᠪᠦᠰ᠂ ᠤᠳᠠᠷᠰᠠᠳ᠂ ᠰᠤᠸᠠᠳᠢ᠂ ᠷᠠᠸᠠᠳᠢ ᠵᠡᠷᠭᠡ ᠲᠠᠢ ᠲᠤᠬᠢᠶᠠᠯᠲᠤᠭᠤᠯᠤᠨ ᠡᠲᠦᠷ ᠰᠤᠩᠭᠤᠵᠤ ᠦᠢᠯᠡᠲᠤᠨ᠎ᠠ᠃ ᠭᠡᠬᠦ ᠳᠡᠭᠡᠨ᠂ ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠲᠠᠢᠯᠬᠤ ᠪᠤᠯᠤᠨ ᠨᠤᠮ ᠪᠢᠳᠡᠬᠦᠯᠡᠬᠦ ᠶᠤᠰᠤ ᠶᠢ ᠬᠤᠳᠬᠤᠯᠳᠤᠭᠤᠯᠤᠨ ᠦᠢᠯᠠᠳᠬᠦ ᠶᠢ ᠡᠷᠡᠰ ᠴᠠᠭᠡᠷᠯᠡᠬᠦ ᠭᠡᠷᠡᠭᠳᠠᠢ᠃ᠬᠤᠨᠢᠨ ᠴᠠᠭᠠᠰᠤ ᠪᠠᠷ ᠯᠤᠮᠪᠤᠳᠠᠭᠰᠠᠨ ᠭᠤᠷᠪᠠᠨ ᠵᠠᠩᠬᠢᠶᠠᠲᠤ ᠨᠤᠮᠨᠤᠮ ᠪᠢᠲᠡᠬᠦᠯᠡᠬᠦ ᠳᠤ᠂ ᠶᠠᠭᠤᠨ ᠤ ᠡᠮᠦᠨ᠎ᠡ ᠲᠤᠰᠬᠠᠢ ᠤᠲᠤᠯᠭ᠎ᠠ ᠪᠠᠷ ᠤᠲᠤᠵᠤ ᠨᠤᠮ ᠢᠶᠠᠨ ᠠᠷᠢᠭᠤᠳᠬᠠᠨ᠎ᠠ᠂ ᠡᠨᠡ ᠬᠦ ᠤᠲᠤᠯᠭ᠎ᠠ ᠨᠢ ᠲᠤᠯᠤᠭᠠᠨ ᠵᠦᠢᠯ ᠤᠨ ᠰᠢᠲᠢᠲᠤ ᠡᠮ ᠲᠡᠭᠡᠷ᠎ᠡ ᠰᠢᠬᠢᠷ ᠪᠤᠯᠤᠨ ᠦᠨᠡᠬᠡᠨ ᠤ ᠨᠤᠮ ᠠᠷᠢᠭᠤᠳᠬᠠᠭᠴᠢ ᠶᠢ ᠨᠡᠮᠡᠷᠢᠯᠡᠵᠤ ᠲᠠᠯᠬᠠᠯᠠᠭᠠᠳ ᠨᠢᠭᠤᠴᠠ ᠰᠢᠪᠰᠢᠯᠬᠡ ᠰᠢᠪᠰᠢᠵᠤ ᠤᠲᠤᠨ᠎ᠠ᠃ ᠡᠬᠦᠨ ᠤ ᠲᠠᠷᠠᠭ᠎ᠠ ︽ᠨᠤᠮ ᠤᠨ ᠬᠠᠨ ᠪᠠᠪᠠᠢ ᠲᠡᠭᠷᠢ︾ ᠶᠢ ᠲᠠᠭᠤᠲᠠᠵᠤ ᠤᠷᠤᠰᠢᠭᠤᠯᠤᠨ᠂ ︽ᠨᠤᠮ ᠤᠨ ᠬᠠᠨ ᠤ ᠵᠠᠷᠯᠢᠭ ᠤᠨ ᠦᠴᠢᠭ︾ ᠦᠴᠢᠵᠤ ᠪᠠᠭᠤᠮᠠᠯ ᠪᠠᠭᠤᠯᠭᠠᠵᠤ ᠠᠴᠤᠭ ᠪᠤᠯᠭᠠᠨ ᠢ ᠠᠮᠢᠯᠠᠨ ᠠᠷᠠᠭ᠎ᠠ ᠪᠦᠷᠢ ᠶᠢ ᠨᠢ ᠬᠤᠷᠴᠠᠯᠠᠨ ᠰᠢᠳᠢ ᠤᠷᠤᠭᠤᠯᠵᠤ ᠬᠠᠪᠲᠠᠰᠤᠯᠠᠭᠠᠳ ᠲᠠᠪᠤᠨ ᠦᠩᠬᠡ ᠶᠢᠨ ᠲᠤᠷᠭᠠᠨ ᠤᠲᠠᠰᠤ ᠪᠠᠷ ᠭᠤᠷᠪᠠᠨ ᠪᠦᠰᠡᠯᠡᠬᠦᠷ ᠤᠷᠤᠭᠤᠯᠵᠤ ᠲᠤᠭᠤᠮᠴᠢᠯᠠᠨ ᠵᠠᠩᠬᠢᠳᠴᠤ᠂ ᠲᠤᠭᠤᠮᠴᠢ ᠶᠢᠨ ᠰᠡᠨᠵᠢ ᠶᠢ ᠨᠢ ᠨᠤᠮ ᠤᠨ ᠲᠤᠯᠤᠭᠠᠢ ᠲᠠᠢ ᠲᠠᠭᠠᠷᠠᠭᠤᠯᠤᠨ ᠰᠦᠪᠡᠭᠴᠢ ᠶᠢ ᠨᠢ ᠬᠤᠨᠢᠨ ᠴᠠᠭᠠᠰᠤ ᠶᠢᠨ ᠨᠠᠷᠢᠨ ᠵᠦᠰᠦᠮᠡᠯ ᠢᠶᠠᠷ ᠯᠤᠮᠪᠤᠳᠠᠨ᠎ᠠ᠃ ᠢᠩᠬᠢᠬᠡᠳ ᠲᠠᠬᠢᠯᠭ᠎ᠠ ᠶᠢᠨ ᠰᠢᠷᠡᠭᠡ ᠲᠡᠭᠡᠷ᠎ᠡ ᠲᠠᠯᠪᠢᠵᠤ᠂ ᠬᠦᠬᠡ ᠪᠤᠶᠤ ᠴᠠᠭᠠᠨ ᠪᠦᠰ ᠲᠡᠭᠡᠷ᠎ᠡ ︽ᠨᠤᠮ ᠤᠨ ᠬᠠᠨ ᠤ ᠵᠠᠷᠯᠢᠭᠲᠤ᠂ ᠨᠤᠮᠯᠠᠯ ᠤᠨ ᠶᠡᠭᠡ ᠰᠢᠳᠢᠲᠤ᠂ ᠨᠤᠮ ᠤᠨ ᠶᠡᠭᠡ ᠠᠴᠢᠳᠤ᠂ ᠨᠤᠮᠯᠠᠯ ᠤᠨ ᠶᠡᠭᠡ ᠬᠦᠴᠦ ᠤᠷᠤᠰᠢᠬᠤ ᠪᠤᠯᠲᠤᠭᠠᠢ︕︾ ᠬᠡᠵᠤ ᠪᠢᠴᠢᠬᠡᠳ ᠪᠦᠲᠡᠬᠡᠵᠤ ᠬᠦᠵᠢ ᠵᠤᠯᠠ ᠡᠷᠬᠦᠵᠤ ᠮᠦᠷᠬᠦᠨ ᠲᠠᠬᠢᠲᠠᠭ᠃ᠰᠢᠨ᠎ᠡ ᠶᠢᠨ ᠭᠤᠷᠪᠠᠨ ᠳᠤ ᠨᠤᠮ ᠤᠨ ᠡᠮᠦᠨ᠎ᠡ ᠪᠠᠷᠠᠭᠤᠨ ᠬᠤᠢᠰᠢ ᠬᠠᠨᠲᠤᠨ ᠰᠦᠬᠦᠳᠴᠤ ︽ᠡᠴᠢᠬᠡ ᠲᠡᠭᠷᠢ ᠦᠷᠦᠰᠢᠶᠡᠵᠤ᠂ ᠲᠤᠭᠰᠢᠨ ᠨᠤᠮᠤᠬᠠᠨ ᠰᠠᠬᠢᠭᠤᠯᠰᠤ ᠪᠠᠷ ᠨᠢᠬᠡᠨ ᠭᠠᠷ ᠤᠨ ᠬᠦᠴᠦᠨ ᠦᠭᠬᠦᠭᠦᠯᠬᠦ ᠪᠤᠯᠪᠠᠤ︖︾ ᠬᠡᠵᠤ ᠭᠤᠷᠪᠠᠨᠲᠠ ᠲᠠᠭᠠᠳᠬᠠᠨ᠎ᠠ᠃ ᠡᠬᠦᠨ ᠤ ᠲᠠᠷᠠᠭ᠎ᠠ ᠨᠤᠮ ᠤᠨ ᠵᠠᠩᠬᠢᠶ᠎ᠠ ᠶᠢ ᠲᠠᠢᠯᠵᠤ᠂ ᠬᠡᠲᠤᠨ ᠱᠠᠳ ᠤᠩᠰᠢᠭᠠᠳ ᠲᠦᠷᠪᠡᠨ ᠵᠦᠭ ᠲᠤ ᠨᠤᠮ ᠢᠶᠠᠨ ᠰᠡᠪᠡᠨ᠎ᠡ᠃ ᠡᠨᠡ ᠮᠡᠲᠦ ᠨᠤᠮ ᠤᠨ ᠢᠶᠠᠨ ᠵᠠᠩᠬᠢᠶ᠎ᠠ ᠶᠢ ᠲᠠᠢᠯᠵᠤ ᠦᠢᠯᠡᠳᠦᠭᠰᠡᠨ ᠠᠯᠢᠪᠠ ᠬᠠᠷᠢᠶᠠᠯ ᠢᠷᠦᠬᠡᠯ᠂ ᠬᠠᠷᠢᠭᠤᠯᠭ᠎ᠠ ᠶᠢᠨ ᠨᠤᠮ ᠠᠮᠠᠯᠠᠮᠠᠭᠴᠠ ᠠᠴᠢ ᠭᠠᠷᠴᠤ᠂ ᠲᠤᠷᠠᠲᠤᠮᠠᠭᠴᠠ ᠲᠤᠰᠠᠯᠠᠨ᠎ᠠ᠃ᠨᠤᠮ ᠤᠨ ᠴᠠᠭᠠᠨ ᠪᠤᠶᠠᠨ ᠲᠡᠯᠬᠡᠷᠡᠬᠦ ᠪᠤᠯᠲᠤᠭᠠᠢ︕